Նարայի ազգային թանգարան

Նարայի ազգային թանգարան
Տեսակ	ազգային թանգարան
Երկիր	Ճապոնիա
Տեղագրություն	Նարա
Վայր	Nara Park?
Պատկանում է	National Institutes for Cultural Heritage?
Հասցե	〒630-8213 　奈良県奈良市登大路町50番地630-8213
Հիմնադրվել է	1889
Այցելուներ	635 042 մարդ
Կայք	narahaku.go.jp(ճապոներեն), narahaku.go.jp/english/index_e.html(անգլ.), narahaku.go.jp/chinese/index.html և narahaku.go.jp/korean/index.html(կոր.)

Նարայի ազգային թանգարան (ճապ.՝ 奈良国立博物館), Ճապոնիայի ազգային արվեստի թանգարան։ Գտնվում է Նարա քաղաքում, որը երկրի մայրաքաղաքն է համարվել 710-784 թվականներին։

Թանգարանը հայտնի է բուդդայական արվեստի հարուստ հավաքածուով, որի մեջ ներառվում է նկարներ, քանդակներ, եկեղեցական ձեռագրեր։ Այստեղ նաև պահվում և ցուցադրվում են մոտակա եկեղեցիներին պատկանող կերպարվեստի գործեր։

Պատմություն[խմբագրել | խմբագրել կոդը]

Մինչև 1874 թվականին Նարայի կառավարիչ Ֆուդզի Տիխիրոյի կողմից թանգարանի հիմնումը ստեղծվել էր Նարայի Ցուցահանդեսային ընկերությունը։

Թանգարանը հիմնադրվել է 1889 թվականին և ունեցել է կայսրական կարգավիճակ։ Թանգարանի առաջին շենքը արված է արևմտյան ոճով, որը նախագծել է Կատայամա Տոկուման (1854—1917), կառուցումն ավարտվել է 1894 թվականին։ Թանգարանի առաջին ցուցահանդեսն անց է կացվել 1895 թվականին։ 1952 թվականին թանգարանը Կայսերականից վերանվանվել է Ազգային։ 1973 թվականին Ձյունձո Յուսիմուրան նախագծել է ցուցահանդեսի նոր շենք, որը կառուցվել է ըստ այդ նախագծի։ 1980 թվականին բացվել է Բուդդայական արվեստի գրադարանը։ 1997 թվականին ավարտվել է Արևելյան թևի շինարարությունը^[1]։