Զաքարիա
Զաքարիա, մ.թ. 1-ին դարի Հայաստանի հոգևոր առաջնորդ (մ.թ. 68-72 թթ)։ Նրա անունը բերվում է հայ կաթողիկոսների միջնադարյան անվանացանկերում։ Նրա անունը պահպանվել է Արտազի աթոռի մի հնագույն գավազանագրքում, որտեղ նրա մասին ասված է հետևյալը. «Թադեոս առաքյալը Արշակունյաց Սանատրուկ թագավորի ժամանակ եկավ Հայաստանի Շավարշան քաղաք և ավետարանական լույսով լուսավորեց այնտեղի հավատացյալներին, իր աշակերտ՝ Զաքարիային ձեռնադրեց քաղաքի եպիսկոպոս։ Ասվում է, թե այս Զաքարիան նահատակվել է հայոց Երվանդ թագավորից, փրկչի համբառնալուց 42 տարի հետո»[1]։ Զաքարիայի կյանքի և գործունեության մասին այլ բան հայտնի չէ։ Եպիսկոպոսական աթոռին նրան հաջորդել է Զեմենտոսը։
Ծանոթագրություններ[խմբագրել | խմբագրել կոդը]
- ↑ Հայ եկեղեցու պատմություն, Էջմիածին, 2002, էջ 18։
|
Սա անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ Այս նշումը հարկավոր է փոխարինել համապատասխան թեմատիկ նշումով։ |