Ալի Մահմուդ Տահա

Ալի Մահմուդ Տահա; علي محمود طه
Ծնվել է	օգոստոսի 3, 1901 կամ 1902
Ծննդավայր	Մանսուր ; Եգիպտոս
Վախճանվել է	1949
Վախճանի վայր	Կահիրե, Եգիպտոս
Մասնագիտություն	բանաստեղծ
Ազգություն	արաբ
Քաղաքացիություն	Եգիպտոս

Ալի Մահմուդ Տահա (ամբողջական անունը՝ (արաբ․՝ - علي محمود طه‎‎, Ալի Մահմուդ Տահա, օգոստոսի 3, 1901(1901-08-03) կամ 1902, Մանսուրա, Եգիպտոսի խեդիվատ, Եգիպտոս - 1949^[1], Կահիրե, Եգիպտոս), արաբ բանաստեղծ և արձակագիր, «Ապոլլոն» ամսագրի հիմնադիր։

Կենսագրություն[խմբագրել | խմբագրել կոդը]

Ալի Մահմուդ Տահան ծնվել է Եգիպտոսում՝ Մանսուրա քաղաքում, միջին խավի ընտանիքում։ Մանսուրայում նա ծանոթանում և մտերմանում է Իբրահիմ Նագիի հետ։ Տահան ավարտել է տեխնիկական քոլեջը և ստացել է ճարտարապետի դիպլոմ։ Աբու Շադին նրա բանաստեղծությունները տպագրում էր Ապոլլոն ամսագրի էջերում։ Ի տարբերություն Շադիի և Նագիի, նա խոր գիտելիքներ ուներ եվրոպական գրականության բնագավառում։

Ստեղծագործություն[խմբագրել | խմբագրել կոդը]

Ալի Մահմուդ Տահայի պոետական ժառանգությունը իրենից ներկայացնում է 152 բանաստեղծությունների 7 ժողովածու։ Առաջինը նվիրված է նրանց, ովքեր ձգտում են անհայտին, ով նետվում է կյանքի ալիքների մեջ։ Այստեղ առկա է անհայտը ճանաչելու ցանկություն, կյանքի օվկիանոսում կողմնորոշումը կորցնելու զգացողություն։ Նրա մոտ բնության թեման հաճախ միահյուսվում է սիրո թեմայի հետ։

1930-ական թթ. ակտուալ էր անհատական ոճի խնդիրը։ Նրա ոճը կարելի է բնորոշել որպես գեդոնիստական (հաճույքը համարվում է ամենագլխավոր բարերարը, կյանքի նպատակը)։ Գնահատելով նրա ներդրումը արաբական պոեզիայի մեջ Բադաուին ասում է, որ առանց Ալի Տահայի գործունեության դժվար թե հնարավոր լիներ այնպիսի պոետների հայտնությունը, ինչպիսիք են Նիզար Կաբբանին և Բադր Շաքիր աս-Սայյաբը։

Օգտագործված գրականություն[խմբագրել | խմբագրել կոդը]

Крымский А.Е. История новой арабской литературы (XIX - начало XX века). М, 1971.
Сафронов В.В. Новая арабская литература. М., 1996.
Ходжаева Р.У. Очерки развития египетской поэзии. Ташкент, 1985.
Badawi, M.M. A Critical Introduction to Modern Arabic Poetry, Cambridge, 1992

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 LIBRIS

Արտաքին հղումներ[խմբագրել | խմբագրել կոդը]

[_153f61201149b476-1] 1,0 ^1,1 ^1,2 LIBRIS

[1]