«Գուրգեն Էդիլյան»–ի խմբագրումների տարբերություն
չ Colon֊ը (:, U+003A) փոխարինում եմ հայերեն վերջակետով (։, U+0589) |
|||
Տող 36. | Տող 36. | ||
{{ծանցանկ}} |
{{ծանցանկ}} |
||
{{Արտաքին հղումներ}} |
{{Արտաքին հղումներ}} |
||
{{ՀՍՀ|հատոր=4|էջ=6}} |
|||
{{DEFAULTSORT:Էդիլյան, Գուրգեն}} |
{{DEFAULTSORT:Էդիլյան, Գուրգեն}} |
||
[[Կատեգորիա:Հայ մանկավարժներ]] |
[[Կատեգորիա:Հայ մանկավարժներ]] |
06:12, 29 Հուլիսի 2021-ի տարբերակ
Գուրգեն Էդիլյան | |
---|---|
Ծնվել է | դեկտեմբերի 25, 1885[1][2] |
Ծննդավայր | Իջևան[1][2] |
Մահացել է | հունվարի 18, 1942[1][2] (56 տարեկան) |
Մահվան վայր | Ալթայի երկրամաս, ՌԽՖՍՀ, ԽՍՀՄ[2] |
Քաղաքացիություն | Ռուսական կայսրություն և ԽՍՀՄ |
Կրթություն | Ներսիսյան դպրոց (1896)[1] և Գևորգյան Հոգևոր Ճեմարան (1903)[1] |
Գիտական աստիճան | փիլիսոփայության դոկտոր[1][2] (1909) |
Մասնագիտություն | դասախոս, հոգեբան և հասարակական գործիչ |
Աշխատավայր | Հայկական պետական մանկավարժական համալսարան[1] |
Գուրգեն Մեսրոպի Էդիլյան (դեկտեմբերի 25, 1885, գ. Քարվանսարա (այժմ՝ ք. Իջևան) - հունվարի 18, 1942, Տայշետ, ՌԽՖՍՀ), հայ անվանի հոգեբան, մանկավարժ, պրոֆեսոր, հասարակական գործիչ։
Կենսագրություն
Սովորել է տեղի ծխական, Թիֆլիսի Ներսիսյան դպրոցներում (1896-1898 թթ.)։ Ապա ընդունվել է Էջմիածնի Գևորգյան ճեմարանի լսարանական բաժինը (1898-1903)։ 1904 թվականին մեկնել է արտասահման, սովորել Ենայի (Գերմանիա), Լայպցիգի (Գերմանիա) և Բեռնի (Շվեյցարիա) համալսարաններում։ 1909 թվականին փիլիսոփայական գիտությունների դոկտորի աստիճան է ստացել (թեման՝ «Քննադատություն Ցիլլերի ձևական աստիճանների», 1912 թվականին հայերեն տպագրվել է Էջմիածնում՝ մեծ համբավ և ճանաչում բերելով նրան)։ Խորհրդայնացումից հետո նրա ողջ կյանքը կապված է բուհերի, Երևանի ու Մոսկվայի գիտահետազոտական ինստիտուտների հետ մինչև 1937 թ., երբ որպես «ժողովրդի թշնամի» աքսորվում է Սիբիր։ 1942 թ. հունվարի 18-ին մահանում է աքսորավայրում՝ մերձբայկալյան Տայշետ բնակավայրի մոտ։
Մանկավարժական գործունեություն
1909 թվականին Էդիլյանը վերադառնում է հայրենիք և շուրջ 30 տարի զբաղվում մանկավարժական գործունեությամբ։ Նա մանկավարժական աշխատանք է կատարել Էջմիածնի Գևորգյան ճեմարանում։ 1909-1914 թթ. Գևորգյան ճեմարանի դասարանական բաժնում դասավանդում է տարբեր առարկաներ (հոգեբանություն, մանկավարժության տեսություն և պատմություն, փիլիսոփայություն, հայոց լեզվի դասավանդման մեթոդիկա, գերմաներեն), իսկ լսարանական բաժնում փիլիսոփայություն, մանկավարժություն, հոգեբանություն. ղեկավարում մանկավարժական գործնական պարապմունքները։ 1914-1919 թթ. աշխատել է Ներսիսյան դպրոցում։1916 թվականից, պատերազմական ծանր տարիներին, եղել է Կովկասի գաղթականական որբանոցների տեսուչ, կազմակերպել անապաստան երեխաների կրթության և դաստիարակության գործը։ 1918 թվականին Հայաստանի Հանրապետության հռչակումից հետո ստանձնել է հանրապետության տարրական դպրոցների տեսուչի պարտականությունները։ Երկրորդ հանրապեպության առաջին տարիներին ղեկավարել է Գյումրիի ամերիկյան որբանոցները։ 1921 թ. էդիլյանը հրավիրվում է համալսարան և նշանակվում մանկավարժական ֆակուլտետի դեկան։ Հանդիսացել է Երևանի պետական համալսարանի հիմնադիրներից, համալսարանի մանկավարժության ու հոգեբանության առաջին դասախոսը։ 1922-1925 թթ. աշխատում է Ամերկոմի դպրոցների վերատեսչի պաշտոնում։ 1928-1933 թթ. կրկին աշխատում է պետական համալսարանում, դասավանդում հոգեբանություն, մայրենի լեզվի մեթոդիկա։ 1934 թվականին հրավիրվում է նոր կազմակերպված Խաչատուր Աբովյանի անվան հայկական մանկավարժական ինստիտուտ՝ որպես հոգեբանության և մանկավարժության դասախոս։ Նույն թվականին ստանում է պրոֆեսորի կոչում։ Ուսումնասիրել է ուսուցման տեսությունը, ընդհանուր և մանկավարժական հոգեբանությունը, զբաղվել հայոց լեզվի դասավանդման, մեթոդաբանության, դպրոցական դասագրքերի և ձեռնարկների ստեղծման, դատական հոգեբանության, գեղարվեստական երկի հոգեբանական վերլուծության, հայկական տառատեսակների և նրանց դյուրընթեռնելիության հարցերով։ Հեղինակ է հոգեբանությանը, մանկավարժությանը, մայրենի լեզվի դասավանդման մեթոդիկային, հայ գրականության պատմությանը վերաբերող մի շարք աշխատությունների[3]։ Առաջին մանկավարժ հոգեբանն էր, ով Հայաստանում դրեց հոգեբանական գիտական մտքի էքսպերիմենտալ (փորձառական) ուսումնասիրությունների հիմքերը, կազմակերպեց հոգեբանության կաբինետ ու գիտական լաբորատորիա և զբաղվեց հոգեկանի ուսումնասիրմամբ ու մեկնաբանմամբ։
Երկեր
- Դասավանդման ձևեր, Վաղարշապատ, 1913 թ.։
- Դասավանդման խնդիրներ, Էջմիածին, 1914 թ։
- Գաղթականական որբանոցներ, Թիֆլիս, 1917 թ.։
- Աշխատանքի դպրոց, Էջմիածին, 1922 թ.։
- Հայոց լեզվի մեթոդիկա, Թ., 1923 թ.։
- Դպրոցական շենք, Երևան, 1927 թ.։
- Ձեռագրի ուսուցման մեթոդիկա, Երևան, 1927 թ.։
- Ուղղագրության ուսուցման մեթոդիկա, Երևան, 1927 թ.։
- Լեզվի մեթոդիկա, Երևան, 1930 թ.։
- Ձեռնարկ հոգեբանության, Երևան, 1930 թ.։
- Խաչատուր Աբովյանի կյանքն ու գործունեությունը, 1936 թ., (ձեռագիր)։
- Հիշողություն, Երևան, 1934 թ.։
- Հոգեբանության ուրվագծեր, Երևան, 1958 թ։
- Անտիպ էջեր, Երևան, 1988 թ.։
- Դատական հոգեբանություն, Երևան, 2000 թ.։
Հղում
Ցոլակ Սիմոնյան (2012). Հայ մանկավարժության պատմություն (հնագույն ժամանակներից մինչև մեր օրերը). Երևան.{{cite book}}
: CS1 սպաս․ location missing publisher (link)
Ծանոթագրություններ
- ↑ 1,0 1,1 1,2 1,3 1,4 1,5 1,6 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
- ↑ 2,0 2,1 2,2 2,3 2,4 Հայկական համառոտ հանրագիտարան (հայ.) — Հայկական հանրագիտարան հրատարակչություն, 1990. — հատոր 2.
- ↑ Հոգեբանություն (դեմքեր, փաստեր)։ Ուսումնամեթոդական ձեռնարկ / Կազմ. Ս.Վ.Հովհաննիսյան, Է.Վ.Ասրիյան, խմբ. Հ.Մ.Ավանեսյան- Եր.: ԵՊՀ հրատ., 2010 թ. - 204 էջ։ Էջ 173։
Վիքիքաղվածքն ունի նյութեր, որոնք վերաբերում են «Գուրգեն Էդիլյան» հոդվածին։ |
Վիքիդարանն ունի նյութեր, որոնք վերաբերում են «Գուրգեն Էդիլյան» հոդվածին։ |
|
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 6)։ |
- Դեկտեմբերի 25 ծնունդներ
- 1885 ծնունդներ
- Իջևան քաղաքում ծնվածներ
- Հունվարի 18 մահեր
- 1942 մահեր
- Թիֆլիսի Ներսիսյան դպրոցի շրջանավարտներ
- Էջմիածնի Գևորգյան ճեմարանի սաներ
- Հայկական պետական մանկավարժական համալսարանի դասախոսներ
- Անձինք այբբենական կարգով
- Հայ մանկավարժներ
- Հայ հոգեբաններ
- Հայ հասարակական գործիչներ
- Ենայի համալսարանի շրջանավարտներ
- Լայպցիգի համալսարանի շրջանավարտներ
- Բեռնի համալսարանի շրջանավարտներ
- Հայ պրոֆեսորներ
- ԵՊՀ դասախոսներ