Դաշուշեն
| Գյուղ | ||
|---|---|---|
| Դաշուշեն | ||
| ադրբ.՝ Daşkənd | ||
 | ||
| Երկիր |  Արցախ | |
| Շրջան | Ասկերան | |
| Այլ անվանումներ | Քարաշեն | |
| Մակերես | 6,2 կմ² | |
| ԲԾՄ | 872 մետր | |
| Պաշտոնական լեզու | Հայերեն | |
| Բնակչություն | 133 մարդ (2015) | |
| Ազգային կազմ | Հայեր | |
| Կրոնական կազմ | Հայ Առաքելական եկեղեցի | |
| Տեղաբնականուն | դաշուշենցի | |
| Ժամային գոտի | UTC+4 | |
| ||
Դաշուշեն, գյուղ Արցախի Հանրապետության Ասկերանի շրջանում, շրջկենտրոնից՝ 23 կմ, մայրաքաղաք Ստեփանակերտից՝ 6 կմ հեռավորության վրա։
Աշխարհագրություն[խմբագրել | խմբագրել կոդը]
Գյուղը լեռնային է, ունի 620 հա տարածք, որից 266 հա գյուղատնտեսական նշանակության, 280 հա՝ անտառային հողեր։ Դաշուշեն գյուղի սահմանային գոտով հոսում է Կարկառ գետի վտակը։
Բնակչություն[խմբագրել | խմբագրել կոդը]
Բնակչությունը կազմում է 133 մարդ, կա 33 տնտեսություն։
Տնտեսություն[խմբագրել | խմբագրել կոդը]
Բնակչությունը հիմնականում զբաղվում է գյուղատնտեսությամբ՝ անասնապահությամբ և հողագործությամբ։
Բնակավայրի ազգաբնակչության փոփոխությունը[2].
| Տարի | 2008 | 2009 | 2010 |
|---|---|---|---|
| Բնակիչ | 107 | 109 | 111 |
Գյուղի մասնակցությունն Արցախյան պատերազմին[խմբագրել | խմբագրել կոդը]
1988 թ. Դաշուշենում ստեղծվել է Դաշուշենի ինքնապաշտպանական խումբը, ապա միավորվել գյուղում տեղակայված Բյուրեղավանի ջոկատի հետ (հրամանատար՝ Ս. Վարդանյան)։ Ջոկատն առանձին, ապա Ասկերանի պաշտպանական շրջանի ստորաբաժանումների կազմում մասնակցել է Ասկերանի, Շահումյանի և այլ շրջանների ինքնապաշտպանական և ազատագրական մարտերին։ Գյուղից զոհվել է 8 ազատամարտիկ։
Տեսարժան վայրեր[խմբագրել | խմբագրել կոդը]
Կան պատմամշակութային հուշարձաններ՝ Սբ. Աստվածածին եկեղեցի (1843 թ.), գերեզմանոց (XIX դ.), կամուրջ (XIX դ.), աղբյուր (1898 թ.), Սբ. Սարիբեկ սրբատեղի (XVII-XVIII դդ.), հաշվառված է 16 հուշարձան։
Հասարարակական կառույցներ[խմբագրել | խմբագրել կոդը]
Համայնքում գործում են գյուղապետարան, մշակույթի տուն, բուժկետ, հիմնական դպրոց (Վազգեն Օվյանի անվան)։
Անվանի մարդիկ[խմբագրել | խմբագրել կոդը]
Այս գյուղում են ծնվել բանաստեղծ, արձակագիր, դրամատուրգ, երգիծաբան Վազգեն Օվյանը, բանաստեղծ Գևորգ Աղաջանյանը։
Արտաքին հղում[խմբագրել | խմբագրել կոդը]
- Հակոբ Ղահրամանյան, ՏԵՂԵԿԱՏՈւ Լեռնային Ղարաբաղի Հանրապետության վարչատարածքային միավորների սոցիալ-տնտեսական բնութագրերի, Երևան, Ճարտարագետ, 2015 թ.
Ծանոթագրություններ[խմբագրել | խմբագրել կոդը]
| |||||||||||||
