Բատիստ Ջաբիկոնի
Բատիստ Ջաբիկոնի ֆր.՝ Baptiste Giabiconi | |
---|---|
Ծնվել է | նոյեմբերի 9, 1989[1] (34 տարեկան) |
Ծննդավայր | Մարինյան[2] |
Քաղաքացիություն | Ֆրանսիա |
Մասնագիտություն | մոդել, երգիչ և ստուդիական երաժիշտ |
Կայք | giabiconistyle.com |
Baptiste Giabiconi Վիքիպահեստում |
Բատիստ Ջաբիկոնի (ֆր.՝ Baptiste Giabiconi, նոյեմբերի 9, 1989[1], Մարինյան[2]), ֆրանսիացի մոդել և երգիչ։ Համարվում է աշխարհի ամենաթանկ վճարվող մոդելներից մեկը[3]։ Ներկայումս հանդիսանում է Chanel-ի, Ֆենդիի և Կարլ Լագերֆելդի պաշտոնական դեմքը։
Կենսագրություն[խմբագրել | խմբագրել կոդը]
Բատիստ Ջաբիկոնին ծնվել է Ֆրանսիայի հարավում՝ Մարինյան քաղաքում։ Նրա ծնողները ծնունդով կորսիկացիներ են։ Մինչ մոդելային կարիերան սկսելը, հետաքրքրվել է աէրոնավտիկայով։ 2008 թվականին Ջաբիկոնին պայմանագիր է կնքել Նյու Յորքի «DNA Model Management» մոդելային գործակալության հետ։ Նույն տարում Կարլ Լագերֆելդը առաջարկեց Ջաբիկոնիին դառնալ «Chanel»-ի պաշտոնական դեմքը։ Դրանից հետո Ջաբիկոնին երկու տարի մասնակցել է Chanel-ի փակ ցուցադրություններին՝ հանդես գալով Ֆրեյա Բեհա Էրիքսենի, Լարա Սթոունի և Էբբի Լի Քերշոուի հետ։ 2010 թվականին նկարահանվել է Ռոբերտո Կավալիի գովազդային ցուցադրության համար, իսկ Կոկո Ռոշայի հետ միասին դարձել է «Coca Cola Light»-ի դեմքը[4]։ Նա հայտնվել է նաև «Vogue»-ի, «Harper’s Bazaar»-ի, «Elle»-ի, «Numero Homme»-ի, «V Man»-ի, «Marie Claire»-ի, «Purple»-ի և «L’Officiel Hommes»-ի շապիկներին։
2010 թվականին թողարկվեց նրա դեբյուտային «Showtime» սինգլը, իսկ 2012 թվականի սեպտեմբերին Ջաբիկոնին թողարկել է իր առաջին «Oxygen» ալբոմը։ Այն ֆրանսիական չարթերում զբաղեցրել է առաջին հորիզոնականը[5]։ 2011 թվականին մասնակցել է ֆրանսիական «Պարեր աստղերի հետ» մրցույթի երկրորդ եթերաշրջանում՝ կիսաեզրափակչում զբաղեցնելով երրորդ հորիզոնականը։ 2015 թվականի մարտի 13-ին Բատիստ Ջաբիկոնին թողարկել է դիզայներական առաջին հավաքածուն։ Հավաքածուի շապիկների վրա գրված են եղել «տղայական գրվածքներ» և Բատիստի մարմնի պատկերները[6]։ Հավաքածուի հետ միասին, Բատիստը սկսել է բլոգ վարել, որտեղ դիզայներական խորհուրդներ է տվել նորաձևության և ոճային հավելումների վերաբերյալ։ Վերջերս Բատիստը ճանաչվել է համացանցի աստղ, ունենալով հետևորդների ամենամեծ թվաքանակը, բոլոր մոդելների մեջ[7]։
Ծանոթագրություններ[խմբագրել | խմբագրել կոդը]
- ↑ 1,0 1,1 ČSFD (չեխերեն) — 2001.
- ↑ 2,0 2,1 2,2 Deutsche Nationalbibliothek Record #1033152846 // Gemeinsame Normdatei (գերմ.) — 2012—2016.
- ↑ Littlejohn, Georgina (2012 թ․ մարտի 9). «Ooh la la! Katy Perry linked to the world's highest paid male model Baptiste Giabiconi». New York Times. Վերցված է 2012 թ․ մարտի 19-ին.
- ↑ Biography Արխիվացված 2018-11-22 Wayback Machine Baptiste Giabiconi's profile on NY mag
- ↑ LesCharts.com: Baptiste Giabiconi page
- ↑ Манекенщик Лагерфельда - Батист Джабикони.[1]
- ↑ Манекенщик Карла Лагерфельда - Батист Джабикони.
Արտաքին հղումներ[խմբագրել | խմբագրել կոդը]
- Պաշտոնական կայք էջ Արխիվացված 2014-10-16 Wayback Machine
Վիքիպահեստն ունի նյութեր, որոնք վերաբերում են «Բատիստ Ջաբիկոնի» հոդվածին։ |
|