Հրատարակչություն
Հրատարակչություն, գրքեր, գրքույկներ, լրագրեր, ամսագրեր, պլակատներ, նոտաներ և տպագիր այլ արտադրանք թողարկող ձեռնարկություն։ Կատարում են տպագիր արտադրանքի պատրաստման բոլոր գործողությունները՝ հրատարակվող ձեռագրի (բնագրի) ընտրություն, խմբագրում, էջկապ, գեղարվեստական ձևավորում, դիզայն և տպագրություն։
Ժամանակակից տեղեկատվական տեխնոլոգիաների կիրառումը հրատարակչական գործում հնարավորություն է տվել ոչ միայն արագացնելու և բարելավելու տպագրական բնագրի պատրաստումը, այլև նախատպագրական բոլոր գործողությունները կենտրոնացնելու հրատարակչությունում՝ բացառելով սրբագրական տպածոների՝ «տպարան-հրատարակչություն» փոխանակման ավանդական անհրաժեշտությունը։
Ժամանակակից հրատարակչությունների մեծ մասը հիմնականում կատարում է միջնորդ ծառայություն հեղինակի և ընթերցողի, ներդրողի ու խմբագրահրատարակչական և մարկետինգային ծառայությունների միջև։
Հայաստանում ներկայում գործում են 100֊ից ավելի հրատարակչություններ՝ «Անտարես», «Գիտություն», «Դարակ», ԵՊՀ-ի, Զանգակ, «Էդիթ Պրինտ», «Լույս», «Հակոբ Մեղապարտ», «Հայաստան», «Հայկական հանրագիտարան. հրտարակչություն», ՀԳՄ-ի, «Մուղնի», «Նաիրի», «Ոսկան Երևանցի», «Սարգիս Խաչենց», «Տիգրան Մեծ» «Փրինթինֆո» և այլն[1]։
Ծանոթագրություններ[խմբագրել | խմբագրել կոդը]
- ↑ Հայ գրատպություն և գրքարվեստ հանարագիտարան, Ե., 2015, էջ 646։
 | Վիքիպահեստն ունի նյութեր, որոնք վերաբերում են «Հրատարակչություն» հոդվածին։ |
| ||||||
|
Սա գրքի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 624)։ 
|