«Էն Ուիլսոն»–ի խմբագրումների տարբերություն
Նոր էջ «{{Տեղեկաքարտ Երաժիշտ | անուն = Էն Ուիլսոն | բնօրինակ_անուն = | պատկեր = AnnWilsonHWOFSept2012.jpg | ալտերնատիվ = |...»: |
(Տարբերություն չկա)
|
08:56, 31 Հոկտեմբերի 2020-ի տարբերակ
Էն Ուիլսոն | |
---|---|
Հիմնական տվյալներ | |
Բնօրինակ անուն | անգլ.՝ Ann Wilson |
Ի ծնե անուն | անգլ.՝ Ann Dustin Wilson |
Ծնվել է | հունիսի 19, 1950[1][2][3] (73 տարեկան) Սան Դիեգո, Կալիֆոռնիա, ԱՄՆ |
Երկիր | ԱՄՆ |
Ժանրեր | ռոք, հարդ ռոք, ֆոլկ ռոք և album-oriented rock? |
Մասնագիտություն | երգչուհի և երգերի հեղինակ |
Երգչաձայն | սոպրանո |
Գործիքներ | վոկալ |
Գործունեություն | 1970-այժմ |
Լեյբլ | Mushroom Records/Epic/Sony BMG/Portrait/Legacy (1976-1983) EMI/Capitol (1985-1995) Shout! Factory/Sovereign (2004- 2009) Sony Legacy (2010- ) |
Կրթություն | Sammamish High School? |
Անդամակցություն | Heart? |
Պարգևներ | |
Կայք | annwilson.com |
Ann Wilson Վիքիպահեստում |
Էն Ուիլսոն (անգլ.՝ Ann Wilson, ի ծնե Էն Դասթին Ուիլսոն, անգլ.՝ Ann Dustin Wilson, հունիսի 19, 1950[1][2][3], Սան Դիեգո, Կալիֆոռնիա, ԱՄՆ), ամերիկացի երգչուհի, որը հայտնի է դարձել սիեթլյան/վանկուվերյան Heart ռոք խմբի կազմում, իր կրտսեր քրոջ՝ Նենսիի գլխավորությամբ։
Կենսագրոթյուն
Էն Ուիլսոնը ծնվել է 1950 թվականի հունիսի 19-ին Կալիֆոռնիա նահանգի Սան Դիեգո քաղաքում: Նրա հայրը գնդապետ էր ԱՄՆ-ի նավատորմում, ուստի մանկության տարիներին նա հաճախ տեղափոխվել էր, մինչև հայրը հրաժարական է տվել և իր ընտանիքի հետ բնակություն հաստատել Սիեթլի արվարձանում, Բելվյուում:
Փոքր տարիքում Էնը տառապում էր կակազությամբ, ուստի շատ ամաչկոտ էր և սկսել էր զբաղվել երաժշտությամբ: 1970-ականների սկզբին նա միացել է տեղի White Heart ռոք խմբին, որը շուտով իր անունը փոխել և դարձրել է Hocus Pocus, իսկ հետո, 1974 թվականին, վերջնականապես կանգ առավ Heart անվան վրա:
Երաժշտական գործունեություն
1974 թվականին Էնի կրտսեր քույր Նենսին միացել է Heart-ին և տեղափոխվել Կանադա։ 1975 թվականին Վանկուվերում նրանք ձայնագրել են իրենց առաջին Dreamboat Annie ալբոմը: ԱՄՆ-ում այն սկսել է վաճառվել 1976 թվականին։ 1977 թվականին նրանք թողարկել են Little Queen ալբոմը, որը պարունակել է խմբի «Barracuda» առաջին խոշոր հիթը։ 1978 թվականին թողարկել էDog & Butterfly-ը։ 1984 թվականին Էնը դուետով երգել է «Almost Paradise» երգը Կանադական Loverboy խմբի վոկալիստ Մայք Ռենոյի հետ՝ «Footloose» ֆիլմի համար, որը Billboard Hot 100 հիթ-շքերթում հասել է 7-րդ հորիզոնականին[4]։ 1986 թվականին նա թողարկել է «The Best Man in the World» սոլո սինգլը, որը հնչել է «Ոսկե երեխան» ֆիլմում, որի գլխավոր դերում Էդի Մերֆին է։ Սինգլն ԱՄՆ-ում հասել է 61-րդ հորիզոնականին[5]: 1988 թվականին նա Cheap Trick-ի վոկալիստ Ռոբին Զադերի հետ ձայնագրել է «Surrender to Me» երգը՝ «Հարբած արշալույսը» ֆիլմի համար, Մել Գիբսոնի, Միշել Պֆայֆերի և Կուրտ Ռասելի մասնակցությամբ։ Սինգլը Billboard Hot 100 հիթ-շքերթում հասել է վեցերորդ հորիզոնականին[5]։
1992 թվականին Էնը մասնակցել է Alice in Chains խմբի Sap մինի-ալբոմի ձայնագրությանը։ Նա «Brother», «Am I Inside» և «Love Song» երգերում կատարել է բեք վոկալի հատվածները։ 1993 թվականին Alice in Chains-ի վոկալիստ Լեյն Սթեյլին Վիլսոնի քույրերի հետ միասին կատարել է Բոբ Դիլանի «Ring Them Bells» երգը՝ քավեր-տարբերակով, որը թողարկվել է Heart-ի Desire Walks On ալբոմում։ Բացի այդ, Alice in Chains բաս կիթառահար Մայք Այնեզը և շրջագայական կիթառահար Սքոթ Օլսոնը նվագել են Heart-ի Alive in Seattle համերգային ալբոմում, որը թողարկվել է 2003 թվականին:
1990-ականների կեսերին Էնն ու Նենսին Սիեթլում հիմնել են Bad Animals Studio ձայնագրման ստուդիան, որն անվանվել է 1987 թվականի Heart-ի Bad Animals ալբոմի պատվին։ Նրանք նաև երկուսով ստեղծել են The Lovemongers սայդ-նախագիծը, որի կազմում կատարել են Led Zeppelin դասական «The Battle of Evermore» երգը: Ավելի ուշ այդ երգը թողարկվել է թվով 4 մինի-ալբոմի վրա։ 1997 թվականին թողարկվել է Lovemongers-ի դեբյուտային և առայժմ միակ Whirlygig ալբոմը։
Սոլո գործունեություն
2006 թվականին Էնն սկսել է ձայնագրել իր առաջին Hope & Glory սկավառակը, որը արտադրվել է Բեն Մինկի կողմից։ Ալբոմը թողարկվել է 2007 թվականի սեպտեմբերի 11-ին Rounder Records լեյբլում և բաղկացած էր տարբեր կատարողների երգերի քավեր տարբեր տարբերակներից։ Hope & Glory-ի հրավիրված երաժիշտների թվում ներկա էին Նենսի Ուիլսոնը, Էլթոն Ջոնը, Ք.Դ. Լանգը, Էլիսոն Կրաուսը, Շոն Քոլվինը, Ռուֆուս Ուեյնրայթը և ուրիշներ: «Little Problems, Little Lies», «Isolation» և «Immigrant Song» երգերը թողարկվել են որպես սինգլներ։
«Immigrant Song»-ի քավեր տարբերակը հասանելի է MySpace-ում՝ Էնի պաշտոնական էջում, ինչպես նաև զբաղեցրել է 9-րդ տեղը 2007 թվականի փոթքասթ երգերի թվում՝ PMC Top10-ի հաշվարկներով[6]:
2001 թվականին Էնը միացավ պրոդյուսեր Ալան Փարսոնսին The Beatles-ի շրջագայութունների համար, որը կոչվում էր A Walk Down Abbey Road։
2007 թվականի հունիսին նա երգել է Sed Nove խմբի և Յան Գիլլանի հետ Փարիզի երաժշտական փառատոնում:
2010 թվականին Էնն ու Նենսին կատարել են «We Are the World 25 for Haiti» երգի մի մասը, որը տարբեր փոփ կատարողների կողմից ձայնագրվել է ի աջակցություն Հայիթիի բնակիչների, որոնք տուժել են տարվա սկզբին տեղի ունեցած ուժեղ երկրաշարժից: Երգը 1985 թվականի «We Are the World» հիթ-սինգլի ռեմեյքն է, որը գրվել է բարեգործական նախագծի համար, որի հասույթը $61.800.000-ի չափով ուղղվել է Եթովպիայում սովյալներին դեղորայքի, սննդի, բժշկական եւ մարդասիրական օգնության գնմանը և առաքմանը:
Ավելի ուշ, 2010 թվականին Ուիլսոն քույրերը դարձել են Pandora Radio առաջարկման համակարգի «Moms Who Rock» արշավի մի մասը, որը հասանելի է միայն ԱՄՆ-ում:
Անձնական կյանք
1970-ականների ընթացքում Էն Ուիլսոնը հանդիպել է խմբի ղեկավար Մայքլ Ֆիշերի հետ, իսկ նրա կրտսեր քույրը՝ Նենսին, հանդիպել է կիթառահար Ռոջեր Ֆիշերի՝ Մայքլի կրտսեր եղբոր հետ։ 1979 թվականին երկու զույգերն էլ բաժանվել են, Էնը հայտարարել է, որ Մայքլը սկսել է հանդիպել մեկ այլ կնոջ հետ։ «Magic Man» երգը գրվել է Մայքլի մասին և պարունակել է ինքնակենսագրական լիրիկա նրանց սիրավեպի սկզբի մասին[7]։
1991-ում Էնն որդեգրել է դուստր Մարիին, իսկ 1998 թվականին որդի՝ Դաստինի:
2015 թվականի ապրիլի 25-ից Էնն ամուսնացել է Դին Ուիթերի հետ[8]։ Նրանք 1980-ականներին երկար ժամանակ չեն հանդիպել և կրկին հանդիպել են տարիներ անց:
Երբ Էնը փոքր էր, նա տառապում էր ճարպակալումից, ինչի հետևանքով այլ երեխաների կողմից ծաղրի էր ենթարկվել։ 1970-ականներին նա որոշել է նիհարել և հասել է արդյունքի։ Սակայն, կրկին զգալիորեն ավելացել է քաշը: Վախենալով, որ դա կարող է փչացնել խմբի իմիջը, ընկերության ռեկորդը՝ խմբի մասնակիցները սկսել են ստիպել նրան նիհարել։ Տեսահոլովակներում տեսախցիկի դիրքերը և հագուստը ընտրվել են այնպես, որ տեսողականորեն նվազեցնեն Էնի չափսերը: Էնը բազմիցս հայտարարել է, որ քաշի հետ կապված բացասական կարծիքների հետևանքով սկսել է տառապել խուճապային գրոհով[9]:
Ծանոթագրություններ
- ↑ 1,0 1,1 Internet Movie Database — 1990.
- ↑ 2,0 2,1 Discogs — 2000.
- ↑ 3,0 3,1 GeneaStar
- ↑ Синглы Майкла Рено, попавшие в чарт Billboard на Allmusic
- ↑ 5,0 5,1 Синглы Энн Уилсон, попавшие в чарт Billboard на Allmusic
- ↑ Doelle, Chris (2008-01-05). «PMC Top10 - 010408 - Top Hits of 2007!!!». PMC Top10. Արխիվացված է օրիգինալից 2011-07-15-ին. Վերցված է 2008-09-01-ին.
{{cite web}}
: Italic or bold markup not allowed in:|publisher=
(օգնություն); Unknown parameter|deadlink=
ignored (|url-status=
suggested) (օգնություն) - ↑ https://www.youtube.com/watch?v=ok2WlhnTRmI Ann Wilson discusses the inspiration behind «Magic Man.»
- ↑ Heart Singer Ann Wilson Marries Dean Wetter
- ↑ https://www.youtube.com/watch?v=cwr6qe5AXBw&feature=related Ann Wilson discusses the implications of and the responses to her weight gain.
Արտաքին հղումներ
Վիքիպահեստն ունի նյութեր, որոնք վերաբերում են «Էն Ուիլսոն» հոդվածին։ |