Մահմուդ II-ի դամբարան

Դամբարան

Մահմուդ II-ի դամբարան II. Mahmut Türbesi, Sultan Iı. Mahmut Türbesi
Երկիր	Թուրքիա
Էմինյոնյու, Ստամբուլ	Eminönü, Türbedar Sk, 18-26, 34120 Mollafenari, Турция
Շինության տեսակ	ամպիր
Նախագծի հեղինակ	Պողոս և Հովհաննես Դադյաններ
Հիմնական թվականներ՝	1839

Մահմուդ II-ի դամբարան (թուրքերեն՝ II. Mahmud Türbesi), Ստամբուլի տեսարժան վայրերից մեկը։ Այն օսմանյան վերջին սուլթանների ընտանեկան դամբարանն է։ Դամբարանի մոտ է գտնվում օսմանյան հայտնի քաղաքական գործիչների և գրողների գերեզմանատունը։

Ճարտարապետություն

Դամբարանի ներքին տեսքը

Ութանկյուն կառուցվածք ունեցող դամբարանը կառուցված է ամպիրի ոճով՝ սպիտակ մարմարից։ Գմբեթը զարդարված է լորենու ծաղիկներով։ Կառույցի ներսում՝ մարմարե քարատախտակի վրա է գտնվում գեղանկարիչ Մեհմեդ Հաշիմի պատկերը։ Ճենապակե ջահը, որը կախված է դամբարանի գմբեթից, նվիրել է թագուհի Վիկտորիան։ Ոսկեպատ ժամացույցը դամբարանին է նվիրել կայսր Նապոլեոն III-ը։

Պատմություն

Դամբարանը կառուցվել է սուլթան Աբդուլ Մեջիդ-ը հրամանով՝ իր հոր Մահմուդ II-ի աճյունը թաղելու համար։ Ճարտարապետները եղել են հայազգի Պողոս և Հովհաննես Դադյանները։ Կառուցումը ավարտվել է 1840 թվականին։

Ավելի ուշ դամբարանում են թաղվել նաև Աբդուլ Ազիզ և Աբդուլ Համիդ II սուլթանների աճյունները, ովքեր, համապատասխանաբար, Մահմուդ II-ի որդին և թոռն էին։

Մինչ 1920 թվականը, դամբարանին կից գտնվող գերեզմանատանը թաղվել են անվանի քաղաքական գործիչներ և գրողներ, ինչի շնորհիվ դամբարանի տարածքը մարդաշատ է ողջ տարին։

2009 թվականին դամբարանի կողքին թաղվել է Օսման Էրթողրուլը՝ օսմանյան գահի ժառանգորդներից մեկը։

Հայտնի անձինք, ովքեր թաղված են դամբարանում

• Մահմուդ II
• Բեզմիալեմ սուլթան
• Աբդուլ Ազիզ
• Աբդուլ Համիդ II
• Յուսուֆ Իզզեդին էֆենդի

Հայտնի անձինք, ովքեր թաղված են գերեզմանատանը

Գերեզմանատունը

• Բեդրեդին Սիմավի
• Զիա Գյոքալփ
• Հալիլ Ռըֆաթ փաշա
• Սայիդ Հալիմ փաշա
• Օմեր Ֆարուկ Օսմանօղլու
• Էրթողրուլ Օսման

Ծանոթագրություններ

Վիքիպահեստն ունի նյութեր, որոնք վերաբերում են «Մահմուդ II-ի դամբարան» հոդվածին։