«Բողոքի ցույցեր ընդդեմ Նիկոլ Փաշինյանի»–ի խմբագրումների տարբերություն
No edit summary Պիտակներ՝ Խմբագրում բջջային սարքով Խմբագրում կայքի բջջային տարբերակից |
No edit summary |
||
Տող 12. | Տող 12. | ||
| arrests = 2 |
| arrests = 2 |
||
}} |
}} |
||
'''Բողոքի ցույցեր ընդդեմ Նիկոլ Փաշինյանի''' |
'''Բողոքի ցույցեր ընդդեմ Նիկոլ Փաշինյանի'''), [[Հայաստանի Հանրապետություն|Հայաստանի Հանրապետության]] մայրաքաղաք [[Երևան]]ում 2020 թվականի նոյեմբերի 10-ին սկսված ցույցեր և անկարգություններ<ref>{{Cite web|url=https://ria.ru/20201110/erevan-1583849045.html|title=Беспорядки в Ереване. Онлайн-репортаж|date=20201110T0223|website=РИА Новости|language=ru|accessdate=2020-11-10}}</ref>, որոնց համար պատճառ է հանդիսացել վարչապետ [[Նիկոլ Փաշինյան]]ի՝ [[Հայ-ադրբեջանական պատերազմ (2020)|2020 թվականի հայ-ադրբեջանական պատերազմը]] դադարեցնելու մասին փաստաթղթի ստորագրման [[Լեռնային Ղարաբաղում հրադադարի մասին համաձայնագիր (2020 թվականի նոյեմբերի 10)|հայտարարությունը]]<ref>{{Cite web|url=https://www.dw.com/ru/v-erevane-nachalis-massovye-volnenija/a-55550248|title=В Ереване начались массовые волнения {{!}} DW {{!}} 10.11.2020|last=Welle (www.dw.com)|first=Deutsche|website=DW.COM|language=ru-RU|accessdate=2020-11-10}}</ref><ref>{{Cite web|url=https://armenpress.am/arm/news/1034450.html|title=ՀՀ կառավարության և խորհրդարանի շենքի առջև մարդիկ են հավաքվում. ԼՐԱՑՎՈՂ|website=armenpress.am|language=hy|accessdate=2020-11-10}}</ref>։ |
||
== Նախապատմություն == |
== Նախապատմություն == |
20:17, 20 Դեկտեմբերի 2020-ի տարբերակ
Բողոքի ցույցեր ընդդեմ Նիկոլ Փաշինյանի | |
---|---|
Ամսաթիվ | Նոյեմբերի 10, 2020 |
Վայր | Հայաստան |
Պատճառ | Նիկոլ Փաշինյանի՝ 2020 թվականի հայ-ադրբեջանական պատերազմը դադարեցնելու մասին փաստաթղթի ստորագրում |
Նպատակ |
|
Մեթոդ | Ցույցեր, հանրահավաքներ |
Կարգավիճակ | Շարունակվում է |
Կորուստներ | |
Ձերբակալվածներ | 2 |
Բողոքի ցույցեր ընդդեմ Նիկոլ Փաշինյանի), Հայաստանի Հանրապետության մայրաքաղաք Երևանում 2020 թվականի նոյեմբերի 10-ին սկսված ցույցեր և անկարգություններ[1], որոնց համար պատճառ է հանդիսացել վարչապետ Նիկոլ Փաշինյանի՝ 2020 թվականի հայ-ադրբեջանական պատերազմը դադարեցնելու մասին փաստաթղթի ստորագրման հայտարարությունը[2][3]։
Նախապատմություն
2020 թվականի նոյեմբերի 10-ին ՀՀ վարչապետ Նիկոլ Փաշինյանն իր ֆեյսբուքյան կայքէջում հայտարարել է, որ Ադրբեջանի նախագահ Իլհամ Ալիևի և Ռուսաստանի նախագահ Վլադիմիր Պուտինի հետ միասին հայտարարություն է ստորագրել Արցախում ընթացող պատերազմը ժամը 01։00-ից դադարեցնելու մասին[4]։
Հայտարարության բովանդակությունը հրապարակվել է Կրեմլի պաշտոնական կայքում[5]։ Դրա համաձայն՝
- Հայտարարվում է Լեռնային Ղարաբաղի հակամարտության գոտում կրակի և բոլոր ռազմական գործողությունների լիակատար դադարեցման մասին 2020 թվականի նոյեմբերի 10-ին Մոսկվայի ժամով 00:00-ից: Ադրբեջանի Հանրապետությունը և Հայաստանի Հանրապետությունը կանգ են առնում իրենց զբաղեցրած դիրքերի վրա։
- Աղդամի շրջանը մինչև 2020 թվականի նոյեմբերի 20-ը վերադարձվում է Ադրբեջանի Հանրապետությանը:
- Լեռնային Ղարաբաղի շփման գծի երկայնքով և Լաչինի միջանցքի երկայնքով տեղակայվում է Ռուսաստանի Դաշնության խաղաղապահ զորակազմը (1960 զինծառայող, 90 զրահամեքենա, 380 միավոր ավտոմոբիլային և հատուկ տեխնիկա)։
- Ռուսաստանի Դաշնության խաղաղապահ զորախումբը ծավալվում է հայկական զինված ուժերի դուրսբերմանը զուգահեռ։ Ռուսաստանի Դաշնության խաղաղապահ զորակազմի գտնվելու ժամկետը 5 տարի է՝ հերթական 5-ամյա ժամանակահատվածով ավտոմատ երկարաձգմամբ, եթե կողմերից ոչ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:
- Հակամարտության կողմերի կողմից պայմանավորվածությունների կատարման վերահսկողության արդյունավետության բարձրացման նպատակով տեղակայվում է հրադադարի վերահսկման խաղաղապահ կենտրոն։
- Հայաստանի Հանրապետությունը մինչև 2020 թվականի նոյեմբերի 15-ը Ադրբեջանին վերադարձնում է Քարվաճառի շրջանը, իսկ մինչև 2020 թվականի դեկտեմբերի 1-ը՝ Լաչինի շրջանը: Լաչինի միջանցքը (5 կմ լայնությամբ), որն ապահովելու է Լեռնային Ղարաբաղի կապը Հայաստանի հետ, բայց միևնույն ժամանակ չի դիպչելու Շուշիին, մնում է Ռուսաստանի Դաշնության խաղաղապահ զորակազմի վերահսկողության տակ: Կողմերի համաձայնությամբ առաջիկա երեք տարում կորոշվի Լեռնային Ղարաբաղի և Հայաստանի միջև կապ ապահովող Լաչինի միջանցքով երթևեկության նոր երթուղու կառուցման ծրագիրը, որին կհաջորդի այդ երթուղու պահպանման համար ռուսական խաղաղապահ զորակազմի վերաբաշխումը: Ադրբեջանի Հանրապետությունը երաշխավորում է Լաչինի միջանցքով քաղաքացիների, տրանսպորտային միջոցների և բեռների երթևեկության անվտանգությունը երկու ուղղություններով:
- Ներքին տեղահանված անձինք և փախստականները վերադառնում են Լեռնային Ղարաբաղի տարածք և հարակից շրջաններ ՄԱԿ-ի փախստականների հարցերով գերագույն հանձնակատարի վարչության վերահսկողության ներքո:
- Իրականացվում է ռազմագերիների և պատանդների, ինչպես նաև զոհվածների դիակների փոխանակում:
- Տարածաշրջանում բացվում են բոլոր տնտեսական և տրանսպորտային կապերը։ Հայաստանի Հանրապետությունը երաշխավորում է Ադրբեջանի Հանրապետության և Նախիջևանի Ինքնավար Հանրապետության արևմտյան շրջանների միջև տրանսպորտային հաղորդակցության անվտանգությունը՝ երկու ուղղություններով քաղաքացիների, տրանսպորտային միջոցների և բեռների անարգել երթևեկություն կազմակերպելու նպատակով: Տրանսպորտային հաղորդակցության վերահսկողությունն իրականացնում են Ռուսաստանի ԱԴԾ Սահմանապահ ծառայության մարմինները:
Ժամանակագրություն
2020 թվականի նոյեմբերի 10-ին՝ վարչապետի հայտարարությունից հետո, Երևանի տարբեր մասերում սկսել են մարդիկ հավաքվել, որոնք ցույցեր էին կազմակերպում՝ պահանջելով վարչապետ Նիկոլ Փաշինյանի հրաժարականը։ Շուտով ցույցերն անկարգությունների վերածվեցին[6]։ Ցուցարարները ջարդել են ՀՀ կառավարության շենքի ապակիները և դռները, ինչպես նաև վնասել են գույքը[7]։
Կառավարական առանձնատների հարակից տարածքում Ազգային ժողովի նախագահ Արարատ Միրզոյանն իջեցվել է մեքենայից[8], այնուհետև դաժան ծեծի է ենթարկվել ցուցարարների կողմից[9]։ Իր տեսաուղերձի ժամանակ Փաշինյանը հայտնել է, որ Արարատ Միրզոյանը տեղափոխվել է հիվանդանոց և վիրահատվում է[10], նրա կյանքին վտանգ չի սպառնում[11]։ Նա նաև հայտարարել է, որ Միրզոյանին ծեծի ենթարկողներից մի քանիսը ձերբակալված են[12]։
Ցուցարարները մտել են նաև Խորհրդարանի նիստերի դահլիճ[13][14], որտեղ սկսել են ջարդել պատգամավորների աշխատասենյակներում գտնվող բաժակները և դարակները, ինչպես նաև պատռել հագուստը և փաստաթղթերը[15]։
Նոյեմբերի 10-ի առավոտյան Փաշինյանը գրառում է արել իր ֆեյսբուքյան կայքէջում, որի համաձայն ցուցարարներն իր կեցավայրից գողացել են համակարգիչ, ժամացույց, օծանելիք, վարորդական իրավունք և այլ իրեր[16]։
«Բարգավաճ Հայաստան» կուսակցությունը հայտարարել է, որ ընդդիմությունն աշխատում է Արցախի վերաբերյալ համաձայնագիրը չեղարկելու նախագծի վրա։ Սակայն ԱԺ արտահերթ նիստի անցկացնելու համար պակասում է 20-ից ավելի ձայն։ Ավելի ուշ ցուցարարները հայտարարել են, որ 2 ժամ են տրամադրում «Իմ քայլը» դաշինքի պատգամավորներին՝ խորհրդարան ներկայանելու և եռակողմ հայտարարության չեղյալ հայտարարելու գործընթացը սկսելու համար[17]։
Վարչապետի դուստր Մարիամ Փաշինյանն իր ֆեյբուքյան կայքէջում հայտնել է, որ ցուցարարներն իր փոքր քույրերի սենյակ են մտել[18]։
Ծանոթագրություններ
- ↑ «Беспорядки в Ереване. Онлайн-репортаж». РИА Новости (ռուսերեն). 20201110T0223. Վերցված է 2020-11-10-ին.
- ↑ Welle (www.dw.com), Deutsche. «В Ереване начались массовые волнения | DW | 10.11.2020». DW.COM (ռուսերեն). Վերցված է 2020-11-10-ին.
- ↑ «ՀՀ կառավարության և խորհրդարանի շենքի առջև մարդիկ են հավաքվում. ԼՐԱՑՎՈՂ». armenpress.am. Վերցված է 2020-11-10-ին.
- ↑ «Նիկոլ Փաշինյան. Անձամբ իմ և բոլորիս համար ծանր, չափազանց ծանր որոշում եմ կայացրել». www.aravot.am (ամերիկյան անգլերեն). Վերցված է 2020-11-10-ին.
- ↑ «Заявление Президента Азербайджанской Республики, Премьер-министра Республики Армения и Президента Российской Федерации». Президент России (ռուսերեն). Վերցված է 2020-11-10-ին.
- ↑ «Protesters in Yerevan break into government building». TASS. Վերցված է 2020-11-10-ին.
- ↑ «Բողոքի ակցիաները Երևանում շատ արագ անկարգությունների վերածվեցին». «Ազատ Եվրոպա/Ազատություն» ռադիոկայան. Վերցված է 2020-11-10-ին.
- ↑ «ԱԺ-ի մոտ հավաքված մի խումբ անձինք ծեծի են ենթարկել խորհրդարանի խոսնակ Արարատ Միրզոյանին». armenpress.am. Վերցված է 2020-11-10-ին.
- ↑ «Протестующие в Ереване избили спикера парламента Армении Мирзояна». РБК (ռուսերեն). Վերցված է 2020-11-10-ին.
- ↑ «Արարատ Միրզոյանը տեղափոխվել է հիվանդանոց. կյանքին վտանգ չի սպառնում». 2020-11-10.
- ↑ «Արարատ Միրզոյանի կյանքին վտանգ չի սպառնում». armenpress.am. Վերցված է 2020-11-10-ին.
- ↑ «Ըստ Փաշինյանի՝ Միրզոյանին ծեծի ենթարկողներից մի քանիսը ձերբակալված են». «Ազատ Եվրոպա/Ազատություն» ռադիոկայան. Վերցված է 2020-11-10-ին.
- ↑ «Ցուցարարների մի խումբ ջարդուփշուր է արել պատգամավորների աշխատասենյակները». Sputnik Armenian. Վերցված է 2020-11-10-ին.
- ↑ «Протестующие оцепили здание парламента в Ереване». EADaily (ռուսերեն). Վերցված է 2020-11-10-ին.
- ↑ Armine. «Ցուցարարները մտել են Ազգային ժողովի նիստերի դահլիճ. ուղիղ». yerevan.today. Վերցված է 2020-11-10-ին.
- ↑ «Վարչապետի կեցավայրից գողացել են համակարգիչ, ժամացույց, օծանելիք, վարորդական իրավունք». Վերցված է 2020-11-10-ին.
- ↑ «Ցուցարարներն «Իմ քայլի» պատգամավորներին 2 ժամ են տվել. անվտանգությունը երաշխավորում են». Sputnik Armenian. Վերցված է 2020-11-10-ին.
- ↑ «Դասալիք հիմարներ, որ իմ փոքր քույրերի սենյակ եք մտել: Դուք մեղք եք. Մարիամ Փաշինյան». Վերցված է 2020-11-10-ին.