Կտավատազգիներ

Կտավատազգիներ

Linum pubescens

Թագավորություն	Բույսեր
Բաժին	Ծածկասերմեր
Դաս	Էուդիկոտներ
Կարգ	Կտավատածաղկավորներ
Ընտանիք	Կտավատազգիներ
Ցեղ	Կուժկոտրուկ

Լատիներեն անվանում

Linaceae

Արեալ

Դասակարգումը
Վիքիցեղերում

Պատկերներ
Վիքիպահեստում

ITIS 29200
NCBI 4004

Կտավատազգիներ (լատին․՝ Linaceae), երկշաքիլավոր բույսերի ընտանիք է։ Ընդգրկում է շուրջ 250 տեսակ, 8-14 ցեղ։ Խոտաբույսեր են կամ թփեր։ Տերևները պարզ են, ամբողջական, հերթադիր կամ հակադիր, նստադիր։ Տերևակիցները մեծ մասամբ աննկատելի են։ Ծաղիկները կանոնավոր են, բաժակաթերթերը 5-9, որոնք մնում են պտղին կից։ Պսակաթերթերը նույնքան են։ Առէջները 5-ն են, բացի դրանից կան ստամինոդիումներ։ Սերմնարանը ունի իսկական և կեղծ միջնորմներ, սռնակները 5-9 –ն են։ Պտուղը տուփիկ է կամ կորիզավոր։ Սերմերն էնդոսպերմ չունեն։

Ծաղկի ընդհանուր բանաձևը։ $\ast K_{5}\;C_{5}\;A_{10\;or\;{5+{5^{st}}}}\;G_{({\underline {5}})}$

Հայաստանում մեկ տեսակ՝ Կտավատ Բարսեղյանի Linum barsegjanii Gabrielian et Dittr.(=L. seljukorum auct. non P. H. Davis) գտնվում է Հայաստանի կարմիր գրքում։