Յուպիտերի տրոյացի աստերոիդներ

Աստերոիդների հիմնական գոտին (սպիտակ) և տրոյացի աստերոիդներ (կանաչ)

Յուպիտերի տրոյացի աստերոիդներ, աստերոիդների խումբ, որոնք գտնվում են Յուպիտերի L₄ և L₅ կետերում մոլորակի հետ 1:1 ուղեծրային ռեզոնանսի մեջ։ Այս աստերոիդները անվանում են Իլիականում նկարագրված Տրոյական պատերազմի հերոսների անուններով։

Գոյություն ունի ավանդույթ անվանել L₄ կետի շուրջ գտնվող աստերոիդները հույն հերոսների անուններով, իսկ L₅ կետինը - Տրոյայի պաշտպանների։ Հեկտորը և Պատրոկլուսը հայտնվել են «ոչ իրենց տեղերում», քանզի այս ավանդույթը հայտնվել է նրանց անվանումից հետո։

«Աքեյան ճամբարը» (կամ «Հույները»)՝ (588) Աքիլլեսը, (624) Հեկտորը, (659) Նեստորը, (911) Ագամեմնոնը, (1143) Ոդիսևսը, (1404) Այաքսը, (1437) Դիոմեդեսը, (1583) Անտիլոքուսը, (1647) Մենելաուսը և մյուսները Յուպիտերին նախորդում են 60°-ով։

«Տրոյական ճամբարը» (կամ «Տրոյացիները»)։ (617) Պատրոկլուսը, (884) Պրիամուսը, (1172) Անեասը, (1173) Անքիսեսը, (1208) Տրոիլուսը և մյուսները - հաջորդում են 60°-ով։

Ընդամենը 2010 թվականի հոկտեմբերի տվյալներով հայտնի են 1733 տրոյացիներ L₅ կետում և 2793 հույներ L₄ կետում^[1].

Ավելի լայն իմաստով «տրոյացիները» - աստերոիդներ են, որոնք գտնվում են ցանկացած մոլորակի Լագրանժի L₄ և L₅ կետերի շրջակայքում։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

↑ List Of Jupiter Trojans

[1] List Of Jupiter Trojans

[1]