Կերալա

Կերալա കേരളം
Երկիր	Հնդկաստան
Մասն է	Հնդկաստան
Կարգավիճակ	Հնդկաստանի նահանգ
Մտնում է	Հնդկաստան
Վարչկենտրոն	Տրիվանդրամ
Ամենաբարձր կետ	Անամուդի
Օրենսդրական մարմին	Կերալայի օրենսդիր ժողով
Նահանգապետ	Հասան Ֆարուկ Մարիկար
Գլխավոր նախարար	Օօմմեն Չանդի
Հիմնական լեզու	մալայալամ
Պաշտոնական լեզուներ	մալայլամ և անգլերեն
Բնակչություն	33 387 677
Խտություն	859,11-րդ
Տարածք	38 863  (21-րդ տեղ)
Հիմնադրված է	նոյեմբերի 1, 1956 թ.
Սահմանակցում է	Թամիլ Նադու, Կառնատակա և Պոնդիչերրի
Ժամային գոտի	UTC+5:30
Փոխարինեց	Մադրաս և Travancore-Cochin?
ISO 3166-2 կոդ	IN-KL
Ավտոմոբիլային կոդ	KL
kerala.gov.in
Կերալա Վիքիպահեստում

Կերալա (անգլ.՝ Kerala, բառացի՝ Կոկոսյան արմավենիների երկիր), նահանգ Հնդկաստանի հարավ-արևմուտքում, Արաբական ծովի ափին։ Տարածությունը 38, 9 հազար կմ² է, բնակչությունը՝ 21, 3 միլիոն (1971), կենտրոնը՝ Տիրուվանանտապուրամ։ Տարածքի մեծ մասը գրավում է Մալաբարյան ափի դաշտավայրը, արեալում Կարդամոնյան և Անայմուդի լեռնալանջերն են։

Անվանում

Անվանումը մալայալի լեզվով նշանակում է «կոկոսյան արմավենիների երկիր» (Հնդկաստանի կոկոսյան արմավենիների բոլոր տնկարկների ավելի քան 70%֊ը բաժին է ընկնում Կերալային)։

Աշխարհագրություն

Կլիման արևադարձային է, մուսսոնային, տարեկան տեղումները՝ 3000 մմ։ Ագրարային շրջան է։ Մալաբարյան ափի մեծ մասը զբաղված է կոկոսյան արմավենու տնկարկներով (Հնդկաստանի տնկարկների 70%-ը) և բրնձի ցանքատարածություններով։

Տնտեսություն

Մշակում են նաև ընկուզենի, տապիոկա, պլանտացիոն կուլտուրաներ, համեմունք, կաուչուկատուներ (հևեյա), թեյ, սուրճ։ Զարգացած է ձկնորսությունը։ Կան մոնացիտային ավազի խոշոր հանքաշերտեր։ Տեղական հանքային հումքի բազայի վրա ստեղծվել է գրաֆիտային նյութերի, կղմինդրի, աղյուսի արտադրություն։ Կան ՀԷԿ, ալյումինի և նավթավերամշակման գործարաններ, ընկույզի վերամշակման և փաթեթավորման, կոկոսյան յուղի արտադրության ձեռնարկություններ, բամբակեղենի, փայտամշակման, քիմիական, էլեկտրատեխնիկական արդյունաբերություն։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 390)։

Վիքիպահեստն ունի նյութեր, որոնք վերաբերում են «Կերալա» հոդվածին։