Վիքիպեդիա:Սևագիր

Ստորև առաջարկը նախատեսված է ընդգրկել Վիքիպեդիայի կանոնակարգի, ուղեցույցի կամ գործընթացների շարքում։ Առաջարկը կարող է դեռ զարգացման, քննարկման կամ համաձայնեցման փուլում գտնվել։ Այն դեռ չի համարվում Վիքիպեդիայի պաշտոնական կանոնակարգ։ Բոլոր մասնակիցները հրավիրվում են այս առաջարկը ուսումնասիրելու, վերլուծելու և իրենց կարծիքները, լրացումները և առաջարկները քննարկման էջում հայտնելու։

Սևագիր, Վիքիպեդիայի ադմինիստրատիվ էջեր «Սևագիր» անվանատարածքում, որտեղ նոր հոդվածները ստեղծվում և զարգացվում են սահմանափակ ժամանակի ընթացքում։ Այս էջերը օգնում են, որպեսզի նոր հոդվածները զարգացվեն և խորհուրդների միջոցով բարելավվեն նախքան Վիքիպեդիայի հիմնական տարածք տեղափոխվելը։ Գրանցված մասնակիցները կարող են հոդված ստեղծել առանց Սևագիր ստեղծելու։ Մասնակիցները կարող են Սևագիր ստեղծել իրենց ավազարկղում կամ միանգամից հիմնական անվանատարածքում։

Ինչպես են Սևագրերը աշխատում

Գտնել Սևագրերը

Որոնողական համակարգերի մեծ մասը (այդ թվում Գուգլը) չեն ինդեքսավորում Սևագրերը, ինչը նշանակում է, որ ընթերցողների մեծ մասը չեն գտնի դրանք։ Վիքիպեդիայի որոնման միջոցով ցանկացած մասնակից կարող է գտնել և խմբագրել ցանկացած Սևագիր (անհրաժեշտ է «Ընդլայնված» որոնում դաշտում նշել «Սևագիր» անվանատարածքը, օրինակ՝ [1])։ Բոլոր սևագրերը կարելի է գտնել Special:AllPages կամ Special:PrefixIndex սպասարկող էջերում։ Դուք նաև կարող եք դիտել այս անվանատարածքի վերջին փոփոխությունները, նոր էջերը կամ տեսնել պատահական սևագիր։

Սևագրերի ստեղծում

Ցանկացած մասնակից, այդ թվում չգրանցված մասնակիցները, կարող են ստեղծել և խմբագրել Սևագիր էջեր։ Յուրաքանչյուր սևագիր ունի կից քննարկման էջ։ ՎիզուալԽմբագրիչ ակտիվացրած մասնակիցները կարող են խմբագրել սևագիր էջերը այնպես, ինչպես սովորական հոդվածները։ «Սևագիր» անվանատարածքի էջերը հիմնական անվանատարածք կարող են տեղափոխել ավտովավերացված մասնակիցները։ Տեխնիկական խնդիրների դեպքում կարող են դիմել Ադմինիստրատորների տեղեկատախտակ:

Ստեղծել նոր սևագիր

Սևագրի պատրաստում

• (Պարտադիր չէ) սևագրի վերևում ավելացրեք {{Սևագիր հոդված}} կաղապարը:
• Սևագրերում չի թույլատրվում տեղադրել կատեգորիաներ։ Կատեգորիաները սևագրից հանելու համար անհրաժեշտ է կատեգորիայի սկզբում ավելացնել «:» նշանը, օրինակ՝ [[Կատեգորիա:Ղրիմահայ մաթեմատիկոսներ]-ի փոխարեն [[:Կատեգորիա:Ղրիմահայ մաթեմատիկոսներ]]:
• Սևագրերում չի թույլատրվում տեղադրել ոչ ազատ պատկերներ։ Խնդրում ենք ոչ ազատ պատկերները Վիքիպեդիա բեռնել հոդվածը հիմնական անվանատարածքում ստեղծելուց հետո։

Սևագրի հիմնական տարածք տեղափոխում

Սևագիրը հիմնական անվանատարածք կարելի է տեղափոխել, եթե՝

• բավարարում է նվազագույն հոդվածի պահանջներին,
• կառուցված է հոդվածների ձևավորման ոճական ուղեցույցին համապատասխան:

Չգրանցված և չավտովավերացված մասնակիցները կարող են սևագրի քննարկման էջում տեղադրել {{Սևագրի հրապարակում}} կաղապարը, որից հետո Վիքիպեդիայի ակտիվ մասնակիցները կստուգեն և կտեղափոխեն հոդվածը։

Հոդվածների սևագիր տեղափոխում

1. Հոդվածը տեղափոխել կարելի է, եթե սխալները էական են, համակարգային, և/կամ երբ ավելի արագ է տեղափոխելը, քանի բազմաթիվ սխալները վերացնելը:  Կարևոր է՝ պետք է խուսափել «թեթև» սխալների համար հոդվածը տեղափոխելուց: Ընդ որում՝ տեղափոխողը պետք է պատրաստ լինի ցուցել որոշակի սխալներ, որպեսզի հոդվածագիրն իմանա՝ ինչ ուղղությամբ գնա: Տեղափոխելուց հետո քայլերը ըստ կանոնակարգի:
2. Հոդվածը կարող են տեղափոխել բոլոր մասնակիցները, որովհետև դա ադմինական գործիք չէ: Ադմինները հոդվածը սևագիր տեղափոխում են առանց վերահղում թողնելու, իսկ մասնակիցները վերահղումը պիտակում են {{արագ}} կաղապարով:

Ջնջում

Սևագրերը ենթակա են արագ ջնջման, եթե պարունակում են հեղինակային իրավունքի խախտումներ, վանդալիզմ, ապրող անձանց կենսագրության կանոնակարգը խախտող նյութեր, փորձեր են կամ ստեղծվել են գովազդային նպատակով։ Սևագիրը ենթակա է արագ ջնջման, եթե վերջին վեց ամիսների ընթացքում խմբագրում չի արվել սևագրում։

Սևագրից հոդվածին վերահղում

Վերահղում մնացած սևագրերը պարբերար հեռացվելու են Վիքիպեդիայից: