Վիքիպեդիա:Խորհրդարան

Խորհրդարան․ վիքիքննարկումների մայր հարթակ Բարի գալուստ Հայերեն Վիքիպեդիայի քննարկումների մայր հարթակ։ Այս էջը նախատեսված է Հայերեն Վիքիպեդիային առնչվող խնդիրների, նոր գաղափարների քննարկման, մտքերի փոխանակման և աշխատանքների համակարգման համար։

Որոնել Խորհրդարանի պահոցում ↓ Ավելացնել նոր քննարկում

Հարցեր և
օգնություն

Տեխնիկական խնդիրներ

Կանոնակարգային քննարկումներ

Տերմինների քննարկում

Ադմինիստրատորների տեղեկատախտակ

Բոտապահ մասնակիցների տեղեկատախտակ

If you don't speak Armenian

Ընթացիկ քվեարկություններ. Ադմին 0 | Տեխադմին 0 | Բոտ 0 | Ընտրյալ հոդված 0 | Կարգավիճակից զրկում 0 | Լավ հոդված 0 | Ընտրյալ ցանկ 0 | Գնահատում 0 | Տարվա հոդված 0 | Կանոնակարգ 0[թարմացնել]

Գլխավոր էջ (առաջարկներ)

Հարգելի՛ վիքիհամայնք, սույն քննարկումը բացում եմ՝ նպատակ ունենալով լսել Ձեր կարծիքները, մտքերը, որոնք կօգնեն մեր Գլխավոր էջը դարձնել ավելի ներկայանալի: Խնդրում եմ ստորև ազատորեն արտահայտեք Ձեր մտքերը, թե ի՛նչ է պակասում մեր Գլխավոր էջին, ի՛նչ բաժիններ կուզեիք տեսնել, ինչը՝ ոչ: Միով բանիվ, ամեն ինչ՝ կապված Գլխավոր էջի հետ: Դիզայնի մասին կխոսենք քիչ ավելի ուշ, երբ կհասկանանք թեմատիկան, բաժինները, կամփոփենք այս քննարկումը: Քննարկման ժամկետ չեմ սահմանում, սիրով ընթացքում կլսեմ ձեր առաջարկները ու կաշխատեմ արձագանքնել:--∑ίγμα (քնն.) 00:07, 13 Հուլիսի 2020 (UTC)

Սկզբի համար երևի արժի հեռացնել պորտալների հղումները՝ հաշվի առնելով այն, որ մեր վիքիում դրանք չափազանց պասիվ են։ --ԱշոտՏՆՂ (քննարկում) 05:25, 13 Հուլիսի 2020 (UTC)

2019 թվականի փետրվարին @Emptyfear մասնակիցը Գլխավոր էջի նոր դիզայն էր ներկայացրել (առանց երրորդ սյունյակի), մանրամասն թվարկել էր առավելությունները, սակայն համայնքն այդպես էլ չընդունեց Գլխավոր էջի այդ տարբերակը։ Առաջարկում եմ վերադառնալ այդ քննարկմանը, բեռնաթափել գլխավոր էջը, հարմարեցնել էջը նաև մոբայլից մուտք գործողների համար։ --ջեօ ^(✡) 06:15, 13 Հուլիսի 2020 (UTC)

@GeoO ջան, համամիտ եմ բեռնաթափելու հետ, ինչպես նաև հարմարացնելուն բջջային տարբերակից դիտողների համար, որովհետև հիմա միայն Շաբաթվա հոդվածն է երևում: Բայց դա անենք բովանդակային մասը ճշտելուց հետո: Հենց գծագրվեցին հիմնական բաժինները, կզբաղվենք նաև դիզայնով և դասավորվածությամբ (ու ամենայն մանրամասնությամբ :) ):--∑ίγμα (քնն.) 12:48, 14 Հուլիսի 2020 (UTC)

ջեօ ջան, այդ տարբերակում էջի մի հսկայական մաս դատարկ է մնում կարծես թե։--Նուբեռելլա ^💬 08:42, 13 Հուլիսի 2020 (UTC)

@Nooberella ջան, կարելի է հավելյալ բաժիններ ավելացնել, սահմանափակում չունենք ։) --ջեօ ^(✡) 08:46, 13 Հուլիսի 2020 (UTC)

ջեօ ջան, համամիտ եմ, բայց արդյո՞ք Վիքիդարանը տեղին է Վիքիպեդիայի գլխավոր էջում։--Նուբեռելլա ^💬 08:47, 13 Հուլիսի 2020 (UTC)

@Nooberella ջան, ինչո՞ւ ոչ։ --ջեօ ^(✡) 08:51, 13 Հուլիսի 2020 (UTC)

Չգիտեմ, հնարավոր է ուղղակի աչքիս է անսովոր ։Դ Այնուամենայնիվ, կարելի է քննարկել, նոր բաժիններ ավելացնել դատարկ հատվածներում և փոփոխել։ Ինչո՞ւ ոչ։--Նուբեռելլա ^💬 08:56, 13 Հուլիսի 2020 (UTC)

Վիքիդարանը, Վիքիբառարանը և այլն Վիքիպեդիայի քույր նախագծեր են, և դրանց Գլխավոր էջում լինելը կարծում եմ արդարացված է։--Սամվել^{քննարկում} 09:14, 13 Հուլիսի 2020 (UTC)

Ընդհանրապես գլխավոր էջ շատ քիչ եմ բացում, բայց նոր տարբերակի վերաբերյալ մի քանի դիտարկում անեմ, որն ուղղակի իմ կարծիքն է։

Վիքիդարանում, ինչքան գիտեմ, հիմա կազմակերպչական տեսանկյունից ակտիվություն չկա, Գլխավոր էջում վիքիդարանին տեղ հատկացնելը որքանո՞վ է տեղին, և ո՞վ է թարմացնելու այդ բաժինը։ Փոխարենը կարելի է ավելի լայն տեղ հատկացնել շաբաթվա հոդվածին, որ այն այդքան նեղ ու ձգված չլինի, հարմար լինի գոնե տեքստն աչքի անցկացնելու համար։

Գիտե՞ք որ բաժինը հաճախ չի թարմացվում, կարելի է ժամանակավոր հանել։ Նորից շատ նեղ է, ինչը չի տրամադրում կարդալուն։

Համագործակցությունների բաժինը վերև բերելուն կողմ եմ (ճիշտն ասած, ես միայն այդ բաժնի էջերը բացելու համար եմ երբեմն բացում գլխավոր էջը), նորեկներին նույնպես հարմար կլինի (գլխավոր էջը սովորաբար բացում են ամենասկզբում, երբ պետք է մուտք գործեն համակարգ, մանավանդ նորեկները, որոնց զգալի մասն օգտվում է հենց այդ բաժնից)։ Բայց դա ենթադրում է, որ շաբաթվա հոդվածի բաժինը պետք է լինի մոտավորապես դրա չափ, կամ ցանկալի է դրա ներքևից ուրիշ բաժին ավելացնել, որպեսզի դատարկ տեղ չմնա։

Պորտալներ Օգնություն Ստեղծել էջ շարքը գուցե ավելի հարմար է հակառակ դասավորությամբ, որովհետև եթե պորտալները չեն գործում, նորեկներին ու ընթերցողներին պետք չէ։

Ներքևի բաժինները թարմ տեսք ունեն։ --Voskanyan (քննարկում) 09:56, 13 Հուլիսի 2020 (UTC)

Ուրախալի ակտիվություն է, շնորհակալ եմ մասնակիցներին: Ուղղակի առաջարկում եմ հիմա կենտրոնանալ բովանադակային վրա, իսկ դիզայնը կարելի է ընտրել (կառաջարկվեն): Ընդհանուր առմամբ ես էլ եմ կարծում, որ քույր նախագծերն իրավունք ունեն Գլխավոր էջում մնալու: Voskanyan ջան, ես էլ եմ համամիտ «Գիտե՞ք,որ...» բաժնի հանելու հետ, բայց կա՞ փոխարինող կամ ավելի հարմար տարբերակ, որովհետև եթե դա էլ ենք հանում, ապա մի տեսակ դատարկվում է էջը: Զուտ կարծիքի տեսանկյունից հետաքրքիր է:--∑ίγμα (քնն.) 12:44, 14 Հուլիսի 2020 (UTC)

Արդեն նշել եմ, որ Գլխավոր էջը ես հազվադեպ եմ բացում, այն էլ միայն նայում եմ համագործակցության բաժինը, որից շատ են օգտվում նաև նորեկները (ինձ թվում է՝ գլխավոր էջը շատերն են հենց այդ բաժնի համար բացում), դա ավելի տեսանելի դարձնելը լավ կլինի։ Գիտե՞ք որ բաժնի դեմ ոչինչ չունեմ, ուղղակի կարծես թե չի թարմացվում, դրա համար առաջարկեցի հանել, դրանում այնպիսի տվյալներ չեն, որ արժի անգիր անել՝ շաբաթներ շարունակ տեսնելով։ Հանելուց հետո չգիտեմ՝ ինչու պետք է դատարկվի, ես այդ կարծիքին չեմ (բայց եթե այդ բաժինը նախկինի պես պարբերաբար թարմացվի նոր ստեղծված հոդվածներից վերցված փաստերով, գուցե հետաքրքիր լինի, բայց մեր համայնքում դժվար թե առաջիկայում գտնվի մեկը, որ ստանձնի նման պատասխանատվություն և պատշաճ կատարի)։ Քույր նախագծերը, իհարկե, շատ լավ կլինի, որ երևան գլխավոր էջում, ուղղակի Վիքիդարանում հիմա ակտիվություն չկա, ո՞վ պետք է թարմացնի այդ բաժինը, իսկ եթե շաբաթներով նույն նկարն է լինելու, իմաստ չեմ տեսնում։ Ես առանձնապես չեմ պնդում, որ փոփոխություններ լինեն, եթե գլխավոր էջը հաճախ բացողներ կան, գուցե իրենք կարծիք հայտնեն։ Բայց եթե որոշված է, որ պետք է փոխել, գրել եմ իմ կարծիքը։ --Voskanyan (քննարկում) 18:40, 14 Հուլիսի 2020 (UTC)

∑ίγμα ջան, շնորհակալություն քննարկում բացելու համար։ Նայում եմ հիմա ու կարծում եմ, որ ինչքան թեթև, բեռնաթափված լինի, այնքան ակնահաճո, այսինքն՝ հնարավորինս ավելի քիչ բաժիններ։ Ձախ կողմի շարքը կարելի է վերանայել, չգիտեմ, որոնք են դրանցից պարտադիր-ստանդարտ, որոնք՝ կամընտրական ըստ Վիքիների։ «Գիտե՞ք, որ...»-ը լավ բաժին է իր բնույթով, բայց արժե թողնել, եթե միայն անընդհատ թարմացնող կամավոր լինի, այլապես մյուս բաժինների համաչափեցմամբ կարելի է և հանել։ Պորտալներ չգիտեմ էլ մտնող կա, թե չէ (բացի առաջին անգամը կամ միամիտ սեղմածները)։ Վերևում ու ներքևում միանման «օգնող» էջեր են կարծես թե, կարելի է մեկը դարձնել՝ «Խմբագրման ուղեցույց · Օգնություն · Հարցեր · Ինչպես գրել հայերեն · Գրանցվել», «Հարցեր – Օգնություն – Գրանցվել – Խմբագրել այս էջը - Թարմացնել», + մեջտեղում էլ «Առաջին անգա՞մ ես փորձում. օգտվի՛ր օգնության դասընթացից»։ Մնացած մտքերս մեծացնել-փոքրացնել, դիզայնի հետ են կապված։ --A.arpi.a (քննարկում) 20:31, 14 Հուլիսի 2020 (UTC)

Բեռնաթափելը լավ է, բայց նայենք թե գլխավոր էջի նպատակը ո՞րն է և ո՞ւմ է ուղղված։ Կան խմբագրողներ, որոնք երևի քիչ մասն են կազմում, և կա ընթերցող, որը մտնում է Վիքիպեդիա կոնկրետ բան նայելու կամ հետաքրքրությունից դրդված։ Խմբագրողներին իհարկե հետաքրքիր է մասնակցիր/համագործակցություն բաժինը, իսկ պարզապես ընթերցողին պետք է Վիքիպեդիայի «նորություններ, գիտեք կամ այս օրը պատմության մեջ» առաջարկենք։ Քույր նախագծերը պետք է լինեն, Վիքիմեդիայի քաղաքականությունն է այդպես, բայց կոնկրետ նախագիծը, այս դեպքում Վիքիդարանը ես կհանեի՝ ոչ ակտիվ է, և բացի դրանից կարելի է հանգիստ տեղադրել Մասնակցիր/համագործակցություն բաժնում։ Ես, որպես կողմնակի ընթերցող, եթե ամեն օր մտնեմ Վիքիպեդիա, ինձ կհետաքրքրեն «այս օրը», «նորությունները» և գուցե «Գիտեք որը», մնացածը շաբաթով նույնն է, և այդ նույնը ամեն օր տեսնելով հետաքրքրությունս կքչանա, մտնելու շարժառիթն էլ հետը։ Ես կառաջարկեմ նշածս երեք բաժինները հնարավարինս փոփոխվող սարքել ու ավելի դիտելի սարքել։ Խմբագիրների համար էլ մասնակցիր/համագործակցություն բաժինը։--Բեքո^{Քննարկում} 06:40, 19 Օգոստոսի 2020 (UTC)

Գլխավոր էջի ամենաներքևում կա «Խմբագրել այս էջը», որով հնարավոր է խմբագրել Գլխավոր էը, բայց քանի որ այն պաշտպանված է, այս կոճակը ոչ մի իմաստ չունի։ --ԱշոտՏՆՂ (քննարկում) 05:07, 29 Օգոստոսի 2020 (UTC)

Նախնական արդյունք

• հանել պորտալները և դրանց հետ կապված ամեն ինչ
• հանել Գլխավոր էջի ամենաներքևում «Խմբագրել այս էջը» (դրա հետ մեկտեղ՝ Հարցեր – Օգնություն – Գրանցվել – Խմբագրել այս էջը - Թարմացնել տողը. ամբողջությամ կրկնում է էջի վերևում դրվածը), ինչպես նաև էջի ամենավերևում գտնվող «Խմբագրել» և «Խմբագրել կոդը» կոճակները
• «Գիտե՞ք, որ...» բաժինը դեռ մնում է, փորձում ենք նոր շունչ հաղորդել, ըստ հնարավորության դարձնել ամենօրյա թարմացվող (ապագայում)
• խմբագիրների հարմարության տեսանկյունից բարեփոխվում և տեղաշարժվում է Համագործակցության բաժինը (թե ուր, կերևա առաջիկա՝ դիզայնին նվիրված քննարկումներում):
• Խմբագրման ուղեցույց · Օգնություն · Հարցեր · Ինչպես գրել հայերեն · Գրանցվել տողից կարելի է հանել «Ինչպես գրել հայերեն»-ը, որովհետև դա արդեն արդիական չէ:
• Շաբաթվա հոդվածին հատկացնել ավելի մեծ տարածք կամ ավելի լայն շրջանակ:
• քույր նախագծերը մնում են՝ որպես Վիքիմեդիայի քաղաքականության անքակտելի մաս:
• պարտադիր է՝ նոր դիզայնը հարմարեցված լինի բջջային տարբերակին:--∑ίγμα ^(քնն.) 00:03, 2 Սեպտեմբերի 2020 (UTC)

Անակտիվ ադմին

Հարգելի համայնք, ունենք անակտիվ ադմին համաձայն ՎՊ:ԱԱ կանոնի, դա Azniv Stepanian մասնակիցն է։ Եթե չկան խիստ հիմնավոր պատճառաբանություններ, ինչու պիտի նա մնա ադմին, առաջարկում եմ ադմինիստրատորին զրկել դրոշակից։--Սամվել^{քննարկում} 06:04, 7 Օգոստոսի 2020 (UTC)

Չնայած վերևի ցանկը թարմացնում եմ ես, բայց ամեն դեպքում ես շարունակում եմ դեմ լինել այս կանոնին ու հետևաբար դեմ եմ Ազնիվի դրոշակի հեռացմանը, քանի որ կարծեմ երեկ խմբագրում արել էր, այսինքն՝ մասնակիցը նախագիծը չի լքել։ --ԱշոտՏՆՂ (քննարկում) 06:36, 7 Օգոստոսի 2020 (UTC)

Աշոտ ջան, կանոնը չենք քննարկում, այն ընդունված է և գործող, ադմինները առաջինը պետք է հետևեն դրան, որպեսզի վատ նախադեպ չունենանք,։ Կանոնը լավն է թե վատը, դա ուրիշ հարց է։--Սամվել^{քննարկում} 06:42, 7 Օգոստոսի 2020 (UTC)

Սամվել ջան, գրեթե համաձայն եմ ։Ճ։ Դրա համար էլ ամեն օր թարմացնում եմ ցանկը, չնայած նրան, որ դեմ եմ այդ կանոնին։ Բայց եթե դրոշակի զրկման քվեարկություն բացվի, ես դեմ եմ քվեարկելու ։--ԱշոտՏՆՂ (քննարկում) 06:46, 7 Օգոստոսի 2020 (UTC)

Բայց ի՞նչ քվեարկություն, փաստացի կա կանոն, փաստացի կա դրույթ և թվեր, հիմա քվեարկենք թվերը ճիշտ են, թե՞ սխալ։--Սամվել^{քննարկում} 06:54, 7 Օգոստոսի 2020 (UTC)

Սկզբունքորեն ճիշտ ես ասում, Սամվել ջան․ իմաստ չկա կանոնակարգի, եթե պետք է ամեն անգամ քվեարկություն լինի։ Ինձ թվում է այս դեպքում գոնե ինչ-որ ժամանակ տալ է պետք։ Օրինակ երբ հոդվածը կարճ էջ ենք պիտակում, մասնակիցն մեկ շաբաթ ժամանակ ենք տալիս։ Այս դեպքում շատ ավելի լուրջ հարց կա, բայց կանոնակարգում նախօրոք զգուշացման մասին ոչ մի կետ չկա։ Ես կարծում եմ, որ եթե պետք է նման կանոն ունենանք (զուտ պասիվ լինելու պատճառով դրոշակի հեռացում), ապա գոնե պետք է մասնակցին մեկ-երկու անգամ զգուշացնել ու ակտիվանալու հնարավորություն տալ նախքան մետայում դիմում բացելը։ --ԱշոտՏՆՂ (քննարկում) 07:26, 7 Օգոստոսի 2020 (UTC)

Ճիշտ ես ասում Աշոտ ջան, չնայած Ազնիվին այստեղ նշել եմ, հիմա կտեղեկացնեմ նաև իր էջում։--Սամվել^{քննարկում} 07:31, 7 Օգոստոսի 2020 (UTC)

Աշոտ ջան մոտ մեկ ամիս է արձագանք չկա, կարծում եմ կարելի է դիմել մետայում։--Սամվել^{քննարկում} 10:30, 1 Սեպտեմբերի 2020 (UTC)

Այս պարագայում ես դեմ չեմ դիմելուն, Սամվել ջան։ (պարագա ասելով նկատի ունեմ կանոնակարգը ու այն, որ Ազնիվը ժամանակին ընտրվել էր որպես Արևմտահայերեն Վիքիպեդիայի ադմին :))։ --ԱշոտՏՆՂ (քննարկում) 17:37, 1 Սեպտեմբերի 2020 (UTC)

Աշոտ ջան, հարցը մնաց անլուծում, ես մետայում դիմում բացելու ձևը չգիտեմ, խնդրեմ օգնես, կամ ինքդ բացես, շնորհակալություն։--Սամվել^{քննարկում} 09:28, 14 Սեպտեմբերի 2020 (UTC)

Ցավոք դիմեցի, Սամվել ջան։ --ԱշոտՏՆՂ (քննարկում) 13:38, 14 Սեպտեմբերի 2020 (UTC)

Վճարովի խմբագրման դեպքերը Հայերեն Վիքիպեդիայում և Վիքիմեդիա Հայաստան

Հարգելի Վիքիհամայնք՝ ադմինիստրատորներ, խմբագիրներ, համաձայն Վիքիմեդիա Հիմնադրամի օգտագործման պայմանների (տե՛ս «Paid contributions without disclosure» բաժինը)՝ վճարվող խմբագրումներ կատարող յուրաքանչյուր խմբագիր պարտավորվում է բացահայտել վճարման փաստը և պատվիրատու կազմակերպությունը։ Սա պարտադիր պայման է Վիքիմեդիա նախագծերում վճարովի խմբագրումներ կատարող յուրաքանչյուր անձի համար։

Այնուամենայնիվ, Հայերեն Վիքիպեդիայում կան շատ ակտիվ խմբագիրներ (այդ թվում՝ ադմինիստրատորներ), որոնք ներկայումս այս կամ այն կերպ վճարվում են Վիքիմեդիա Հայաստանի կողմից, բայց դրա մասին իրենց մասնակցային էջերում որևէ կերպ չեն նշում։ Այս անձինք ինչպես Վիքիմեդիա Հայաստանի մշտական աշխատակիցներից են, այնպես էլ Վիքիակումբի համակարգողներից, վիքիմարզիչներից և նախագծային այլ պայմանագրային աշխատողներից։ Առաջարկում եմ և պահանջում՝

1. Վճարվող ադմինիստրատորները որպես առաջին քայլ իրենց մասնակցային էջերում, որով կատարում են որևէ վճարովի խմբագրումներ (նախագծային էջերում փոփոխություններ, ցանկեր, տեխնիկական հարցեր, հոդվածների ստուգում, մասնակիցների ուսուցում, որը նախատեսում է խմբագրումներ, հոդվածներում խմբագրումներ, վերադասի հոդվածի խմբագրում և ցանկացած այլ փոփոխություն Վիքիմեդիա նախագծերում), նշեն վճարման փաստի, տևողության, էջերի և բնույթի մասին։ Ես մի քանի ադմինիստրատոր գիտեմ, որոնք ներկայումս վճարվում են և կատարում այս կամ այն խմբագրումներ (գուցե ոչ հենց հիմնական անվանատարածքում)։
2. Ադմինիստրատորներն իրենք պահանջեն, որ Վիքիմեդիա Հայաստանի կամ այլ կազմակերպությունների կողմից որևէ խմբագրման համար վճարվող խմբագիրները (օրինակ՝ մարզիչներ, համակարգողներ, վիքիակումբի համակարգողներ և այլն) իրենց մասնակցային էջերում բացահայտեն նման փաստերը: Ես այս խմբին պատկանող խմբագիրներ նույնպես գիտեմ։

Վճարովի խմբագրման փաստերի արձանագրումը շատ կարևոր է ինչպես թափանցիկության ապահովման, այնպես էլ Վիքիպեդիայում շահերի բախման դեպքերի բացահայտման համար։ Այս ամենը կատարելուց հետո առաջարկում եմ մշակել նաև վճարովի խմբագրումների սեփական կանոնակարգը, որտեղ ավելի մանրամասն տվյալներ կպահանջենք վճարման փաստերի վերաբերյալ։

Շնորհակալություն, Emptyfear (քննարկում) 11:15, 12 Օգոստոսի 2020 (UTC)

Դավիթ ջան, քանի որ այլընտրանքային քաղաքականության հնարավորություն ունենք (օրինակ՝ commons:Commons:Paid_contribution_disclosure_policy, species:Wikispecies:Policy#Paid_editing կամ ru:b:Викиучебник:Необязательность раскрытия информации об оплачиваемом участии), առաջարկում եմ նախ մշակել կանոնակարգ, որովհետև կոնկրետ համակարգողների դեպքում սա բավական անհարմար իրավիճակ է ստեղծում այն առումով, որ հստակ սահմանը նշելը դժվար (եթե իհարկե բոլոր խմբագրումների համար առանձին-առանձին չգրեն) է, թե որ խմբագրումներն են աշխատանքից ելնելով արել, որոնք՝ կամավոր (օրինակ իմ դեպքում բավական հեշտ է, քանի որ հստակ տարանջատում կա․ ստեղծում եմ ինչ-որ ցանկեր Ashot Janibekyan (WMAM) հաշվով, նույնը մարզիչների առումով՝ օգնություն կոնկրետ թվով մասնակիցների ու գուցե իրենց հոդվածների ստուգում, չգիտեմ դա պայմանագրով եղել է թե չէ)։ Ռուսերենում նույնիսկ նման բան կար, որը հավանաբար էլի պետք է քննարկվի։ Վստահ եմ, որ խորանալու դեպքում էլի լիքը մանրուքներ ենք գտնել, դրա համար առաջարկում եմ նախ կանոնակարգ մշակել։ --ԱշոտՏՆՂ (քննարկում) 15:29, 12 Օգոստոսի 2020 (UTC)

ԱշոտՏՆՂ ջան, մերսի արձագանքի համար։ Օգտագործման պայմանները հստակ նշում է, որ ամեն վիքինախագիծ կարող է ունենալ իր կանոնակարգը, ինչպես դու ես նշում։ Բայց երբ չունի՝ պետք է առաջնորդվի հենց օգտագործման պայմաններով։ Այնպես որ հաջորդականությունը պետք է հակառակը լինի՝ նախ վճարովի խմբագրողները նշեն իրենց էջերում, ապա մշակվի կանոնակարգը, եթե ցանկություն ունի համայնքը։ Եթե մշակված կանոնակարգը ենթադրի լրացուցիչ խստացումներ/տվյալների հրապարակում, ապա մասնակիցները դա էլ կանեն։ Նշեմ, որ մենք օգտագործման պայմաններին հակասող որևէ կանոնակարգ չենք կարող մշակել, այսինքն՝ պայմաններում նշվածը ամեն դեպքում պետք է իրականացնել։ Մարզիչները, եթե վճարվում են, կարող են նշել, թե որ մասնակիցների էջերում, որ հոդվածներում, որ ժամանակահատվածում ու որ նախագծի շրջանակներում են վճարովի խմբագրում, ես չեմ կարծում, թե սա անհնար բան է։--Emptyfear (քննարկում) 16:15, 12 Օգոստոսի 2020 (UTC)

Վիքիմեդիա Հայաստանի հետ աշխատող ադմիններից մեկն էլ ես եմ, բայց ադմինական գործողություններս, իմ ստեղծած հոդվածներն ու խմբագրումների զգալի մասի, առավել ևս քննարկումների մասնակցությունն աշխատանքի հետ կապ չունեն։ Ներկայում համավարակի պատճառով մեր աշխատանքը խիստ սահմանափակ է (համենայն դեպս, այդպես է նախատեսված, եթե նշվի հստակ ձև կամ կանոն (ինչպե՞ս պետք է գրել մասնակցային էջում), կարող եմ ավելի հստակ ասել, նաև ցանկալի է իմանալ՝ ում և ինչպես պետք է զգուշացնել, արդյո՞ք դա անձնական տեղեկությունների բացահայտում չէ, եթե ես մեկի քննարկման էջում գրեմ՝ խնդրելով նշել մասնակցային էջում, ինչ է լինելու, եթե չբացահայտեն), չնայած ես անձամբ շարունակում եմ օգնել որոշ մասնակիցների, հազվադեպ թարմացնում եմ մեկ ցանկ էլի իմ նախաձեռնությամբ, վերադասի ստեղծած հոդվածներն իր խնդրանքով կամ նրա (նրանց) խնդրանքով կոնկրետ հոդված չեմ խմբագրել։ Բացի այդ, աշխատանքի ընթացքում ոչ մի խմբագրում ու որևէ հոդվածի ստուգում չի պարտադրվում, պահպանվում է նույն ազատ ընտրությունը, ինչ որ սովորական խմբագրան ժամանակ, այսինքն՝ մենք ինքներս ենք ընտրում, թե որ հոդվածը ստուգենք ու ինչ խմբագրում կատարենք, կատարենք, թե չկատարենք (չեմ հիշում այնպիսի խմբագրում, որը չէինք կարող չկատարել ու կատարել ենք, բայց ներկայում նախագծերի մասին կանոնը գրեթե պարտադրում է, որ նախագծի համակարգողը վերահսկի նախագծի ընթացքում ստեղծվող հոդվածների որակը, և խմբագրումների մի մասը դրանով է պայմանավորված, չնայած ես դեմ եմ այդ կանոնին), և հաշվի առնելով, օրինակ, նույն աշխատանքը կատարող մարդկանց խմբագրումների քանակի ու ծավալի տարբերությունները՝ երբեմն դժվար է հստակ նշել, թե որտեղ է ավարտվում աշխատանքը (պարտադիր նվազագույնը) ու սկսվում կամավորությունը։ --Voskanyan (քննարկում) 18:10, 12 Օգոստոսի 2020 (UTC)

Voskanyan ջան, մերսի արձագանքիդ համար։ Լավ հասկանալով կամավորություն-աշխատանք բաժանման դժվարությունը՝ ես ամեն դեպքում կարծում եմ, որ կան խմբագրումներ, որոնք դու անում ես քո վճարովի դերի շրջանակներում։ Հենց ակումբի երեխաների հոդվածների ստուգումը, դու կանեի՞ր եթե վճարվող աշխատանք չանեիր և չունենայիր այն դերը, որը ունես հիմա (հակառակ դեպքում, ինչո՞ւ հենց քո ակումբինն ես ստուգում, այլ ոչ թե այլ մասնակիցներինը)։ Ակումբի էջերը քո վճարովի աշխատանքի շրջանակներում չե՞ս անում։ Քո աշխատանքային պայմանագիրը այլ խմբագրումներ չի՞ նախատեսում։ Սրանք են այն հարցերը, որոնց կցանկանամ պատասխանես։ Տվյալների գաղտնիության պահով, ես կարծում եմ, որ համայնքը պետք է իմանա, թե ովքեր են վճարովի աշխատանք կատարում (հատկապես՝ ադմիններից) և որն է այդ մարդկանց դերը, որովհետև ինձ համար սա շատ կարևոր է շահերի բախման դեպքերը նույնականացնելիս։ Սա ավելի շատ թափանցիկության մասին է, ոչ թե տվյալների հրապարակման. ոչ ոք քեզնից չի պահանջում հրապարակել անուն ազգանունդ կամ այլ անձնական մանրամաներ։ Կամավորություն-աշխատանք բաժանումը հստակ սահմանելու համար լավ կլիներ պահել առանձին աշխատանքային հաշիվ, սա տարածված պրակտիկա է Վիքիմեդիա շարժման մեջ. սա նաև ավելի շատ թափանցիկություն է ապահովում։ Բայց քանի որ ներկայումս շատ մասնակիցներ խուսափում, չեն ցանկանում կամ չեն անում դա, ես կարծում եմ, որ առնվազն վճարովի դերի և խմբագրումների մասին պետք է նշվի մասնակցային էջում։--Emptyfear (քննարկում) 06:46, 13 Օգոստոսի 2020 (UTC)

Հարգելի՛ Emptyfear, ինչպես արդեն նշել եմ, ներկայում ակումբների առումով խառը վիճակ է, ու ստացվում է, որ փաստացիորեն ես ստուգում եմ իմ ցանկությամբ ու կամավոր սկզբունքներով (այլ հարց է, որ ակումբի մասնակիցները շարունակում են խմագրել միայն ակումբի գործունեության ընթացքում, այդ պատճառով ակումբի փակումից հետո գուցե ոչ մի հոդված էլ չգրվի, հակառակ դեպքում իմ ստուգելը կախված կլինի ազատ ժամանակի առկայությունից)։ Ինձ թվում է՝ նկատելի է, որ ես խմբագրում եմ նաև այլ հոդվածներ (օրինակ՝ Ֆեոդոր Սամոխին, որը ես ստուգել եմ միայն այն պատճառով, որ մասնակիցը դիմել էր իմ քննարկման էջում), իսկ մեր ակումբի մասնակիցների հոդվածներին ավելի շատ եմ անդրադառնում, որովհետև այդպես եմ ցանկանում։ Ակումբների երեխաների հոդվածների ստուգումը ես սկսել եմ իմ ցանկությամբ (նախկինում այլ մոտեցում էր, ինչի վկայությունն են ներկայում ցանկերով ջնջվող հարյուրավոր հոդվածները), հիմա էլ ստուգում կամ չեմ ստուգում իմ ցանկությամբ, եթե ինչ-որ բան փոխվի այս տեսանկյունից, հետո կտեսնենք։ Հաշվի առնելով այն հանգամանքը, որ աշխատանքը թողնելուց հետո որոշ մասնակիցներ ակտիվորեն շարունակում են խմբագրել, ես նույնպես հույս ունեմ, որ ինձ ոչինչ չի խանգարի խմբագրել նաև հետագայում։ Իսկ թե ինչքան քիչ եմ ես խմբագրում աշխատանքի բերումով, կարծում եմ՝ լրիվ ուրիշ հարց է։

Չեմ ժխտում, երբեմն դժվար է անտարբեր անցնել ծանոթ մարդու (ոչ միայն ակումբական) հոդվածի կողքով, բայց եթե նկատվել է որոշակի կողմնապահություն, ասեք, ես կաշխատեմ ավելի անկողմնակալ լինել (նշեմ, որ քննարկումներում անկողմնակալությունը առավելագույնս պահվում է, խոսքը վերաբերում է միայն որոշ հոդվածները կարդալուն ու սխալներն ուղղելուն, իսկ մյուսները չբացելուն)։ Եթե ինչ-որ խնդիր կա մասնակցի խնրանքով իր սևագրում որոշակի փոփոխություններ կատարելու հետ կապված, խնդրում եմ ուրիշ լուծում առաջարկել։

Ակումբի էջեր չկան, կա մեկ էջ, որը ես ստեղծել եմ բացառապես իմ նախաձեռնությամբ և թարմացնում եմ շատ հազվադեպ, եթե կասկածելին այդ էջն է, կարող եմ ավելի քիչ խմբագրել, բայց ակումբը ոչ թե իմն է, այլ մերը, ու էջում ցանկացած ոք կարող է խմբագրել, ես նույնպես հոդվածներ ավելացնում եմ կամ այդ ցանկից հոդվածններ գրում եմ կամավոր սկզբունքներով, իսկ եթե հատուկ գրավոր համաձայնություն լինի ցանկը պարբերաբար թարմացնելու, հոդվածները գրելու վերաբերյալ, կտեղեկացնեմ։

Ես ստեղծել եմ Մասնակից:Armenuhi Voskanyan էջը (Աշոտի էջի նման եմ ստեղծել, հույս ունեմ՝ ճիշտ է), հետագայում աշխատանքի հետ կապված խմբագրումների համար կօգտագործեմ դա։ Բայց նորից եմ նշում, որ ես իմ խմբագրումների մեծ մասն անում եմ (այդ թվում որոշ մասնակիցների ավազարկղերւմ փոփոխությունների կատարում) որպես կամավոր, ու եթե ինչ-որ բան չփոխվի, ես էլի շարունակելու եմ խմբագրել այս էջով, եթե դեմ չեք։

Եթե էլի խնդիր կա, խնդրում եմ ասել։ Շնորհակալություն։--Voskanyan (քննարկում) 08:20, 14 Օգոստոսի 2020 (UTC)

Voskanyan, շնորհակալ եմ հանգամանալից արձագանքի և առանձին հաշիվ բացելու համար։ Հուսով եմ, սրանով արդեն քեզ և գործատուիդ համար նույնպես ավելի պարզ կդառնա կամավոր-աշխատող սահմանը։ Իսկ մեզ՝ համայնքի անդամների համար այսուհետ ավելի պարզ կլինի, թե որ խմբաագրումներն են կատարվում վճարովի աշխատանքի սահմաններում։ --Emptyfear (քննարկում) 10:21, 14 Օգոստոսի 2020 (UTC)

Դավիթ ջան, միանշանակ ճիշտ ես ասում, բայց ես ուրիշ բան եմ ասում, գոնե մի քիչ։ Այս կանոնաին առնվազն կանոնակարգային մակարդակով մենք գոնե վեց տարի ուշադրություն չենք դարձնում ու դժվար թե աշխարհը փուլ գա, եթե երկու ամիս էլ սպասենք ։Դ։ Քանի որ այս պարագայում մի քանի կողմից ես հետաքրքրությունների բախում ունեմ (ես էլ եմ աշխատում Վիքիմեդիա Հայաստանում, ճանաչում ու մոտ հարաբերություններ ունեմ ակումբների համակարգողներից շատերի հետ և այլն), այդ պատճառով չեմ ցանկանում քննարկման մեջ «ընդգծված» կողմ լինել (չնայած գոնե ես իմ չեզոքության վրա վստահ եմ ։Ճ), սակայն ամեն դեպքում գոնե սա գրեմ։ Ես համակարգողների ու Վիքիմեդիա Հայաստանի պայմանագրերի դետալներից տեղյակ չեմ, բայց հաշվի առնելով այն, որ նարանք տարբեր ակտիվություն ունեն, ենթադրում եմ, որ նույնիսկ ակումբի երեխաների հոդվածներում արված ներդումները մասմաբ կամավոր են ու գտնում եմ, որ ոչ ազնիվ ու հիասթափեցնող կլինի (ինչը կարող բացասական ազդեցություն ունենալ նախագծի վրա․ «դե եթե վճարովի եմ անում, ուրեմն ես էլ մենակ պարտավորությունները կանեմ» սկզբունքով»), եթե բոլորին ու բոլոր խմբագրումները (թեկուզ կոնկրետ հոդվածների խմբագրումները) նույն կատեգորիայում դնենք։ Խոսակցությանը չէի խառնվի, եթե իրենց գոնե կեսը ակտիվ լինեին քննարկումներում։ Ամեն դեպքում կփորձեմ այս քննարկմանը քիչ մասնակցել՝ հաշվի առնելով վերևում գրածս պատճառները։ --ԱշոտՏՆՂ (քննարկում) 18:16, 12 Օգոստոսի 2020 (UTC)

ԱշոտՏՆՂ ջան, ես չեմ կարծում, թե աշխարհը փուլ կգա, եթե բոլորը նշեն, ապա սկսենք կանոնակարգի վրա աշխատելը։ Իմ մոտավոր հաշվարկներով, ներկայումս մոտ 50 տարբեր խմբագիրներ կան, որոնք այս կամ այն կերպ վճարվում են Վիքիմեդիա Հայաստանի կողմից։ Կան նաև Տավուշի մարզպետարանի կողմից վճարվող խմբագիրներ։ Այս թիվը իմ համար անհանգստացնող է։ Ենթադրում եմ, որ նրանցից շատերի աշխատանքի բնույթը նախատեսում է խմբագրումներ աշխատանքային պարտականությունների շրջանակներում։ Քո ներկայացրած իրավիճակի շուրջ ես ենթադրում եմ, որ մարդիկ չէին անի այդ «կիսակամավոր» խմբագրումները, եթե վճարովի աշխատող չլինեին, հակառակ դեպքում՝ ինչո՞ւ միայն իրենց ակումբի մասնակիցների հոդվածներում են ներդրումներ կատարում։ Իսկ խմբագիրների մոտիվացվելու փաստը, ինձ համար, այս թեմային չի վերաբերվում։ Դա նրանց և գործատուի միջև փոխհարաբերությունների դաշտում է։ --Emptyfear (քննարկում) 06:59, 13 Օգոստոսի 2020 (UTC)

Իսկ չի՞ հակասի նման տեղեկության բացահայումը անձնական տվյալների պաշտպանության մասին ՀՀ օրենքին։--Սամվել^{քննարկում} 05:05, 13 Օգոստոսի 2020 (UTC)

Samo04 ջան, կոնկրետ կետ կասե՞ս, որին քո կարծիքով կարող է հակասել։ Իմ կարծիքով, չի հակասում, քանի որ մենք միայն արձանագրում ենք վճարվելու փաստը, բնույթը և վճարվող կազմակերպությունը։ --Emptyfear (քննարկում) 06:25, 13 Օգոստոսի 2020 (UTC)

Emptyfear ջան, համաձայն օրենքի անձնական տվյալ է համարվում ֆիզիկական անձին վերաբերող ցանկացած տեղեկություն, որը թույլ է տալիս կամ կարող է թույլ տալ ուղղակի կամ անուղղակի կերպով նույնականացնել անձի ինքնությունը. հիմա նմանատիպ տեղեկության տեղադրումը թույլ չի՞ տա նույնականացնել անձին։--Սամվել^{քննարկում} 06:56, 13 Օգոստոսի 2020 (UTC)

Անձը ինքն իրեն արդեն մասամբ նույնականացնում է, երբ համաձայնվում է կատարել վճարովի աշխատանք և իր մասնակցային կամ իրական անունը նշում այս կամ այն էջերում։ Մենք միայն արձանագրում ենք, որ այդ դերը, որը նա ստանձնել է վճարովի խմբագրումներ է նախատեսում։ --Emptyfear (քննարկում) 07:03, 13 Օգոստոսի 2020 (UTC)

Անձը հնարավոր է ընդհանրապես ոչ անուն գրի ոչ այլ տեղեկություն (չի արգելվում Վիքիպեդիայի կանոններով), կարծում եմ նման պահանջը պետք է լինի ոչ ստիպողական։--Սամվել^{քննարկում} 07:29, 13 Օգոստոսի 2020 (UTC)

Ես համաձայն չեմ։ Յուրաքանչյուր անձ գրանցվելով Վիքիպեդիայում՝ համաձայնվում է օգտագործման պայմաններին, որոնց մի մասն է վճարովի խմբագրումների մասին կետը։ Սա նշանակում է, որ անձը գրանցվելիս արդեն համաձայնվում է հրապարակել այդ տվյալները, եթե կատարում է վճարովի խմբագրում։ Ես չեմ հասկանում, թե ինչ հակասություն կարող է այստեղ լինել։ --Emptyfear (քննարկում) 07:44, 13 Օգոստոսի 2020 (UTC)

Ըստ էության դեմ չեմ մոտեցմանը, ընդամենը դիտարկենք այնպես, որ օրենքին չհակասի։--Սամվել^{քննարկում} 08:55, 13 Օգոստոսի 2020 (UTC)

Օրենքին չի կարող հակասել, որովհետև ինչպես ասացի, մասնակիցն ինքն է համաձայնել հրապարակել այդ տվյալները, եթե կատարի վճարովի խմբագրում։ --Emptyfear (քննարկում) 09:12, 13 Օգոստոսի 2020 (UTC)

Հարգելի՛ Emptyfear, ուզում եմ հստակեցնել, մասնակցային էջում ուղղակի նշու՞մ է լինելու, որ մասնակիցը վճարվել կամ վճարվում է որոշակի խմբագրումների համար, թե՞ առանձին մասնակցային հաշիվ պիտի ունենա այդպիսի նշումով, որից էլ հղում կլինի դեպի հիմնական էջը։ Որովհետև կարող է ստացվել, որ այո, վճարվում է, բայց ըստ էության իր արած խմբագրումների միայն մի տոկոսի համար։--A.arpi.a (քննարկում) 19:56, 13 Օգոստոսի 2020 (UTC)

A.arpi.a ջան, կարծում եմ երկու տարբերակ կա։ Կամ պետք է բացել «աշխատանքային հաշիվ» և վճարվող խմբագրումներն իրականացնել այդ հաշվով (մասնակցային էջում անպայման նշելով աշխատանքի մասին), կամ քո մասնակցային էջում նշել, որ քո խմբագրումների մի մասը իրականացվում են վճարովի՝ քո աշխատանքի բնույթով պայմանավորված՝ իհարկե նաև հստակեցնելով, թե որոնք են այդ խմբագրումները։ --Emptyfear (քննարկում) 10:24, 14 Օգոստոսի 2020 (UTC)

Միտք: Սա էլ մասնակցային էջերում դրվող կաղապարը՝ {{Paid}}:--∑ίγμα ^(քնն.) 18:59, 14 Օգոստոսի 2020 (UTC)

Sigma'am ջան, շնորհակալ եմ կաղապարն ստեղծելու համար։ --Emptyfear (քննարկում) 19:57, 14 Օգոստոսի 2020 (UTC)

Beko ջան, քանի որ չգտա, թե ով է զբաղվում Վիքիպեդիայի առցանց դասընթացով և Ուսուցիչների առցանց դասընթացով (իմիջայլոց ինչո՞ւ ոչ մի նշում չկա նախագծի էջերում, թե ով է համակարգում նախագիծը), քեզ եմ նշում, քանի որ էջերը դու ես ստեղծել։ Ինչպես հասկացա, խմբերում նշված Վիքիմարզիչները նույնպես վճարվում են։ Խնդրում եմ նրանց ուշադրությունը հրավիրել այս քննարկմանը և զգուշացնել՝ մասնակցային էջերում վճարովի խմբագրման մասին ծանուցում ավելացնելու մասին։ Եթե դու չես զբաղվում նախագծով, խնդրում եմ նշել, թե ում դիմեմ։ Շնորհակալություն, Emptyfear (քննարկում) 19:57, 14 Օգոստոսի 2020 (UTC)

Emptyfear ջան, Վիքիպեդիայի և Ուսուցիչների առցանց դասընթացների համակարգումով չեմ զբաղվում։ Վիքիպեդիայում միայն սարքել եմ դասընթացների էջերը, ինչպես և վիքինախագծերի շատ էջեր։ Մարզիչների անունները գրված են նախագծի էջերում, և կարող ես դիմել իրենց, որ իրենք պատասխանեն հարցերին։ Նախագծի համակարգման մասին տվյալները կարող են տրամադրել Վիքիմեդիա Հայաստան գիտակրթական ՀԿ-ից, որի պատասխանատու անձանց կոնտակտային տվյալները կարող ես գտնել am.wikimedia.org կայքում։--Բեքո^{Քննարկում} 07:10, 15 Օգոստոսի 2020 (UTC)

Emptyfear ջան, կներեք միջամտելու համար, սակայն սա էլ նայիր:--∑ίγμα ^(քնն.) 20:35, 14 Օգոստոսի 2020 (UTC)

Beko ջան, շնորհակալ եմ արձագանքիդ համար։ Խնդրում եմ հետագայում նման էջերը ստեղծես քո աշխատանքային հաշվով, եթե դրանց համար վճարվում ես կամ արձանագրես դա քո մասնակցային էջում։ Ես կարծում եմ, որ յուրաքանչյուր նախագիծ պետք է որ ունենա որևէ պատասխանատու անձ, որը պարզաբանումներ կներկայացնի այս կամ այն հարցի դեպքում։ Մերսի նաև կոնտակտային տվյալներին հղում կատարելու համար։ Ես Վիքիպեդիայից դուրս Վիքիպեդիայի կանոնների պահպանման առնչությամբ որևէ կազմակերպության հետ կապ հաստատելը ճիշտ չեմ համարում։ Լավ կլիներ պատասխանատու անձինք հենց խորհրդարանում երբևէ արձագանքեին։ Ամեն դեպքում, կարծում եմ, որ նրանք ուշադիր հետևում են այս քննարկմանը և անում պահանջվող քայլերը։ --Emptyfear (քննարկում) 18:26, 15 Օգոստոսի 2020 (UTC)

Հարգելի Emptyfear, կարծում եմ, ոչ մեկի համար դժվար չէ դնել կաղապարն ու ամրագրել, որ վճարվում է։ Այստեղ խնդիրն այն է, թե ինչքան է վճարվում և ինչքան ժամանակով, և արդյոք դրա համար արժե՞ կաղապար դնել։ Քննարկման ժամանակ խոսք է գնացել Տավուշի մարզպետարանի կողմից վճարումների մասին, ուզում եմ անդրադառնալ դրան։ Մարզպետարանի հանձնարարությամբ մեզ վճարում են դպրոցները՝ ելնելով իրենց բյուջեից։ Հավատացնում եմ Ձեզ, դա այնպիսի ծիծաղելի թիվ է, որի համար հաստատ վճարման կաղապար դնել չարժե․ ես ինքս նախընտրում եմ ասել, որ կամավոր եմ ներդրումներ կատարում։ Ամռան ընթացքում մեկ ամսով եղել եմ նաև վիքիմարզիչ, մեկ ամսվա համար դնե՞մ կաղապարը։ Շնորհակալ կլինեմ պարզաբանումների համար։ --Avagyanasya (քննարկում) 11:15, 15 Օգոստոսի 2020 (UTC)

Հարգելի Avagyanasya, այստեղ դժվար կամ հեշտ լինելու խնդիր չէ, այլ կանոնին հետևելու։ Կանոնը կա՝ անհրաժեշտ է հետևել։ Շատ ցավում եմ, որ Ձեզ տրամադրվող փոխհատուցումը ծիծաղելի թիվ է, ես կցանկանայի, որ փոխհատուցումը լիներ այնքան, որքան Դուք խելամիտ կհամարեիք։ Բայց ամեն դեպքում, լինի դա ծիծաղելի թիվ, թե՝ ոչ, եթե վճարվում եք կամ ստանում եք ցանկացած այլ տեսակի փոխհատուցում կոնկրետ կատարված խմբագրումների համար, ապա խնդրում եմ կաղապարը դնել։ Նաև, ինչպես հասկացա, անցյալում կատարվածի համար պետք չէ որևէ կաղապար դնել, քանի որ կանոնը հիմա ենք փորձում գործի դնել։ Բայց հետագայում, եթե նորից լինեք մարզիչ, խնդրում եմ կաղապարը ավելացնել։ Շնորհակալ եմ։ Emptyfear (քննարկում) 18:14, 15 Օգոստոսի 2020 (UTC)

Ողջույն վիքիհամայնք ջան: Ինքս վիքիմարզիչ եմ: Վերջին ժամանակներս դասընթացների շրջանակներում մասնակիցներին որևէ գործիք ներկայացնելու նպատակով խմբագրումներ կատարել եմ բավականին հաճախ, աշխատել եմ նաև իրենց ավազարկղերում: Գաղտնիք չէ այս ամենը ոչ ադմինների, ոչ էլ համայնքի մյուս ներկայացուցիչների համար: Սակայն ցանկացած հոդվածում վրիպում նկատելիս, ցանկացած մասնակցի օգնելու նպատակով, հոդվածներ բարելավելիս և ստեղծելիս միշտ էլ խմբարել եմ կամավոր: Կաղապարը դնելու պարագայում ոչ միայն վիքիդասընթացների մարզիչների, այլ նաև ցանկացած այլ վճարովի ծրագրերի մասնակիցների և համայնքի համար ևս կա և լինելու է այս խնդիրը՝ տարբերել/առանձնացնել կամավոր խմբագրումները վճարովի աշխատանքի համար կատարված խմբագրումներից: Լավագույն տարբերակ եմ համարում առանձին մասնակցային հաշվի ստեղծումը, ինչպես վերևում նշել էր Voskanyan-ը, որտեղ էլ կդրվի կաղապարը և կնշվի տվյալ մասնակցի կամավոր խմբագրումների մասնակցային հաշիվը նույնպես:--Violmsyan (քննարկում) 17:49, 15 Օգոստոսի 2020 (UTC)

Ողջույն, Violmsyan ջան, կամավոր-վճարովի պարտականությունների բաժանման հարցը, իմ կարծիքով, պետք է ոչ թե խորհրդարանում քննարկես, այլ գործատուիդ հետ՝ մանրամասն սահմանելով, թե որոնք են քո պարտականությունները և հստակ իմանալով, թե ինչի համար ես վճարվում։ Բայց ինչպես հասկանում եմ, դու որպես մարզիչ վճարվում ես և որպես մարզիչ կատարում ես որոշակի խմբագրումներ։ Խնդրում եմ հետևել կանոնին և դրա մասին արձանագրել քո մասնակցային էջում։ Շնորհակալություն։ Emptyfear (քննարկում) 18:19, 15 Օգոստոսի 2020 (UTC)

Հարգելի՛ Emptyfear ջան, խոսքը միայն իմ խմբագրումների մասին չէ, այլ բոլոր նրանց, ովքեր կամավորության հետ մեկտեղ մասնակցում են որևէ վճարովի նախագծի: Նախագծերի շրջանակներում գործատուն և խմբագիրը տեղյակ են, թե որ խմբագրումը ինչպես և ինչու է արված: Այստեղ խոսքը համայնքի մասին է: Համայնքի համար պետք է թափանցիկ լինի ամեն ինչ, ճի՞շտ է: Վերևում նշել էիք, որ կա երկու տարբերակ՝ կամ պետք է բացել «աշխատանքային հաշիվ» և վճարվող խմբագրումներն իրականացնել այդ հաշվով (մասնակցային էջում անպայման նշելով աշխատանքի մասին), կամ քո մասնակցային էջում նշել, որ քո խմբագրումների մի մասը իրականացվում են վճարովի՝ քո աշխատանքի բնույթով պայմանավորված՝ իհարկե նաև հստակեցնելով, թե որոնք են այդ խմբագրումները (մեջբերել եմ հենց Ձեր տողերը)։ Ինչումն է խնդիրը, որ ես և միգուցե այլ խմբագիրներ էլ կողմ են առաջին տարբերակին: --Violmsyan (քննարկում) 19:17, 15 Օգոստոսի 2020 (UTC)

Violmsyan ջան, ոչ մի խնդիր չկա, եթե առաջին տարբերակին ես կողմ։ Ինչպես ցանկանում եք, այնպես էլ արձանագրեք կամ տարանջատեք վճարովի խմբագրումները։--Emptyfear (քննարկում) 19:23, 15 Օգոստոսի 2020 (UTC)

Այս թեման բացվելուց հետո, Վիաիմեդիա Հայաստանի նախագծերը/էջերը խմբագրում կամ ստեղծում եմ աշխատանքային մասնակացային անունով, եթե կասկածներ կլինեն ասեք։ Վիքիպեդիան խմբակային աշխատանք է, այնպես որ պարտադիր չէ, որ իմ ստեղծած էջերի նախագծերը ես համակարգեմ։ Հուսամ համակարգողները կհետևեն նոր կամ նոր ուշադրության կետրոնում հայտնված կանոններին, և կնշեն իրենց մասնակցային անունները։ Այն նախագծերում, որ ես եմ համակարգում, անունս գրված է։ Կարծում եմ, եթե նախագծի իրագործման համար որևէ մասնակգիծ կամ մասնակիցների խումբ դրամաշնորհ է ստանում, թեկուզ տրանսպորտի, նվերների, սննդի համար, նույնպես պետք տեղյակ պահի։ Ի՞նչ կասեք։ --Բեքո^{Քննարկում} 19:19, 15 Օգոստոսի 2020 (UTC)

Beko ջան, մերսի։ Ոչ, դրամաշնորհը կամ մրցանակը փոխհատուցման վճարովի ձև չէ, այնպես որ նշում անելն անհրաժեշտ չէ։ --Emptyfear (քննարկում) 19:23, 15 Օգոստոսի 2020 (UTC)

Emptyfear ջան, որքան հասկացա՝ կարդալով այս կետը, հնարավոր է նաև խմբագրման ամփոփման տողում զետեղել վճարվող խմբագրման մասին տեղեկատվությունը: Սա նույնպես պիտի ընդունել ի գիտություն՝ որպես մասնակցային էջում դրվող կաղապարի այլընտրանք: Եվ բացի այդ, եթե մենք ուշ ենք կիրառության մեջ դնում 2014 թվականի ապրիլի 25-ից ընդունված կանոնը, պետք է նաև հետադարձ ուժ ունենա՝ տարածվելով նախկին խմբագրումների և դեպքերի վրա: Փաստացի, եթե հիմա է բարձրաձայնվում, դա չի նշանակում, որ օրենքը նոր է ընդունվել չէ՞:--∑ίγμα ^(քնն.) 22:36, 15 Օգոստոսի 2020 (UTC)

Sigma'am ջան, Terms of use-ի մեջ, վճարման բացահայտման տարբերակներ է առաջարկում, բայց պարտադիր չէ դրանք բոլորն էլ օգտագործել։ Եթե մարդ մեկ գործողություն է արել, ապա կարող է խմբագրման ամփոփման մեջ գրել, բայց գիտենք, որ այդ ամփոփումը մնալու է խմբագրումների խորքում և չի երևալու։ Ամեանաճիշտը՝ Վիքիմեդիա Հայաստանի երկարաժամկետ՝ մշտական և պայմանագրային աշխատակիցները (ոնց հասկացա, խոսքը միայն իրենց մասին է գնում) կարող են իրենց աշխատանքային էջում գրել որ կազմակերպությունում են աշխատում,ու իրենց պարտականությունների մասին, սրանով կերևա, որ խմբագիրը կազմակերպության նախագծերում կարող է հետաքրքրություն ունենալ։ Մյուս պայմանագրային աշխատողները թող իրենց էջերում նշեն թե ինչ նախագծում են աշխատում և ում հետ է պայմանագիրը։ Ասեմ, որ այս դեպքերի համար վճարվում է խմբագրումների կամ ներդրումների համար ձևակերպումը կորեկտ չեմ գտնում, մանավանդ, որ ոչ մեկի պայմանագրում այդպիսի բան չկա, ու այս ձևակերպմամբ այս մասնակիցներին հավասարեղնում ենք իսկապես գումարով հոդված գրողներին, որը որ կարծում եմ լրիվ ուրիշ կատեգորիա է։ Եթե նշել եմ, որ աշխատակից եմ, ապա պարզ է, որ վճարվում եմ, և Terms of use-ի հարց ու պատասխանի մեջ այդպես էլ գրված է, որ բավական է նշել միայն աշխատելը։--Բեքո^{Քննարկում} 07:43, 16 Օգոստոսի 2020 (UTC)

Sigma'am ջան, կարծում եմ սա ադմինների որոշման խնդիր է։ Եթե դուք որոշեք, որ կանոնի կիրառմանը նաև հետագա ուժ եք տալիս, ապա մենք պարտավոր ենք ենթարկվել։--Emptyfear (քննարկում) 18:38, 18 Օգոստոսի 2020 (UTC)

Այս հարցի վերջնական լուծումը տեսնում եմ բոլոր շահագրգիռ կողմերի մասնակցությամբ կանոնակարգի մշակմամբ ու այն կիրառության մտցնելով։ Պետք է հստակ տարանջատել պատվերով (վճարովի) հոդված գրողի կարգավիճակն ու Հայերեն Վիքիպեդիայի զարգացման համար դրամական միջոցներ ստացողներին, քանի որ հիմնականում պատվերով հոդվածներ գրողների նպատակը ոչ թե Վիքիպեդիայի զարգացումն է, այլ իրենց հետաքրքրող/պատվիրված թեմայի մասին գրելը։ Չի կարելի x քաղաքական գործչից գումար ստացած և նրա մասին հոդված գրած խմբագրին ու օրինակ Վիքիմեդիա Հայաստանի կազմակերպած վիքիդասընթացներ ծրագրի դասավանդողներին նույն հարթության մեջ դիտարկել։ Նաև կարևորում եմ նույն իրավիճակում երկակի ստանդարտների կիրառումը բացառելը։ Քանի որ այս թեման գործնականում և հիմնականում վերաբերվում/վերաբերվելու է Վիքիմեդիա Հայաստանին, որի ավանդը Հայերեն Վիքիպեդիայի կայացման, զարգացման և ներկա տեսքի հասնելու գործում հսկայական է և ակնհայտ, ապա բոլորին կոչ եմ անում այս թեմային անդրադառնալիս այնպես անել, որ անհարմարություններ չստեղծվի այդ կազմակերպության գործունեության համար ու այսպես ասած խուսափենք այդ կազմակերպության ծրագրերում, նախագծերում վճարովի աշխատանք կատարող խմբագիրներին «պատվերով հոդված գրող» կամ նմանատիպ տգեղ պիտակներ կամա թե ակամա ուղղելուց։ Պետք է հետևողականորեն լինել, որ նախկինում դրամական վարձատրություն ստացած խմբագիրները նույնպես իրենց մասնակցային հաշիվներում գրեն իրենց կատարած աշխատանքի մասին, որպեսզի այս հարցում նույնպես խուսափենք երկակի ստանդարտներից։--Գարդմանահայ (քննարկում) 07:27, 16 Օգոստոսի 2020 (UTC)

Գարդմանահայ ջան, խնդրում եմ քննարկման մեջ այլ ենթատեքստ չմտցնել։ Ես հետևում եմ այս քննարկմանը, և որևէ մեկը որևէ մեկին կամա թե ակամա «պատվերով հոդված գրող» չի անվանել կամ պիտակել։ Խնդրում եմ այնպիսի բաներ չգրել, որը կարող է բացասական ազդակ լինել և բացասաբար ազդել կազմակերպության նախագծերի շրջանակում վճարվող անձանց ենթագիտակցության վրա, որպեսզի վերջիններս բացասաբար տրամադրվեն այս քննարկմանը։ Կան օգտագործման պայմաններ, մասնակիցները դա են քննարկում։--Լիլիթ (քննարկում) 08:13, 16 Օգոստոսի 2020 (UTC)

Լիլիթ ջան, խնդրանքդ իհարկե կընդունեմ, բայց չմոռանանք որ սա քննարկում է, որտեղ կարելի է հայտնել մտահոգությունները։ Իմ ասածը լրիվ այլ բանի մասին էր։ --Գարդմանահայ (քննարկում) 08:32, 16 Օգոստոսի 2020 (UTC)

Ոչ ոք հավասար հարթության մեջ չի դիտարկում մասնակիցների վճարովի խմբագրումները։ Չնայած երկու դեպքում էլ անձինք վճարովի խմբագրումներ են արել, խմբագրումների բնույթը տարբեր է։ Դրա համար կարևոր է մասնակցային էջում նշել նաև խմբագրումների բնույթը, օրինակ՝ նախագծային խմբագրումներ են, հոդվածներում խմբագրումներ են մասնակիցներին օգնելու համար, պատվերով վերադասի հոդվածի խմբագրումներ են, գումարի դիմաց ինչ-որ կազմակերպության կամ անձի մասին խմբագրումներ են, թե ծառայության դիմաց քննություն անցկացնող անձի մասին խմբագրումներ։ «Պատվերով հոդված գրող» պիտակը Դուք առաջին անգամ օգտագործեցիք այս քննարկման մեջ․ մինչ այդ ոչ մի նման պիտակ չի օգտագործվել։ Մի անգամ էլ եմ նշում, որ այստեղ անհարմարության հարց չէ, այլ կանոնին հետևելու։ Եթե կանոնին հետևելը անհարմարություն է առաջացնում որևէ անձի մոտ՝ ազատ է չկատարել վճարովի ծառայություններ կամ լքել նախագիծը։ Սրա մասին խոսվում է նաև օգտագործման պայմաններում։ --Emptyfear (քննարկում) 18:38, 18 Օգոստոսի 2020 (UTC)

Իմ կարծիքով նման պահանջի կիրառումը ժամանակավրեպ է և անիրագործելի, բացատրեմ ինչու։ Չկա գործընթացի հստակ կանոնակարգում, ովքեր, ինչպես, երբ պիտի բացահայտեն իրենց վճարվելը, ինչպիսի պատժամիջոցներ են կիրառվելու չբացահայտողների նկատմամբ, ինչպես ենք գտնելու պահանջները խախտողներին, վճարվողներից ովքեր են համարվում բարեխիղճ կամ անբարեխիղճ, Վիքիպեդիայի որ գործողությունների համար վճարումները պետք է բացահայտվեն, հարցերը շատ շատ են և դրանց պատասխանների բացակայությունը կբերի պանաջի ոչ արդյունավետ կիրառմանը։--Սամվել^{քննարկում} 07:42, 19 Օգոստոսի 2020 (UTC)

Samo04 ջան, քանի որ իմ կարծիքով, այս առումով ադմինների կարծիքն է որոշիչ, խնդրում եմ քննարկումն ամփոփելիս նաև դրան անդրադառնաք, ինչպես նաև ինչպես պետք է վարվենք վճարման այն դեպքերի հետ, երբ մասնակիցը կատարի վճարովի խմբագրումներ, բայց մասնակցային էջում որևէ նշում չանի։ Շնորհակալ եմ: Emptyfear (քննարկում) 17:57, 22 Օգոստոսի 2020 (UTC)

Նախնական արդյունք

Քանի որ Վիքիպեդիան կամավոր նախագիծ է, լինում են նաև վճարովի խմբագրումներ, ինչը նույնպես օգուտ է բերում Վիքիպեդիային, սակայն կարող են լինել դեպքեր, որոնց դեպքում Վիքիպեդիային վնաս պատճառվի, կարծում եմ արդարացված է Emptyfear-ի պահանջը, որպեսզի Վիքիպեդիայի մասնակիցները բացահայտեն իրանց վճարվելու փաստը։ Սակայն, քանի որ ներկայումս չունենք կանոն, որով կսահմանվի ամբողջ գործընթացը, առաջարկում եմ մինչև կանոնի ընդունումը վճարովի լինելու հանգամանքը բացահայտվի կամավոր կերպով։--Սամվել^{քննարկում} 09:34, 14 Սեպտեմբերի 2020 (UTC)

Ռոբերտ Քոչարյան

Հարգելի՛վիքիհամայնք, ձեր ուշադրությանն եմ ներկայացնում Ռոբերտ Քոչարյան հոդվածում 517design մասնակցի մեծածավալ ներդրումները, որոնցում միակ աղբյուրը հենց Քոչարյանի «Կյանք և ազատություն» գիրքն է (ընդհանուր հաշվով օգտագործված 22 անգամ)։ Ընդհանուր առմամբ դեմ չեմ ներդրումներին, սակայն դրանք ըստ իս խախտում են հոդվածի չեզոքությունն ու մեծամասամբ ոչ հանրագիտարանային են։ Ելնելով այդ փաստից՝ առաջարկում եմ հոդվածը վերադարձնել հուլիսի 30-ի վիճակին։--∑ίγμα ^(քնն.) 18:17, 9 Սեպտեմբերի 2020 (UTC)

Գիրքը գնելուց ու կարդալ սկսելուց հետո որոշեցի հոդվածը լրացնել, քանի որ իրոք շատ արժեքավոր տվյալներ կան։ Իհարկե մեկ աղբյուրը անթույլատրելի է, բայց այն դրվագները, որոնք գաղտնի են եղել, այլ աղբյուր չկա ուղղակի, ինչպես Ալիևի հետ գաղտնի հանդիպումը օրինակ, Արցախում 366-րդ գնդի զենքը Արցախում պահելու հանդիպումը, ու առհասարակ ընտանիքին ու վաղ տարիներին վերաբերվող մասերը։ Նախագահության շրջանում շատ հղումներ կարելի է ավելացնել, ինչպես այսօր եմ արել՝ հղվելով համաշխարհային բանկին, տարբեր լրատվականներին, ԱԳՆ կայքին և այլն։ Էտ շրջանին նոր եմ հասնում։ Գիրքը կարդալուց հետո նախատեսում եմ Սամվել Բաբայանի հուշերը ու Վանո Սիրադեղյանին վերաբերվող լավ գիրք ունեմ, դրանք էլ կարդալ, ու նույն դրվագների մասին ենթադրում եմ այլընտրանքային կարծիք էլ կլինի։ Ոչ հանրագիտարանային լեզու փորձում եմ թույլ չտալ, շատ բաներ դուրս եմ թողել, ու շնորհակալ կլինեմ, եթե օգնեք շտկել եթե թերություն հայտնաբերվի։ Նաև եթե որևէ մեկը տեղեկություն ունի, թե ինչ այլ հուշեր կան Արցախյան շարժմանը վերաբերվող, հղումներ խնդրում եմ տալ, գրքերը կփորձեմ գտնել, դրանք էլ կարդալ։ 517design (քննարկում) 18:47, 9 Սեպտեմբերի 2020 (UTC)

• Կողմ առաջարկին: Այո՛, չեզոքությունը խախտվում է: --Valen1988 (քննարկում) 19:34, 9 Սեպտեմբերի 2020 (UTC)
• Մեկ գիրքը հիմնական աղբյուր վերցնելը ճիշտ չէ, մանավանդ որ դա հոդվածի հերոսի ինքնակենսագրականն է։ Մյուս կողմից 517design մասնակիցն ասում է, որ այնտեղ տվյալներ կան, որ այլ տեղ չենք կարող գտնել։ Կարծում եմ․ որ պետք է վերանայել հոդվածը՝ հեռացնել այս աղբյուրից վերցված ոչ նշանակալի հատվածները, և թողնել միայն շատ կարևոր փաստերը, անպայման նշելով, որ դրանք Քոչարյանի տեսկետից են և իր գրքից։ Իսկ մի շարք իրադարձություններ, որի մասին գրում է Քոչարյանը կարծում եմ պետք է հանվեն, որովհետև ինքն իր գրքում իր կերպարը առավել դրական ներկայացնելու կարիք է ունեցել, ինչը հանրագիտարանում տեղ չունի և մանավանդ, որ իրենից բացի դա ոչ ոք հաստատել չի կարող։ Կարծում եմ նաև, որ լավ կլինի խմբագրական տարակարծության ժամանակ գրել հոդվածի քննարկման էջում, և այնտեղ հասնել համաձայնության։ Եվ երևի չարժի ետ շրջել մինչև որոշակի կետ, այլ կարելի է պարբերություն առ պարբերություն մաքրել կամ վերաշարադրել ու եթե հնարավոր է, նույն դեպքերի կամ իրադարձությունների համար հնարավորության դեպքում գտնել նաև այլ աղբյուրներ։ Քանի որ խոսքը մեր ժամանակների քաղաքական գործչի մասին է, և նրա գործունեության շուրջ կրքերը չեն հանգստացել, երևի պետք է վերանայենք, թե ի՞նչ մակարդակի գործիչների և ԶԼՄ-ների կարծիքներն է կարելի ցիտել հոդվածում։ Ու եթե գործչի ընդիմադիրների չհաստատված կարծիքները ցիտում ենք, ապա ինչո՞ւ չենք ցիտում նրա կողմնակիցների նմանատիպ կարծիքները։ Ասածներս վերաբերում են ներկայիս բոլոր քաղաքական գործիչների մասին հոդվածներին։--Բեքո^{Քննարկում} 06:52, 10 Սեպտեմբերի 2020 (UTC)

Ես անձամբ թեման փորձում եմ խորը ուսումնասիրել ու այլ աղբյուրներ նույնպես գտնեմ։ Այլ աղբյուրներ էլ կլինեն, ցանկալի է քննադատական՝ մաքսիմալ չեզոքության համար։ Մեծ աշխատանք է մեր նորագույն պատմության շատ էջերում, որ մինչ օրս մանրամասն իրականացված չէ։ Եթե ոչ նշանակալի դրվագներ որևէ մեկը հանդիպի, կամ ոչ հանրագիտարանային լեզվով գրված, կարող ենք ուղղել։ Նույնիսկ մինչ այժմ գրածս հիմա կարդում եմ, դեռ խմբագրելու ու սրբագրելու բազմաթիվ տեղեր կան։ Բուն էջի քննարկման էջում իրոք կարելի է դրվագ առ դրվագ քննարկել։ 517design (քննարկում) 08:51, 10 Սեպտեմբերի 2020 (UTC)

Համաձայն ՎՊ:ԱԱԿ կանոնի, «Պետք է օգտագործել հնարավորինս բարձր որակի աղբյուրներ: Բոլոր մեջբերումները և ցանկացած նյութ, որը կասկածելի է և կարող է կասկածի տեղիք տալ, պետք է ունենա աղբյուրներին հղումներ: Ապրող մարդկանց մասին այն հոդվածները, որոնք չունեն աղբյուրներ կամ աղբյուրները բավարար չեն, անկախ նրանից գրված է չեզոք տեսանկյունից թե ոչ, անհրաժեշտ է հեռացնել անմիջապես՝ առանց քննարկման», տվյալ դեպքում բերված աղբյուրը չի կարելի համարել երկրորդական և չեզոք, այն անմիջական կապ ունի Ռոբերտ Քոչարյանի հետ։ Համաձայն եմ Ջնջել այն հատվածները, որոնք վերցվել են վերոնշյալ գրքից։--Սամվել^{քննարկում} 09:11, 10 Սեպտեմբերի 2020 (UTC)

Samo04, ընտանիքին վերաբերվող դրվագները, մանկույթունը ու կրթությունը Մոսկվայում ու Երևանում երբեք չեն ունենա այլ հղումներ, եթե ընտանիքից մեկը չորոշի իհարկե դրա մասին գիրք գրել։ Գրքում նկարագրված է, ավելացրել եմ։ Ալիևի հետ հանդիպումը, Արցախի զենքի դուրս չբերելու բանակցությունները չեն ունենա նույնպես, քանի որ գաղտնի են եղել ու դրանց մասին ոչ ոք չի գրել։ Եթե իհարկե Գրեկովը կամ Սարգսյանը չգրեն։ Բայց դա էլ միևնույն է չենք ավելացնի, քանի որ կենդանի մարդկանց հուշեր են։ Իսկ Գրեկովը առհասարակ չի գրի, քանի որ կդատվի դրա համար։ Շատ արժեքավոր նյութ է։ Դա էլ եմ ավելացրել։ Վերջ ի վերջո Սամվել Բաբայանի մոտ հիմա կարդում եմ, թե ոնց է մանրամասն նկարագրված Շուշիի օպերացիայի նախագծումն ու իրականացումը, ողջ ընթացքը պատերազմի բոլոր գործողությունները՝ այս բոլորը ավելացնել չե՞նք կարող, քանի որ ՎՊ:ԱԱԿ կանոնին հակասում են։ Նույն Շուշիի գործողության հոդվածը ու առհասարակ պատերազմի բազմաթիվ դրվագներ ողբալի վիճակում են, ոչ մի մանրամասն չկա բուն գործողություններից, իսկ ինչ էլ լինի, պետք է լինի հղումով մասնակիցների վրա։ Անհեթեթություն է ինչ որ։ Որևէ կենդանի մարդու հուշ չի կարող ներառվե՞լ, ճի՞շտ եմ հասկանում։ Սպասենք, մինչև Արցախի պատերազմի մասնակիցները մահանան, նոր ավելացնե՞նք։ Ճի՞շտ եմ հասկանում։ 517design (քննարկում) 11:48, 10 Սեպտեմբերի 2020 (UTC)

Հարգելի 517design, Վիքիպեդիային կարևորագույն սկզբունքն է չեզոքությունը, նույն ինքնակենսագրականներում դժվար թե հեղեինակն իր մասին գրած լինի չեզոք տեսանկյունից, ՎՊ:ԱԱԿ կանոնը կապ չունի Շուշիի օպերացիայի հետ, Սամվել Բաբայանը կարող է լինել Շուշիի օպերացիայի աղբյուր, սակայն Սամվել Բաբայանը չի կարող լինել Սամվել Բաբայան հոդվածի աղբյուր։ Եթե այս ամենն անհեթեթություն եք համարում, ապա ըստ Ձեզ Վիքիպեդիայի հինգ սյուներից մեկն անհեթեթություն է։--Սամվել^{քննարկում} 12:32, 10 Սեպտեմբերի 2020 (UTC)

Հարգելի Samo04 ջան, անհեթեթությունը ոչ թե չեզոքության սյունն է, այլ Ապրող անձանց կենսագրությունների կանոնի ինտերպրիտացումը, որի հիմքում է չեզոքության սյունը։ Իսկ վերջինս ապահովելու համար անհրաժեշտ է ստուգելիություն [ՎՊ:ՍՏՈՒԳ], չեզոքություն [ՎՊ:ՉՏ] ու Ոչ մի սկզբնական հետազոտություն [ՎՊ:ՈՍՀ]։ Առաջին երկուսը նույնն են յուրաքանչյուր իրեն հարգող գիտական աշխատության մեջ։ Եթե Ստալինը ասում է A, իսկ Հիթլերը` B, ապա գրվում է և' A, և' B՝ պահելով չեզոքությունը։ Անկախ մեր վերաբերմունքից այս երկուսին։ Եթե Սամվել Բաբայանի հուշերը Շուշիի օպերացիայի մասին կարող են հայտնվել Շուշիի օպերացիայի էջում, իսկ իր էջում՝ ոչ (տվյալ դեպքում դրանց կարճ մասը՝ հղումով դեպի հիմնական հոդված), ապա սա անհեթեթություն է։ Եթե տվյալները չեզոք են մի էջում, մյուսում նույնպես չեզոք են։ Չեզոքությունը պահելու համար Ռոբերտ Քոչարյան էջում ընդամենը պետք են լրացուցիչ աղբյուրներ այն տեղերում, որտեղ դրանք գտնել հնարավոր է։ Այստեղ խնդիր չեմ տեսնում ընդհանրապես, քանի որ լրացուցիչ հղոմներ կավելացնեմ ես էլ, եթե այլ մասնակիցներ օգնեն, միասին ժամանակի ընթացքում լիարժեք հոդված կստեղծենք՝ անկախ մեր անձնական վերաբերմունքից տվյալ անձին ու մեր քաղաքական կողմնորոշումից։ Այստեղ պետք է որոշել՝ ինչ անել մնացած դեպքերում՝ երբ հնարավոր չէ այլ աղբյուր գտնել՝ ջնջել, թե այդուհանդերձ թողնել, նշելով, որ սա տվյալ է ըստ կոնկրետ անձի ու թեև միակողմանի է, ես կողմ եմ թողնել, քանի որ մեր պատմության կարևոր էջերին է վերաբերվում, բայց ադմինիստրատորներով որոշեք, դա իրավասու չեմ ոևէ բան ասել։ Ի դեպ այսօր գնել եմ Լևոն Տեր-Պետրոսյանի ու իր մասին բազմաթիվ հոդվածներով, որտեղ համոզված եմ արժեքավոր տվյալներ կլինեն թե այս էջի համար, թե հենց իր էջի։ 517design (քննարկում) 13:04, 10 Սեպտեմբերի 2020 (UTC)

Իրականում բացված քննարկումը ոչ թե վերաբերում է միայն Ռոբերտ Քոչարյանին, այլ առհասարակ բոլոր քաղաքական գործիչներին։ Բոլորի հոդվածները վերանայման կարիք ունեն, քանի որ մեկ ընդհանուր ձևաչափով չեն կազմված։ Համաձայն եմ նաև այն մտքի հետ, որ Ռոբերտ Քոչարյանի ինքնակենսագրական գիրքը վստահելի երկրորդական աղբյուր չի համարվում, իսկ գրքում հնչած փաստերը/մանրամասնությունները, եթե նույնիսկ ցանկանում ենք հոդվածում զետեղել, պետք է պարտադիր կրեն «Ըստ Ռոբերտ Քոչարյանի «X» գրքից» մակնշումը։ Առաջարկում եմ որոշակի ժամանակ տրամադրել մասնակցին սևագրում ուղղումներ կատարելու համար՝ մի պայմանով, որ եթե հնարավոր չէ գտնել կենսագրական գրքում ներկայացված փաստարկները հաստատող այլ երկրորդական վստահելի չեզոք աղբյուր, ապա այդ հոդվածներն առհասարակ պետք է հեռացվեն։ --ջեօ ^(✡) 08:05, 13 Սեպտեմբերի 2020 (UTC)

• Կավելացնեմ «ըստ Ռոբերտ Քոչարյանի՝» բոլոր այն տեղերում, որտեղ հղում է կատարվում իր գրքին ու արտահայտվում է անձնական վերաբերմունք։

• Մի քանի առանձին աղբյուրներ ուսումնասիրում եմ զոգահեռ ու ավելացնում։ Արդեն երկու տեղ ընդ որում ուղղել եմ այս կոնկրետ հոդվածը՝ հավելելով Սամվել Բաբայանի ու Թաթուլ Հակոբյանի ուսումնասիրության տվյալները՝ սեպտեմբերի 12-ի խմբագրում։

Այս գործը պետք է ավարտին հասցնել, կհավելեմ շատ այլ հոդվածներ, որոնք վերաբերվում են Արցախյան շարժմանը, պատերազմին ու մեր նորագույն պատմությանը առհասարակ։ Ուղղակի մեծ աշխատանք է, ժամանակ է պետք։ Շնորհակալ կլինեմ, եթե այլ մասնակիցներ նույնպես թեմայն անդրադառնան, միասին ուսումնասիրենք։ Կարող եմ գրքերիցս տրամադրել, շուրջ 20 աղբյուր ունեմ արդեն։ Լևոն Մելիք-Շահնազարյանի երկհատորյակն էլ ճանապարհին է։ 517design (քննարկում) 07:05, 14 Սեպտեմբերի 2020 (UTC)

Էլի լիքը անկատեգորիա հոդվածներ

Ժողովուրդ ջան, հետաքրքրված մասնակիցներին ուղղակի ուզում եմ տեղեկացնել, որ Մասնակից:ԱշոտՏՆՂ/ցանկեր/գրեթե անկատեգորիա հոդվածներ էջում սկսել եմ հավաքել նաև այն հոդվածները, որոնք ունեն միայն ծննդյան կամ մահվան ամսաթվի/վայրի վերաբերյալ կատեգորիա, ինչը շատ քիչ է անձանց համար։ Ցանկում այս պահին 1224 հոդված կա։ Իսկ լրիվ անկատեգորիա հոդվածները գտնվում են Առանց կատեգորիայի հոդվածներ կատեգորիայում, որտեղ այս պահին կա 3078 հոդված։ Սնկատեգորիա հոդվածների ցանկում շատ նեղ հայկական թեմաներ կան, եթե ուզում եք դրանք շրջանցել ու կատեգորիաները ավելացնել ըստ այլ լեզուների (օրինակ՝ catSuggest գործիքով), կարող եք օգտվել petscan:17319927 և petscan:17304649 ցանկերից (համապատասխանաբար «գրեթե անկատեգորիա հոդվածներ» ենթաէջի ու կատեգորիայի հոդվածների համար)։ --ԱշոտՏՆՂ (քննարկում) 00:40, 10 Սեպտեմբերի 2020 (UTC)

Շնորհակալություն Աշոտ ջան, փորձում եմ կամաց կամաց կատեգորիաներ ավելացնել, լավ կլիներ նաև մի տեղ հավաքել այն հոդվածները, որոնք ունեն միայն կարմիր կատեգորիաներ։--Սամվել^{քննարկում} 06:39, 10 Սեպտեմբերի 2020 (UTC)

Սամվել ջան, հավաքելու կարիք չկա, դրանք կան սպասարկող եջերում՝ Անհրաժեշտկատեգորիաները։ Այստեղից կարելի է աշխատել։--Բեքո^{Քննարկում} 06:55, 10 Սեպտեմբերի 2020 (UTC)

Քեզ էլ շնորհակալություն ավելացնելու համար, Սամվել ջան (:։ Իսկ եթե խոսքը հոդվածների մասին է, ոչ թե կատեգորիաների, ապա ցանկը կարելի է գտնել այստեղ (17484 հոդվածում գոնե մեկ կարմիր կատեգորիա կա)։ --ԱշոտՏՆՂ (քննարկում) 07:29, 10 Սեպտեմբերի 2020 (UTC)

---

Ապրող անձինք կատեգորիային էլ սկսեցի բանի տեղ չդնել։ Արդյունքում մի 600 հոդված էլ ավելացված ցանկում։ --ԱշոտՏՆՂ (քննարկում) 17:14, 14 Սեպտեմբերի 2020 (UTC)

Invitation to participate in the conversation

Ողջո՜ւյն. Apologies for cross-posting, and that you may not be reading this message in your native language: translations of the following announcement may be available on Meta. Please help translate to your language. Շնորհակալություն

We are excited to share a draft of the Universal Code of Conduct, which the Wikimedia Foundation Board of Trustees called for earlier this year, for your review and feedback. The discussion will be open until October 6, 2020.

The UCoC Drafting Committee wants to learn which parts of the draft would present challenges for you or your work. What is missing from this draft? What do you like, and what could be improved?

Please join the conversation and share this invitation with others who may be interested to join, too.

To reduce language barriers during the process, you are welcomed to translate this message and the Universal Code of Conduct/Draft review. You and your community may choose to provide your opinions/feedback using your local languages.

To learn more about the UCoC project, see the Universal Code of Conduct page, and the FAQ, on Meta.

Thanks in advance for your attention and contributions, The Trust and Safety team at Wikimedia Foundation, 17:55, 10 Սեպտեմբերի 2020 (UTC) 

Նոր քվեարկություն՝ «Իտալիայի վարչապետների ցանկ»

Հարգելի՛ վիքիհամայնք, «Իտալիայի վարչապետների ցանկ» հոդվածն առաջադրվել է քվեարկության որպես ընտրյալ ցանկ։ Խնդրում ենք և քվեարկել այստեղ։--Արշո (քննարկում) 07:48, 13 Սեպտեմբերի 2020 (UTC)

InternetArchiveBot

Հարգելի մասնակիցներ, տեղեկացնում եմ, որ InternetArchiveBot-ը արդեն աշխատում է Հայերեն Վիքիպեդիայում (ներդրումները կարող եք տեսնել Սպասարկող:Ներդրումները/InternetArchiveBot էջում)։ Եթե դուք ուզում եք այն աշխատեցնել կոնկրետ հոդվածի վրա, կարող եք օգտվել iabot գործիքից (նման խմբագրման օրինակ)։ Բոտի ամփոփումները կամ գործիքի ինտերֆեյսը կարելի է թարգմանել translatewiki-ում։ --ԱշոտՏՆՂ (քննարկում) 13:47, 14 Սեպտեմբերի 2020 (UTC)

Արցախյան պատերազմ VS Արցախյան հակամարտություն

Արցախյան հակամարտությանը նվիրված երկու հոդված կա՝ Ա․ Արցախյան հակամարտություն (92 327 բայթ) ու Բ․ Արցախյան ազատամարտ (107 708 բայթ): Երկուսն էլ բավական մանրամասն թեմային անդրադառնում են։ Ա հոդվածում շատ ներդրումներ կան, այդ թվում՝ Hayk.arabaget, ԱշոտՏՆՂ, Voskanyan, Բ․ հոդվածը գրեթե միանձյնա գրել է Hayk.arabaget-ը։

• Բ հոդվածը ներկայացնում է իրավիճակը սկսած 20-րդ դարի, սկզբից, Ա-ն՝ սկսած մ․թ․ա․ ժամանակահատվածից։
• Ըստ եության երկուսն էլ բավական թերի են, չնայած ահագին աշխատանք է արված։
• Կա նաև հարակից Արցախյան պատերազմի ժամանակագրություն հոդված, որը ավելի թերի է, քանի Ա հոդվածում նշված ժամանակագրությունը։
• Գոյություն ունի նաև Կաղապար:Արցախյան_հակամարտություն, որտեղ հղումներ կան դեպի ավելի մանրամասն պատերազմի առանձին իրդարձությունները առ այսօր։
• Երկու հոդվածները ըստ էության կրկնում եմ իրար։ Արցախի պատերազմին վերաբերվող որևէ փոփոխություն չգիտես, թե որ մեկում ներառես։

Առաջարկ՝

• Ստեղծել Արցախյան պատերազմ (1991-1994) հոդված այս երկուսի հիման վրա ու հետագայում այս երկուսը ջնջել՝ մանրամասնելով թեման։
• Հետագայում ջնջել Արցախյան ազատամարտ հոդվածը, իսկ Արցախյան հակամարտություն հոդվածը կրճատել, ներառելով հակամարտության բոլոր դրվագները լակոնիկ՝ հղումներով դեպի հիմնական հոդվածներ։ Այս մեկը կուղղորդի ընթերցողներին, ովքեր գլուխ չեն հանի գոյություն ունեցող կաղապարից։

Կունենանք Արցախյան պատերազմ (1991-1994) էջ՝ Հայ-ադրբեջանական պատերազմ (1918-1920) բավական հաջող օրինակով, ու կլուծենք երկու նույնաբովանդական էջերի հարցը։ 517design (քննարկում) 14:01, 18 Սեպտեմբերի 2020 (UTC)

517design ջան, ես պատմությունից մեղմ ասած բան չեմ հասկանում ու գուցե և սխալվում եմ, բայց քանի որ նշել ես ինձ, գրեմ իմ կարծիքը։ Համաձայն եմ Արցախյան հակամարտություն հոդվածը կրճատելուն։ Բացի սրանից դու փաստացի առաջարկում ես «Արցախյան ազատամարտ» հոդվածը անվանափոխել «Արցախյան պատերազմ (1991-1994)», ինչը հավանաբար իմաստ չունի, քանի որ «Արցախյան ազատամարտ (այլ թվականներ)» հոդված չունենք ու մենք «Արցախյան ազատամարտ» ասելով հասկանում ենք հենց 1988-1994 թվականների դեպքերը։ Անվանափոխելը մի կողմ, բնականաբար համաձայն եմ պատերազմի մասին հիմնական նյութը «Արցախյան ազատամարտ» հոդվածում գրելուն, իսկ «Արցախյան հակամարտություն» հոդվածում գրել բավական համառոտ ու {{հիմնական հոդված}} կաղապարով հղում տալ «Արցախյան ազատամարտ» հոդվածին։ Ու քանի հավաքվել ենք, ասեմ, որ նույն խնդիր կա նաև Հայաստան հոդվածում․ Հայաստանի աշխարհագրություն հոդվածը 9420 բայթ է, բայց Հայաստանի հոդվածի աշխարհագրությունը 55 191 բայթ է, իսկ պատմություն բաժինը՝ 87 487 բայթ ու այդպես բաժիններից շատերը չափից դուրս մեծ են։--ԱշոտՏՆՂ (քննարկում) 17:09, 18 Սեպտեմբերի 2020 (UTC)

ԱշոտՏՆՂ ջան, իրոք խնդիր է։ Երևան հոդվածում պատմությունը ավելի երկար է, քան Երևանի պատմություն հոդվածում, չնայած ես էլ եմ մի քիչ մեղավոր սրանում։ Պետք է խմբագրել միանշանակ։ Ներքում էլ Գարդմանահայը գրել է, որ երկուսը փաստորեն տարբեր հոդվածներ են, մեկը մեկի մաս է կազմում, բայց տրամաբանությունը խառն է։ Եթե չիմանաս որը ինչ են նկատի ունեցել ժամանակ, գլուխ չես հանի։ Էսօրվա օրով գրեթե նույն բովանդակությունն ունեն։ 1991-1994 կամ 1988-1994 թվականներով էլ կարծում եմ պետք է տարանջատենք հայ-ադրբեջանական պատրեազմից 1918-1920 թվականների ու 1905 թվականի բախումներից, որոնք չնայած պատերազմ չէին, բայց առաջին լուրջ արյունը թափեցին ու մի քանի ամիս տևեցին։ Մտածել է պետք։ 517design (քննարկում) 19:01, 20 Սեպտեմբերի 2020 (UTC)

Արցախյան հակամարտությունը այլ բան է, իսկ Արցախյան ազատամարտը այլ, կամ եթե այլ կերպ ասեմ, ապա Արցախյան ազատամարտը Արցախյան հակամարտության մի մասն է։ Նախկինում քննարկումներ են եղել և որոշվել է Արցախյան պատերազմը վերանվանել Արցախյան ազատամարտի (հին քննարկումները գտնելուց ես լավ չեմ, հղումը չեմ դնի այստեղ)։ Համենայն դեպս ես այդպես եմ հիշում։--Գարդմանահայ (քննարկում) 07:41, 20 Սեպտեմբերի 2020 (UTC)

Նախկին քննարկումները ճիշտն ասած ես էլ գտնել չեմ կարող, բայց հիմա կոնկրետ խնդիր կա, քանի որ փաստացի երկու հոդվածները գրեթե կրկնում եմ իրար։ Ավելին, եթե մարդը չգիտի ինչ ենք նկատի ունեցել ամեն եզրույթը կիրառելուց, չի իմանա որը լրացնի, եթե ցանկանա նոր նյութ ավելացնի օրինակ։ Մեկ այլ նկատառում․ ազատամարտը փոքր ինչ գեղարվեստական եզրույթ է, մինչ պատերազմը՝ պրագմատիկ ու հանրագիտարանային։ Ավելի ճիշտ չի՞ լինի, որ լինի մեկ գլոբալ Արցախյան հակամարտություն, որի մեջ կարճ գրված կլինի նախապատմությունը, թե երբ են հայերը ստեղծել Արցախ աշխարհը Արտաշեսյանների օրոք կամ ավելի վաղ, հետո թուրքական բնակչության աճը, տարբեր թվականների դեմոգրաֆիական փոփոխությունները, Լենքթեմուրի բնակեցումը, պարսկա-թուրքական պատերազմների օրոք բնակչության միջև հակասությունները, ինչքան հնարավոր է մեկ հոդվածում, հետո վերջին փուլերը կարճ ու հղումներով դեպի հիմնական հոդվածներ՝

• Հայ-թաթարական ընդհարումներ (1905-1906, Արցախ) (թեմայի այլ հոդվածների օրինակով՝ [Կատեգորիա:Հայ-թաթարական ընդհարումներ 1905-1907]),
• Հայ-ադրբեջանական պատերազմ (1918-1920)
• ու բուն Արցախյան պատերազմ (1991-1994), որի մեջ կլինի նախապատմությունը 1988-ից սկսած
• հետո էլ հետագա բոլոր բախումների մասին հոդվածները առ այսօր։

1991-1994 պատերազմի մեջ էլ կլինեն պատերազմին վերաբերվող բոլոր դրվագները մանրամասնությամբ։ Ի դեպ Կաղապար:Արցախյան հակամարտություն մեջ վերնագիրը գրված է Արցախյան ազատամարտ: 517design (քննարկում) 19:01, 20 Սեպտեմբերի 2020 (UTC)

Նոր գնահատում՝ «Կենտավրոսի ալֆա»

Հարգելի՛ վիքիհամայնք, «Կենտավրոսի ալֆա» հոդվածը ներկայացվել է գնահատման: Խնդրում ենք հայտնել ձեր կարծիքը գնահատման ենթաէջում--Avagyanasya (քննարկում) 06:26, 21 Սեպտեմբերի 2020 (UTC)

պակասող կատեգորիաներ/դատայից

Ողջույն, խմբագիրներ ջան։ «Շատ օգտագործվող չթարգմանված տարրեր» տխուր ցանկից առանձնացրել եմ կատեգորիաները (պակասող կատեգորիաներ/դատայից)։ Եթե այս կատեգորիաները ստեղծենք ու կապենք դատայի հետ, Վիքիդատայի հաշվին հոդվածներում կավելանան ստեղծված կատեգորիաները (օրինակ՝ Կատեգորիա:Փենսիլվանիայում ծնվածներ)։ Կատեգորիա ստեղծելու հավես ունենալու դեպքում կարող եք օգտվել այս ցանկից :)։ Շնորհակալություն։ --ԱշոտՏՆՂ (քննարկում) 16:55, 26 Սեպտեմբերի 2020 (UTC)

Պատերազմ

Հարգելի համայնք, քանի որ մեր երկրում պատերազմական գործողություններ են, Վիքիպեդիայում վանդանալությունների աճ, հատկապես ադրբեջանական այփիներից։ Հասկանում եմ, որ Վիքիպեդիան չեզոք տիրույթ է, սակայն բոլորս էլ հայ ենք և ունենք (չենք կարող չունենալ) հայրենասիրական մղումներ։ Խնդրում եմ բոլոր ադմիններին լինել առավելագույնս զգոն, անմիջապես հետ շրջել վանդալների գործողությունները և արգելափակել վանդալներին։ Գլխավոր էջում առաջարկում եմ տեղադրել հայրենասիրական բնույթի հոդվածներ։--Սամվել^{քննարկում} 06:11, 29 Սեպտեմբերի 2020 (UTC)

Wiki of functions naming contest

Please help translate to your language.

Ողջո՜ւյն. Please help pick a name for the new Wikimedia wiki project. This project will be a wiki where the community can work together on a library of functions. The community can create new functions, read about them, discuss them, and share them. Some of these functions will be used to help create language-independent Wikipedia articles that can be displayed in any language, as part of the Abstract Wikipedia project. But functions will also be usable in many other situations.

There will be two rounds of voting, each followed by legal review of candidates, with voting beginning on 29 September and 27 October. Our goal is to have a final project name selected on 8 December. If you would like to participate, then please learn more and vote now at meta-wiki. Շնորհակալություն --Quiddity (WMF)

21:20, 29 Սեպտեմբերի 2020 (UTC)

Տարվա հոդվածի թեկնածուների առաջադրում

Սկսվել է Հայերեն Վիքիպեդիայի 2020 թվականի «Տարվա հոդվածի» թեկնածուների առաջադրումը:
Առաջադրման էջում մինչև հոկտեմբերի 31-ը` ժամը 00:00-ն ներառյալ, ներկայացրե՛ք Ձեր հոդվածը՝ լրացնելով համապատասխան ձևը:

Առաջադրի՛ր քո հոդվածը