Հանրապետության հրապարակ (մետրոյի կայարան)

«Հանրապետության հրապարակ» կայարան

Երևանի մետրոպոլիտեն

Բացման թվական	1981 թ. դեկտեմբերի 26
Նախկին անվանումներ	Լենինի հրապարակ
Շրջան	Կենտրոն
Ճարտարապետներ	Ջ. Թորոսյան, Մ. Մինասյան^[1]
Ելք դեպի փողոցներ	Նալբանդյան, Գլխավոր պողոտա, Հանրապետության հրապարակ

«Հանրապետության հրապարակ» (նախկին անվանումը՝ «Լենինի հրապարակ»), Երևանի մետրոպոլիտենի կայարան, որը բացվել է 1981 թվականի դեկտեմբերի 26-ին։ Կայարանը գտնվում է Երևանի Կենտրոն համայնքում և դուրս է գալիս Նալբանդյան փողոց, Գլխավոր պողոտա՝ Հանրապետության հրապարակի հարևանությամբ։ Հարևանությամբ գտնվում են Հանրապետության հրապարակը, ՀՀ կառավարության առաջին և երրորդ մասնաշենքերը, Վերնիսաժը, Պատմության թանգարանը։

Անվանակոչվել է Երևանի գլխավոր հրապարակի անունով։ Մինչև 1992 թվականը կոչվում էր Վլադիմիր Լենինի անունով։

Ջիմ Թորոսյանի ու Մկրտիչ Մինասյանի այս համատեղ աշխատանքը 1983 թ. արժանացել է ՀԽՍՀ պետական մրցանակի։ Կայարանի գլխավոր կոնստրուկտորն է Հենզել Հակոբյանը^[2]։