Թրոմսյոյի կամուրջ

Թրոմսյոյի կամուրջ; նորվ.՝ Tromsøbrua
Անունով	Թրոմսյո
Երկիր	Նորվեգիա
Տեղանք	Թրոմսյո, Թրոմս,
Նշանակություն	ավտոմոբիլային
Տեսակ	երկաթբետոնյա
Նյութ	prestressed concrete?
Թռիչքների քանակ	58
Հատում է	Tromsøysundet?
Երկարություն	1036 մ
Լայնություն	8.3 մ
Բարձրություն	38
Շինարարության սկիզբ	1958թ.
Բացման տարեթիվ	հուլիսի 3, 1960

Թրոմսյոյի կամուրջ (նորվ.՝ Tromsøbrua ), ավտոմոբիլային կամուրջ Tromsøysundet ծոցի և նորվեգական Թրոմսյո քաղաքի միջև։ Նորվեգիայի առաջին կոնսերֆացված կամուրջն է և հանդիսանում է Թրոմսյոի տեսարժան վայրերից մեկը։

Պատմություն[խմբագրել | խմբագրել կոդը]

Նախքան կամրջի կառուցումը տրանսպորտային փոխադրումները իրականացվել են լաստանավային փոխադրամիջոցներով։ Կամրջի կամ թունելի շինարարության մասին սկսել են մտածել 1948 թվականին^[1]։ Վերջնական նախագիծը քննարկվել է և հաստատվել 1955 թվականին խորհրդարանի կողմից։ Նախագիծը մշակվել է հայտնի նորվեգացի ճարտարապետ Էրլինգ Վիկշեի (նորվ.՝ Erling Viksjø) կողմի։

Շինարարությունը սկսվեց 1958 թվականին և տևեց 2 տարի։ Երթևեկության համար կամուրջը բացվեց 1960 թվականին Նորվեգիայի այն ժամանակվա վարչապետի կողմից^[1]։ 1963 թվականին կամրջին շնորհվեց հեղինակավոր Betongtavlen մրցանակ։

Կառուցման ժամանակ այն եղել է Հյուսիսային Եվրոպայի ամենաերկար կամուրջը։ Արժեքը եղել է 14.5 միլիոն նորվեգական կռոն^[2]։ Կամրջից 3 կմ հեռավորության վրա կառուցվեց թունել, որը որոշակի չափով թեթևացրել է շինության ծանրաբեռնվածությունը։

Այն կամուրջը համարվել է ինքնասպանների ամենահայտնի վայրը, որտեղ նրանք վերջ են տվել կյանքին^[3]։ 2005թ.-ին կամրջի ամբողջ երկայնքով տեղադրվել են ճաղավանդակ՝ կանխելու համար ինքնասպանությունները^[4]։

2008 թվականին ապրիլի 17-ին Թրոմսյոյի կամուրջը ընդգրկվել է Նորվեգիայի պատմական հուշարձանների ցանկում^[5]։

Կառուցվածք[խմբագրել | խմբագրել կոդը]

Կամուրջը երկաթբետոնյա է, ունի 58 թռիչք։ Ամբողջական երկարությունը 1036 մ է։ Կենտրոնական թռիչքը ունի 58 մ երկարություն։ Ծովի մակարդակից ունի 38 մ բարձրություն։ Ունի 2 երթևեկելի գոտի և 2 հետիոտնային արահետ։ Ընդհանուր լայնությունը 8,3 մ է։