Արմեն Հարությունյան
Անվան այլ կիրառումների համար տե՛ս՝ Արմեն Հարությունյան (այլ կիրառումներ)
 |
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
| Արմեն Հարությունյան | |
|---|---|
 | |
| Ծնվել է | մարտի 8, 1964 (60 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | ԵՊՀ իրավաբանական ֆակուլտետ (1986), ՌԴ ԳԱ պետության և իրավունքի ինստիտուտ (1989) և Հայաստանի Հանրապետության պետական կառավարման ակադեմիա (1997) |
| Գիտական աստիճան | Իրավաբանական գիտությունների դոկտոր, իրավաբանական գիտությունների դոկտոր և իրավաբանական գիտությունների թեկնածու |
| Մասնագիտություն | իրավապաշտպան |
| Աշխատավայր | Երևանի պետական համալսարան և Մարդու իրավունքների եվրոպական դատարան |
| Զբաղեցրած պաշտոններ | Judge of the European Court of Human Rights? |
| Պարգևներ և մրցանակներ |  |
Արմեն Շուրայի Հարությունյան (մարտի 8, 1964, Երևան, Հայկական ԽՍՀ, ԽՍՀՄ), հայ իրավաբան, Մարդու իրավունքների եվրոպական դատարանի դատավոր, 2006-2011 թվականներին՝ ՀՀ մարդու իրավունքների պաշտպան։
Կենսագրություն[խմբագրել | խմբագրել կոդը]
- 1981-1986 թթ. սովորել և գերազանցությամբ ավարտել է Երևանի պետական համալսարանի իրավաբանական ֆակուլտետը։
- 1986 թվականին ընդունվել է ԽՍՀՄ Գիտությունների ակադեմիայի Պետության և իրավունքի ինստիտուտի ասպիրանտուրան։ 1989 թվականին, պաշտպանելով թեկնածուական թեզը, ստացել է իրավաբանական գիտությունների թեկնածուի գիտական աստիճան։
- 1993-1997 թթ. ուսանել է ՌԴ Պետական ծառայության ակադեմիայի դոկտորանտուրայում, որն ավարտելուց և գիտական թեզը պաշտպանելուց հետո ստացել է իրավաբանական գիտությունների դոկտորի գիտական աստիճան։ Վերապատրաստվել է Կենտրոնական Եվրոպայի և Փարիզ 12 համալսարաններում։ Նոթինգհեմի համալսարանի մարդու իրավունքների կենտրոնի Չիվնինգ ծրագրի 2006-2007 թվականների շրջանավարտ է։
- 1989 թվականից Արմեն Հարությունյանը դասավանդում է Երևանի պետական համալսարանի իրավաբանական ֆակուլտետի սահմանադրական և միջազգային իրավունքի ամբիոնում։ Համատեղությամբ աշխատել է ՀՀ Սահմանադրական դատարանում որպես իրավախորհրդատու։ Դասավանդում է նաև Հայաստանի Ամերիկյան համալսարանում և Հայաստանում ֆրանսիական համալսարան հիմնադրամում։
- 2001-2005 թթ. եղել է ՀՀ Սահմանադրության բարեփոխումների հարցով ՀՀ Նախագահի ներկայացուցիչ։
- 2000-2002 թթ. եղել է Ռուս-Հայկական (Սլավոնական) պետական համալսարանի իրավաբանական ֆակուլտետի դեկան։
- 2002-2006 թթ. զբաղեցրել է ՀՀ պետական կառավարման ակադեմիայի ռեկտորի պաշտոնը։
- 2001 թվականից ՀՀ եվրոպական իրավունքի ասոցիացիայի նախագահն է։
- 2002 թվականից մինչ օրս Ժողովրդավարության և իրավունքի եվրոպական (Վենետիկյան) հանձնաժողովի ՀՀ փոխանորդ – ներկայացուցիչն է։
- 2005-2006 թթ. եղել է ՀՀ արդարադատության խորհրդի անդամ։
- 2006 թ. փետրվարի 20-ից 2011 թվականի փետրվարի 1-ը՝ ՀՀ Մարդու իրավունքների պաշտպան։
- 2008 թվականին անդամակցել է ֆրանկոֆոն օմբուդսմենների և հաշտարարների ասոցիացիային։ Ֆրանսիայի հայ իրավաբանների միության պատվավոր անդամ է։ Անդամակցում է նաև Հյուսիսային Ամերիկայի հայ իրավաբանների միությանը։
- 2009 թ. դարձել է Եվրոպական օմբուդսմենների ինստիտուտի խորհրդի անդամ։
- 2010 թվականին անդամակցել է Միջերկրածովյան օմբուդսմենների ընկերակցությանը և Ասիական օմբուդսմենների միությանը։
- 2011 թվականի մարտից՝ Կենտրոնական Ասիայում ՄԱԿ-ի գլխավոր քարտուղարի հատուկ ներկայացուցիչ։
- 2015 թ. հունիսի 22-ին ԵԽ նախարարների կոմիտեի կողմից ընտրվել է Մարդու իրավունքների եվրոպական դատարանի դատավոր։
Զեկույցներով հանդես է եկել Հարվարդի և Միչիգանի համալսարաններում։ Արմեն Հարությունյանն ավելի քան 80 գիտական աշխատանքի, 2 դասագրքի և 7 մենագրության հեղինակ է։
| Նախորդող Ալվինա Գյուլումյան |
Մարդու իրավունքների եվրոպական դատարանի դատավոր Արմեն Հարությունյան 22 հունիսի 2015 թ. - |
Հաջորդող ներկայումս պաշտոնավարում է |
| Նախորդող Լարիսա Ալավերդյան |
ՀՀ Մարդու իրավունքների պաշտպան Արմեն Հարությունյան 20 փետրվարի 2006 թ. - 02 մարտի 2011 թ. |
Հաջորդող Կարեն Անդրեասյան |
| Նախորդող Խաչատուր Բեզիրջյան |
ՀՀ Պետական կառավարման ակադեմիայի ռեկտոր Արմեն Հարությունյան 2002 թ. - 20 փետրվարի 2006 թ. |
Հաջորդող Հովհաննես Կառլենի Հարությունյան |
| ||||||
| ||||||
| ||||||
