«Դեռահասների սպանություն Կանդելարիա եկեղեցու մոտ»–ի խմբագրումների տարբերություն
հեռացվել է Կատեգորիա:Բրազիլիայի պատմություն ՀոթՔաթ գործիքով |
ավելացվեց Կատեգորիա:Սպանություններ Բրազիլիայում ՀոթՔաթ գործիքով |
||
| Տող 38. | Տող 38. | ||
[[Կատեգորիա:Մարդու իրավունքների խախտումը իրավապահ մարմինների կողմից]] |
[[Կատեգորիա:Մարդու իրավունքների խախտումը իրավապահ մարմինների կողմից]] |
||
[[Կատեգորիա:Սպանություններ Բրազիլիայում]] |
|||
20:34, 8 Հուլիսի 2020-ի տարբերակ
Դեռահասների սպանություն Կանդելարիա եկեղեցու մոտ, 1993 թվականի հուլիսի 23-ի լուսադեմին Ռիո դե Ժանեյրոյի կենտրոնում կատարված հանցագործությունը[1]։
Կոտորած
Ռիո դե Ժանեյրոյի կենտրոնում է գտնվում քաղաքի հայտնի տեսարժան վայրերից մեկը՝ Կանդելարիա եկեղեցին։ Եկեղեցին հայտնի է նաև նրանով, որ աջակցություն է ցուցաբերում անօթևաններին։ Նրանցից ոմանք ապրում են եկեղեցու կողքին, և քանի որ անօթևան դեռահասների շրջանում հանցավորության մակարդակը բավականին բարձր է, եկեղեցու մոտ մշտապես հերթապահում է ոստիկանությունը։
1993 թվականի հուլիսի 23-ի գիշերը Կանդելարիա եկեղեցու մոտ կանգնեցվեց մի քանի ավտոմեքենա, որոնցից դուրս եկան մարդիկ և կրակ բացեցին եկեղեցու մոտ քնած ավելի քան յոթանասուն դեռահասների վրա։ Հրաձգության հետևանքով 8 մարդ է զոհվել[2]։
Ողջ մնացած դեռահասների խոսքով՝ ոստիկանությունը հարձակվել է նրանց վրա այն պատճառով, որ սպանությանը նախորդած օրվա ընթացքում նրանցից ոմանք քարեր են նետել ոստիկանների վրա։ Միջադեպի հետևանքով դեռահասներին սպանելու մեղադրանք է առաջադրվել 4 ոստիկանի, որոնցից 2-ը դատապարտվել են։ Հետաքննության ընթացքում մեղադրյալները մահափորձ են կազմակերպել մեղադրանքի հիմնական վկաներից մեկի դեմ, որից հետո նա ստիպված է եղել թաքնվել և լքել Բրազիլիան՝ վախենալով իր կյանքի համար։
Հանցագործությունը մեծ արձագանք է գտել ոչ միայն Բրազիլիայում, այլև ամբողջ աշխարհում. շատ երկրներ Բրազիլիայի պաշտոնական իշխանություններին կոչ են արել հնարավորինս մանրակրկիտ հետաքննություն անցկացնել և պատժել դեռահասների զանգվածային սպանության բոլոր մեղավորներին:
Շուրջ 62 անօթևաններ վերապրել են կոտորած, հետագայում նրանց ճակատագրին հետևող սոցիալական աշխատողների կողմից պարզվել է, որ նրանցից 39-ը հետագայում զոհվել են փողոցում բռնության հետևանքով, շատերը սպանվել են ոստիկանության կողմից։
Զոհվածի ցուցակ
- Պաուլու Ռոբերտ դի Օլիվեյրա, 11 տարեկան
- Անդերսոն Պերեյրա դի Օլիվեյրա, 13 տարեկան
- Մարսելու Կանդիդա դի Ժեզուս, 14 տարեկան
- Վալդեվին Միգել դի Ալմեյդան, 14 տարեկան
- «Գամբազինո», 17 տարեկան
- Լեանդրու Սանտոս դա Կոնսեյսան, 17 տարեկան
- Պաուլու Ժոզե դա Սիլվա, 18 տարեկան
- Մարկուս Անտոնիու Ալվես դա Սիլվա, 20 տարեկան
Հիշողություն
Եկեղեցու մոտ զոհվածների հիշատակին խաչ է տեղադրվել, որի առջև բետոնե պատվանդանի վրա նշված են զոհված բոլոր դեռահասների անունները:
Մշակույթում
Այս հանցագործությունը արտացոլվել է բրազիլացի ռեժիսորների կողմից նկարահանված որոշ ֆիլմերում. նրանց թվում է Սանդրո Բարբոս Նասիմենտի ճակատագրի մասին «174-րդ համարի վերջին կանգառը» ֆիլմը, որը 1993-ին վերապրել է կոտորածը, իսկ 2000-ին պատանդ է վերցրել 174 երթուղու ավտոբուսում:
Արտաքին հղումներ
- CNN.com о суде над виновниками(անգլ.)
- New York Times о преступлении(անգլ.)
- Статья на португальском(պորտ.)
Ծանոթագրություններ
- ↑ «IL MASSACRO DI CANDELÁRIA: UNDICI ANNI DOPO». www.sagarana.net. Վերցված է 2020-02-10-ին.
- ↑ «STRAGE DI BAMBINI A RIO DE JANEIRO - la Repubblica.it» (իտալերեն). Archivio - la Repubblica.it. Վերցված է 2020-02-10-ին.