Կանադական միջազգային ավտոցուցասրահ

Վիքիպեդիայից՝ ազատ հանրագիտարանից
Կանադական միջազգային ավտոցուցասրահ
2007 թվականի ցուցահանդես
Երկիր Կանադա
Գտնվելու վայրՏորոնտո
Ցուցահանդեսի տեսակավտոցուցասրահ
Կարգավիճակբաց է
Բացվել է1974
Հաճախականությունյուրաքանչյուր տարի
Ամսաթիվփետրվար
Ոլորտավտոմոբիլային արդյունաբերություն
Այցելուներ300 000
Կայքautoshow.ca

Կանադական միջազգային ավտոցուցասրահ (անգլ.՝ Canadian International AutoShow[1]) կամ CIAS[2], ավտոմեքենաների և տեխնոլոգիաների միջազգային ցուցահանդես, որը տեղի է ունենում յուրաքանչյուր տարի փետրվարին[3] Տորոնտո քաղաքում, Կանադա։ Առաջին անգամ կազմակերպվել է 1974 թվականին և տեղակայված էր օդանավակայանի մոտ[4]։ Ներկայումս այն տեղակայված է Մետրո Տորոնտո կոնֆերանս-կենտրոնում[5]։ Ավտոցուցասրահի շրջանակներում անցկացվում են աշխարհի բազմաթիվ երկրներից տարբեր ավտոարտադրողների նոր, նորացված և կոնցեպտուալ ավտոմեքենաների պրեմիերաներ, ինչպես նաև մրցարշավային ավտոմեքենաների դեբյուտներ։ Յուրաքանչյուր տարի Օնտարիոյից և Նյու Յորքի արևմուտքից այցելուների թիվը կազմում է մոտավորապես 300 000 մարդ, որոնք մասնակցում են միջոցառմանն ամբողջ ցուցադրության ժամանակ։

Կանադական միջազգային ավտոցուցասրահը համագործակցում է AutoTrader վեբ-պորտալի հետ (պատկանում է TRADER Corporation-ին) և յուրաքանչյուր տարի ցուցադրում է ավելի քան 1000 ավտոմեքենա, բեռնատար և ամենագնացներ, ինչպես նաև կոնցեպտ-քար, էկզոտիկ մոդելներ, դասական ավտոմեքենաներ, մոտոցիկլետներ և այլընտրանքային էներգետիկայով տրանսպորտային միջոցներ[6]։

Ծանոթագրություններ[խմբագրել | խմբագրել կոդը]

  1. Nicolae Sfetcu Auto Shows // The Car Show. — Nicolae Sfetcu, 2011. — 944 с. — ISBN 9781447876359
  2. Michael V. Conlin, Lee Jolliffe Automobile Heritage and Tourism. — Routledge, 2016. — 266 с. — ISBN 1315436191
  3. Lonely Planet Canada. — Lonely Planet, 2017. — С. 220. — 896 с. — (Travel Guide). — ISBN 9781787010307
  4. Mike Filey Toronto Sketches 6: The Way We Were. — Dundurn, 2000. — С. 31. — 294 с. — ISBN 155002339X
  5. Stephen Newbury The Car Design Yearbook 3: The Definitive Annual Guide to All New Concept and Production Cars Worldwide, Issue 3. — Merrell Publishers, Limited, 2004. — 304 с.
  6. Rani Iyer Green Transport: Exploring Eco-Friendly Travel for a Better Tomorrow. — The Energy and Resources Institute, 2016. — С. 35. — 120 с. — ISBN 8179934446

Արտաքին հղումներ[խմբագրել | խմբագրել կոդը]