Հարություն Մերդինյան
| Հարություն Գեղամի Մերդինյան | |
|---|---|
 | |
| Անձնական տեղեկություն | |
| Սեռ՝ | արական |
| Ազգություն՝ | հայ |
| Մասնագիտացում՝ | մարմնամարզիկ |
| Երկիր՝ |  Հայաստան |
| Ծննդյան ամսաթիվ՝ | օգոստոսի 16, 1984 (39 տարեկան) |
| Ծննդավայր՝ | Երևան, ՀԽՍՀ |
| 164 սմ | |
| Քաշ՝ | ~60 կգ |
Հարություն Գեղամի Մերդինյան (օգոստոսի 16, 1984, Երևան, Հայկական ԽՍՀ, ԽՍՀՄ), հայ մարմնամարզիկ, նժույգի վրա վարժություններում Եվրոպայի կրկնակի չեմպիոն (2016 և 2022 թվականներ), 2015 և 2016 թվականների աշխարհի գավաթակիր, աշխարհի առաջնության բրոնզե (2015), ինչպես նաև Եվրոպայի առաջնության արծաթե (2015) և եռակի բրոնզե մեդալակիր (2011, 2012, 2017)։
Կենսագրություն[խմբագրել | խմբագրել կոդը]
Հարություն Մերդինյանը ծնվել է 1984 թվականի օգոստոսի 16-ին, Երևանում։ 1989 թվականին 5 տարեկան Հարությունին ծնողները տարան մարմնամարզության խմբակ։ 15 տարեկանում նա առաջին անգամ հրավիրվեց Հայաստանի հավաքական։ Դրանից երկու տարի անց առաջին ելույթն ունեցավ Եվրոպայի առաջնությունում։
Հարություն Մերդինյանը ելույթ է ունենում մի քանի մրցաձևերում, սակայն հիմնական հաջողությունները նա արձանագրել է նժույգի վրա վարժություններում։ 2011 թվականին Բեռլինում կայացած Եվրոպայի առաջնությունում այդ մրցաձևում նա նվաճեց բրոնզե մեդալ, որը անկախանալուց հետո Հայաստանի մարմնամարզիկների առաջին պարգևն էր աշխարհամասի առաջնություններում[1]։
2012 թվականի դեկտեմբերին Հարությունը նժույգի վրա վարժություններում դարձավ օլիմպիական չեմպիոն Միխայիլ Վորոնինի անվան գավաթի խաղարկության հաղթող[2]։
Նույն թվականի մայիսին Ֆրանսիայի Մոնպելիե քաղաքում կայացած Եվրոպայի առաջնությունում նա կրկնեց իր հաջողությունը և կրկին դարձավ բրոնզե մեդալակիր[3]։
2015 թվականի հոկտեմբերի 31-ին Շոտլանդիայի Գլազգո քաղաքում կայացած աշխարհի առաջնությունում Հարությունը նժույգի վրա 15,500 միավորով արժանացավ բրոնզե մեդալի՝ իրենից առաջ թողնելով Մեծ Բրիտանիայի ներկայացուցիչներ Մաքս Վիթլոքին (16,133 միավոր) և Լուիս Սմիթին (16,033 միավոր)[4]։
2016 թվականի մայիսին Շվեյցարիայի Բեռն քաղաքում կայացած Եվրոպայի առաջնությունում նժույգ վարժությունում վաստակելով 15,366 միավոր՝ դարձավ Եվրոպայի չեմպիոն[5]։
2016 թվականին Հարությունը մասնակցեց Ռիո դե Ժանեյրոյում կայացած Ամառային Օլիմպիական խաղերին։ Նժույգաթափ վարժության որակավորման փուլում նա զբաղեցրեց 4-րդ տեղը և նվաճեց եզրափակիչ փուլի ուղեգիր։ Առողջական խնդիրների և լարվածության պատճառով եզրափակչում նրա ելույթն այնքան էլ հաջող չէր։ Մրցավարները նրա ելույթը գնահատեցին 14,933 միավոր, որը 7-րդ արդյունքն էր[6]։
2017 թվականին Ռումինիայի Կլուժ-Նապոկա քաղաքում կայացած Եվրոպայի առաջնությունում նժույգ վարժությունում վաստակելով 14,833 միավոր՝ կարիերայում երրորդ անգամ դարձավ բրոնզե մեդալակիր[7]։
2022 թվականի օգոստոսին կարիերայիում երկրորդ անգամ Հարությունը դարձավ նժույգ վարժության Եվրոպայի չեմպիոն։ Մյունխենում կայացած առաջնության եզրափակչում նա վաստակեց 14,733 միավոր և առաջ անցավ հոլանդացի և գերմանացի մրցակիցներից[8]։
Մարզական նվաճումները[խմբագրել | խմբագրել կոդը]
| Թվական | Մրցաշար | Անցկացման վայր | Մրցաձև | Տեղ | Միավոր | Տեղ (որակավոր.) | Միավոր (որակավոր.) |
|---|---|---|---|---|---|---|---|
| 2008 | Եվրոպայի առաջնություն։ Եզրափակիչ | Լոզան | նժույգ | 5 | 15,125 | 7 | 14,925 |
| 2008 | Աշխարհի գավաթ։ Եզրափակիչ | Շտուտգարտ | նժույգ | 3 | 15,325 | 6 | 14,500 |
| 2008 | Աշխարհի գավաթ «Աշխարհի աստղեր» | Մոսկվա | նժույգ | 4 | 15,550 | ||
| 2010 | Աշխարհի առաջնություն | Ռոտերդամ | նժույգ | 6 | 15,166 | 7 | 15,333 |
| 2011 | Եվրոպայի առաջնություն 2011 | Բեռլին | նժույգ | 3 | 14,950 | 5 | 14,900 |
| 2012 | Միխայիլ Վորոնինի անվան գավաթ | Մոսկվա | նժույգ | 1 | |||
| 2012 | Եվրոպայի առաջնություն 2012 | Մոնպելիե | նժույգ | 3 | 15,300 | 6 | 15,200 |
| 2013 | Աշխարհի գավաթ | Դոհա | նժույգ | 5 | 14,875 | 6 | 14,550 |
| 2013 | Եվրոպայի առաջնություն 2013 | Մոսկվա | նժույգ | 5 | 15,366 | 6 | 15,233 |
| 2014 | Աշխարհի առաջնություն 2014 | Նանկին | նժույգ | 9 | 15,250 | ||
| 2015 | Աշխարհի գավաթ | Դոհա | նժույգ | 1 | 14,775 | 1 | 14,800 |
| 2015 | Եվրոպայի առաջնություն[9] | Մոնպելիե | նժույգ | 2 | 15,333 | ? | ? |
| 2015 | Աշխարհի առաջնություն 2015[10] | Գլազգո | նժույգ | 3 | 15,500 | 2 | |
| 2016 | Աշխարհի գավաթ[11] | Դոհա | նժույգ | 1 | 1 | ||
| 2016 | Եվրոպայի առաջնություն 2016[5] | Բեռն | նժույգ | 1 | 15,366 | 2 | 15,491 |
| 2016 | Ամառային Օլիմպիական խաղեր 2016[12] | Ռիո դե Ժանեյրո | նժույգ | 7 | 14,933 | 4 | 15,583 |
| 2017 | Եվրոպայի առաջնություն 2017[13] | Կլուժ-Նապոկա | նժույգ | 3 | 14,833 | 3 | 14,700 |
Ծանոթագրություններ[խմբագրել | խմբագրել կոդը]
- ↑ Հարություն Մերդինյանը՝ ԵԱ բրոնզե մեդալակիր(չաշխատող հղում)
- ↑ «Հարություն Մերդինյանը և Արթուր Թովմասյանը հաղթեցին Վորոնինի հուշամրցաշարում». PanARMENIAN. 2012 թ․ դեկտեմբերի 17. Արխիվացված օրիգինալից 2013 թ․ ապրիլի 18-ին.
- ↑ ArmFootball.com. «Հարություն Մերդինյանը՝ ԵԱ կրկնակի բրոնզե մեդալակիր». Արխիվացված է օրիգինալից 2012 թ․ հուլիսի 29-ին. Վերցված է 2012 թ․ մայիսի 28-ին.
- ↑ Հարություն Մերդինյանը՝ աշխարհի առաջնության բրոնզե մեդալակիր
- ↑ 5,0 5,1 «Մարմնամարզություն. Հարություն Մերդինյանը` Եվրոպայի չեմպիոն». Արխիվացված է օրիգինալից 2016 թ․ մայիսի 30-ին. Վերցված է 2016 թ․ մայիսի 29-ին.
- ↑ «Լարվածություն էի զգում, դա էր պատճառը, որ վերջին պտույտը չկատարեցի». Հարություն Մերդինյան
- ↑ «Մարմնամարզություն. Հարություն Մերդինյանը՝ Եվրոպայի առաջնության բրոնզե մեդալակիր». Արխիվացված է օրիգինալից 2017 թ․ ապրիլի 27-ին. Վերցված է 2017 Ապրիլ 22-ին.
- ↑ Հարություն Մերդինյանը՝ Եվրոպայի չեմպիոն (ֆոտո)
- ↑ news.am / Հարություն Մերդինյանը՝ Եվրոպայի փոխչեմպիոն
- ↑ «ՄԱՐՄՆԱՄԱՐԶՈՒԹՅԱՆ ԱԱ. ՀԱՐՈՒԹՅՈՒՆ ՄԵՐԴԻՆՅԱՆԸ՝ ԲՐՈՆԶԵ ՄԵԴԱԼԱԿԻՐ». Արխիվացված է օրիգինալից 2015 թ․ նոյեմբերի 2-ին. Վերցված է 2022 թ․ հունվարի 10-ին.
- ↑ «Հարություն Մերդինյանը` աշխարհի գավաթակիր, Վահագն Դավթյանը նվաճել է արծաթե, Արթուր Թովմասյանը` բրոնզե մեդալ». Արխիվացված է օրիգինալից 2016 թ․ մարտի 29-ին. Վերցված է 2016 թ․ մարտի 28-ին.
- ↑ «Rio-2016. Artistic Gymnastics. Men's Pommel Horse Final». Արխիվացված է օրիգինալից 2016 թ․ օգոստոսի 24-ին. Վերցված է 2016 թ․ օգոստոսի 18-ին.
- ↑ «Հարություն Մերդինյանը՝ Եվրոպայի առաջնության բրոնզե մեդալակիր». Վերցված է 2017 Ապրիլ 22-ին.
Արտաքին հղումներ[խմբագրել | խմբագրել կոդը]
- Հարություն Մերդինյանը՝ Մարնամարզության միջազգային ֆեդերացիայի կայքում(չաշխատող հղում) (անգլ.)