Մրվանյաններ

Մրվանյաններ, Մրվանիներ, քրդական ծագում ունեցող ամիրայական տոհմ Հայաստանում X-XI դարերում։ Իշխել են Աղձնիքում և Խլաթում։ 1003 թվականին հպատակություն են հայտնել Բյուզանդիայի կայսր Վասիլ II-ին, սելջուկյան արշավանքների ժամանակ՝ սելջուկներին, աջակցել նրանց՝ Սասունի հայկական իշխանության դեմ պայքարում, որի համար ստացել են Խլաթը։ XI դ․ վերջին Մրվանյանների տիրույթները զավթել են սելջուկները, թեև Մրվանյանների մնացորդները, իբրև մանր ամիրաներ, շարունակել են իշխել Աղձնիքում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 68)։