Միրմուխսին

Միրմուխսին
Ծնվել է	մայիսի 3, 1921(1921-05-03)
Ծննդավայր	Տաշքենդ, Ղրղզական ինքնավար խորհրդային սոցիալիստական հանրապետություն, Խորհրդային Ռուսաստան
Վախճանվել է	փետրվարի 3, 2005(2005-02-03) (83 տարեկան)
Վախճանի վայր	Տաշքենդ, Ուզբեկստան
Մասնագիտություն	գրող
Քաղաքացիություն	ԽՍՀՄ
Պարգևներ	և

Միրմուխսին (իսկական անունը`Միրսաիդով Միրմուխսին, ուզբ.՝ Mirmuhsin Mirsaidov, մայիսի 3, 1921(1921-05-03), Տաշքենդ, Ղրղզական ինքնավար խորհրդային սոցիալիստական հանրապետություն, Խորհրդային Ռուսաստան - փետրվարի 3, 2005(2005-02-03), Տաշքենդ, Ուզբեկստան), ուզբեկ բանաստեղծ և արձակագիր։

Կենսագրություն

Ծնվել է աղքատ բրուտագործի ընտանիքում։ Գրել սկսել է 1936 թվականից։ 1941 թվականին ավարտել է Տաշքենդի բանասիրության ֆակուլտետը, 1946-ին մտել Խորհրդային Միության կոմունիստական կուսակցություն: 1950-1960 թթ. եղել է «Արևի աստղ» ամսագրի գլխավոր խմբագիրը։ Իր գործունեությունն է ծավալել նաև «Մուշթում» և «Գյուլիստան» ամսագրերում։

Ստեղծագործություններ

Հիմնական աշխատանքներից են` «Ջամիլյա», «Սպիտակ մարմար» (1957), «Ստրկուհին», «Ալեքսանդրյան նեղուց», «Գիշերային շանթեր» (1964) վիպակները, «Ումիդ» (1969), «Կոփում», «Ճարտարապետը», «Ձուլողի որդին» վեպերը, որոնք բոլորը թարգմանվելեն նաև ռուսերեն։ Գրել է նաև երեխաների համար։ Մանկական ստեղծագործություններից են` «Լոլա» (1952), «Աստղեր», «Սալար և ուրյուկ» (1952), «Շողացեք, աստղիկներ» չափածո և արձակ ժողովածուները։

Մրցանակներ և պատվավոր կոչումներ

• Ուզբեկական ՍՍՀ Խամզիի անվան պետական մրցանակ` «Ումիդ» վեպի համար (1974թ.)
• Ուզբեկստանի ժողովրդական գրող (1981թ.)
• Ուզբեկական ՍՍՀ պետական մրցանակի դափնեկիր (1974թ.)