Blink-182

Վիքիպեդիայից՝ ազատ հանրագիտարանից
Blink-182
Բնօրինակ անունանգլ.՝ Blink-182
Ժանրերփոփ փանկ և ալտերնատիվ ռոք
Գործունեություն1992
ԼեյբլMCA Inc.
Կայքblink182.com
 Blink-182 Վիքիպահեստում

Blink-182, ամերիկյան փանկ ռոք խումբ։ Հիմնադրվել է 1992 թվականին կիթառահար և վոկալիստ Թոմ Դելոնգի, բաս կիթառահար և վոկալիստ Մարկ Հոփուսի և թմբկահար Սքոթ Ռեյնորի կողմից Սան Դիեգոյի հյուսիսային արվարձանում` Փաուեյ քաղաքում, Կալիֆոռնիա։ Խումբը մեծ հաջողության է հասել 1999 թվականին Enema of the State ալբոմի թողարկումից հետո, որը Billboard 200 հիթ-շքերթում հասել է 9-րդ հորիզոնականի և դարձել մուլտիպլատինե։ Խմբի հաջորդ՝ Take Off Your Pants and Jacket-in (2001) ալբոմին, հաջողվել է զբաղեցնել առաջին հորիզոնականը ԱՄՆ-ում, Կանադայում և Գերմանիայում։

Թոմ Դելոնգը լքել է Blink-182 խումբը 2005 թվականին, որից հետո խումբն անցել է «անժամկետ արձակուրդի»։ Թոմը ստեղծել է առանձին նախագիծ՝ Angels & Airwaves, իսկ Հոփուսը և Թրևիս Բարքերը նոր խումբ՝ +44: Blink-182 խմբի մասնակիցները վերամիավորվել են 2009 թվականի փետրվարին և արդեն 2011 թվականի սեպտեմբերին թողարկել են իրենց նոր Neighborhoods ալբոմը։ 2015 թվականին Թոմ Դելոնգը կրկին լքել է խումբը։ Նրա փոխարեն հրավիրվել է Alkaline Trio խմբի կիթառահար Մեթ Սկիբանը։

Հեշտությամբ հիշվող մեղեդիների հետ մեկտեղ խումբը հայտնի է իր երգիծական, երբեմն նույնիսկ պրոֆանացիոն, «զուգարանային հումորով»։ Երաժշտական առումով խումբը կատարում է առավելապես ռիթմիկ երգեր՝ մաժոր ակորդերի գերակշռությամբ։ Երգերի տեքստերը ավելի հաճախ հումորային և լավատեսական են։

Վաղ կարիերա (1992-1996)[խմբագրել | խմբագրել կոդը]

Խմբի ստեղծման ելակետ կարելի է համարել 90-ականների սկիզբը, երբ Թոմ Դելոնգին հեռացրել են Փաուեյ հայ Սքուլից։ Դպրոցում բասկետբոլի խաղի ժամանակ նա հարբած է եղել։ Այն բանից հետո, երբ նրան տեղափոխել են մեկ այլ դպրոց, նա ծանոթացել Է Հոփուսի՝ Մարկ Հոփուսի քրոջ հետ, որն էլ Դելոնգին ծանոթացրել է իր եղբոր հետ[1]։ Խմբի երկու ապագա հիմնադիրները ծանոթացել են, երբ սքեյթբորդերով զբոսնելիս են եղել շուկայի հրապարակի ավտոկայանատեղիում, և Հոփուսը, որպեսզի Դելոնգի վրա տպավորություն թողնի, բարձրացել է լապտերի սյան վրա և հենց վերևից ցատկել՝ վնասելով երկու կրունկները[2]։ Մարկն ու Թոմը հասկացել են, որ իրենց միջև ինչ-որ ընդհանուր բան կա և նույն երեկոյան ստեղծել են Duck Tape անվանումով խումբը։ Duck Tape անվանումը շուտով փոխարինվել է Blink-ով։ Դելոնգը, 14-ամյա Սքոթ Ռեյնորին կանչել է որպես թմբկահարի, որի հետ նա ծանոթացել էր երեկույթի ժամանակ[3]։

1993 թվականի մայիսին Blink-ը թողարկել է flyswatter անվանումով մինի ալբոմ, որը ձայնագրվել է թմբկահար Սքոթ Ռեյնորի ննջասենյակում[4]։ Դա նրանց առաջին ալբոմն էր, այն ձայնագրվել էր քառագանգ մագնիտոֆոնով, որի արդյունքն է եղել ձայնի սարսափելի որակը։ Հոփուսի շնորհիվ թողարկվել է ընդամենը հիսուն օրինակ։ Նրանց առաջին ելույթը տեղի է ունեցել բարում, և քանի որ նրանք անչափահաս են եղել, նրանց թույլ են տվել մտնել այնտեղ միայն իրենց ելույթի ժամանակ։ Նրանք 50 տոմս էին գնել, բայց ոչ ոք չէր եկել ելույթը լսելու. ընդամենը մեկ երգից հետո Blink-ին հեռացրել են բարի բեմից։ Մինչև տարեվերջ խումբը թողարկել է ևս մեկ մինի ալբոմ, որը հայտնի է որպես Buddha, ալբոմի մոտ 1000 օրինակ թողարկվել է Filter Records ընկերության կողմից, որի սեփականատերը Հոփուսի ղեկավարն էր[5][6]։

1994 թվականի սկզբին Blink-ը թողարկել է իր դեբյուտային լիարժեք ալբոմը՝ Cheshire Cat-ը, Grilled Cheese Records-ով։ Ալբոմը պարունակում էր Buddha մինի ալբոմի երգերի բազմաթիվ նոր տարբերակներ[7]։

Dude Ranch (1996-1998)[խմբագրել | խմբագրել կոդը]

Կալիֆոռնիա նահանգի Էնսինիտաս քաղաք տեղափոխվելուց հետո խումբը ձայնագրել է Dude Ranch ալբոմը 1996 թվականին[8]։ Ալբոմը թողարկվել է 1997 թվականին և ունեցել է կոմերցիոն հաջողություն։ «Josie» և «Dammit (Growing Up)» սինգլները զբաղեցրել են բարձր հորիզոնականներ ամերիկյան հիթշքերթներում[9]։ Այնուամենայնիվ, 1998 թվականին խումբը բախվել է դժվարությունների հետ։ Ռեյնորը ստիպված է եղել լքել խումբը հարբեցողության պատճառով[10][11]։ Ինչևէ, տեղեկություններ կան նաև, որ նա խումբը թողել է քոլեջում սովորելու համար։ Նա հեռացել է խմբից ԱՄՆ-ում Blink-182-ի շրջագայության ընթացքում։ Նրա տեղը զբաղեցրել Է The Aquabats խմբի թմբկահար Թրևիս Բարքեր[12][13]։

Երաժշտական ոճ[խմբագրել | խմբագրել կոդը]

Blink-182-ի երաժշտությունը հաճախ նկարագրվում է որպես փոփ փանք, երաժշտական ժանր, որը որոշակի տարրեր է համատեղում փանք ռոքից և փոփից[14]։ Խումբն իր երաժշտության մեջ «հիասթափության զգացումը համադրում է արագ, վառ և շղթայական մեղեդիների հետ»։ Այն ժանրերը, որոնցում նվագում է խումբը, ներառում են այլընտրանքային ռոք։ Blink-182-ի առաջին ալբոմները, ինչպիսիք են Cheshire Cat-ը և Dude Ranch-ը, համարվում են Սքեյթ փանք և Փանք ռոք[15][16][17][18][19]։ Խմբի ձայնի հնչողությունը զգալիորեն բարելավվել է 2003 թվականի անանուն ալբոմի թողարկմամբ, որն իր մեջ պարունակում էր հետհակամարտային տարրեր ավելի խորը և ավելի մուգ փոփ հնչողությամբ։ Neighborhoods ալբոմը, որը թողարկվել է 2011 թվականին, իր մեջ պարունակում է արենա-ռոքի, հիփ-հոփի և ինդի-ռոքի տարրեր[20]։

Ընդհանուր քնարական թեմաները ներառում են սեր, ընտանիք, ընկերներ և հարաբերություններ[21]։ Երգերի տեքստերը սինգլներում, ինչպիսիք են «what's My Age Again»- ը, խոսում են այնպիսի թեմաների մասին, ինչպիսիք են տարիքը և ծերացումը, մինչդեռ ավելի լուրջ կոմպոզիցիաներ, ինչպիսիք են «Stay Together for the Kids»-ը, քննարկում են ամուսնալուծությունները[22]։ Չնայած դրան, ստեղծագործական վաղ շրջանում խումբը հայտնի էր այսպես կոչված «զուգարանային հումորի» օգտագործմամբ (ինչպես, օրինակ, Take Off Your Pants and Jacket ալբոմում)։ Երբ խմբի անդամները մեծանում էին, լիրիկական թեմաները սկսեցին արտացոլել չափահաս կյանքի իրողությունները, այդ թվում՝ հարաբերությունների խնդիրները, ամենօրյա ճնշումը և անսպասելի դժվարությունները, տվյալ թեմաների առավել կարևոր տարրերը բացահայտվեցին անանուն ալբոմում[23]։ Neighborhoods ալբոմում, ավելի շատ քննարկվում է դեպրեսիան, թմրամոլությանը, կորստին և մահվանը վերաբերող թեմաները, որոնք ոգեշնչվել են ավիավթարով, որը գրեթե խլել էր խմբի թմբկահար Թրևիս Բարքերի և պրոդյուսեր Ջերի Ֆիննի կյանքերը[24]։

Խմբի կազմը[խմբագրել | խմբագրել կոդը]

Այժմ

  • Մարկ Հոփուս՝ բաս կիթառ, վոկալ (1992-2005, 2009-այժմ)
  • Թրևիս Բարքեր՝ հարվածային գործիքներ (1998-2005, 2009-այժմ)
  • Մեթ Սքիբա՝ կիթառ, վոկալ (2015-այժմ)

Նախկին մասնակիցներ

  • Թոմ Դելոնգ՝ կիթառ, վոկալ (1992-2005, 2009-2015)
  • Սքոթ Ռեյնոր՝ հարվածային գործիքներ (1992—1998)

Սկավառակագրություն[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. ↑ Hoppus A., 2001, էջեր 8-9
  2. ↑ Shooman J., 2010, էջեր 10-11
  3. ↑ Hoppus A., 2001, էջեր 10-11
  4. ↑ Hoppus A., 2001, էջ 16
  5. ↑  Hoppus on Music — How Blink-182 Got Their Name
  6. ↑ Edwards G. (2000 թ․ օգոստոսի 3). «Blink-182: The Half-Naked Truth». Rolling Stone. Արխիվացված է օրիգինալից 2013 թ․ փետրվարի 3-ին. Վերցված է 2019 թ․ նոյեմբերի 2-ին.
  7. ↑ Montgomery J. (2009 թ․ սեպտեմբերի 2). «How Did Blink-182 Become So Influential?». MTV. Viacom International Inc.
  8. ↑ Hoppus A., 2001, էջ 69
  9. ↑ Hoppus A., 2001, էջ 74
  10. ↑ Shooman J., 2010, էջ 56
  11. ↑ «Blink-182, Aquabats Play Musical Drummers». MTV News Staff. MTV. Viacom International Inc. 1998 թ․ հուլիսի 14.
  12. ↑ Montgomery J. (2009 թ․ սեպտեմբերի 2). «How Did Blink-182 Become So Influential?». MTV. Viacom International Inc.
  13. ↑ Hoppus A., 2001, էջ 85
  14. ↑ Steve Appleford (2011 թ․ մարտի 23). «How Blink-182's Teen Angst Grew Up». Rolling Stone. Արխիվացված է օրիգինալից 2011 թ․ հուլիսի 19-ին. Վերցված է 2011 թ․ հուլիսի 15-ին.
  15. ↑ «Blink-182 Biography». Rolling Stone. Արխիվացված է օրիգինալից 2011 թ․ մարտի 8-ին. Վերցված է 2017 թ․ հոկտեմբերի 25-ին.
  16. ↑ Omnibus Press Presents the Story of Blink-182. Omnibus Press. 2000.
  17. ↑ Blink 182 Propelled By Cargo's Vision. 1998 թ․ հունվարի 24. {{cite book}}: |work= ignored (օգնություն)
  18. ↑ Stephen Thomas Erlewine. «Cheshire Cat: Review». AllMusic. Վերցված է 2013 թ․ մարտի 3-ին.
  19. ↑ Punk Rock Dad. Jim Lindeman. 2009. էջ 12.
  20. ↑ Montgomery, James (2010 թ․ հունվարի 29). «Mark Hoppus Promises 'Weird' New Blink-182 Album». MTV. Վերցված է 2011 թ․ հուլիսի 15-ին.
  21. ↑ «Blink-182: Enema of the Stage». MTV News. Արխիվացված է օրիգինալից 2013 թ․ հունվարի 27-ին. Վերցված է 2010 թ․ հունիսի 1-ին.
  22. ↑ Nitsuh Abebe (2011 թ․ սեպտեմբերի 25). «Sentimental Education». New York. Արխիվացված է օրիգինալից 2012 թ․ սեպտեմբերի 6-ին. Վերցված է 2012 թ․ սեպտեմբերի 5-ին.
  23. ↑ Wiederhorn, Jon (2003 թ․ օգոստոսի 11). «Blink-182 Tone Down Pranks, Get Down to Real 'Action' on Next LP». MTV. Վերցված է 2010 թ․ սեպտեմբերի 22-ին.
  24. ↑ Montgomery, James (2011 թ․ սեպտեմբերի 15). «Blink-182's Neighborhoods: Death And All His Friends». MTV. Վերցված է 2011 թ․ սեպտեմբերի 15-ին.
Վիքիպահեստն ունի նյութեր, որոնք վերաբերում են «Blink-182» հոդվածին։
Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Blink-182&oldid=9805703» էջից