Գաճաճ փոքրաչղջիկ

Գաճաճ փոքրաչղջիկ
Գիտական դասակարգում
Թագավորություն Կենդանիներ Տիպ Քորդավորներ Դաս Կաթնասուններ Կարգ Ձեռնաթևավորներ Ընտանիք Հարթաքիթ չղջիկներ Ցեղ Փոքրաչղջիկներ Տեսակ Գաճաճ փոքրաչղջիկ
Լատիներեն անվանում
Pipistrellus pygmaeus Leach, 1825
Հատուկ պահպանություն
Քիչ մտահոգող տեսակ IUCN 3.1 Least Concern : ???
Արեալ
Դասակարգումը Վիքիցեղերում Պատկերներ Վիքիպահեստում NCBI 246814

Գաճաճ փոքրաչղջիկ (լատին․՝ Pipistrellus pygmaeus), չղջիկների ենթակարգի հարթաքիթ չղջիկների ընտանիքի կաթնասուն կենդանի։ ՀՀ ֆաունայում, որպես ինքնուրույն տեսակ, նկարագրվել է 2002 թ. -ին։ Նախկինում համարվել են փոքրաչղջիկների ցեղի երիտասարդ առանձնյակներ։ Հանդիպում է բոլոր բնական և մարդածին տարածքներում։ Փոքրաչղջիկներից ամենափոքրն է։

Արտաքին կառուցվածք

Մարմնի երկարությունը 30 մմ է, պոչինը և նախաբազկինը՝ մոտ 23 մմ։ Գունավորումը մուգ շագանակագույն է կամ սև։ Ակտիվ է վաղ մթնշաղին և լուսադեմին։ Լուսավոր ժամերին թաքնվում է ապաստարաններում՝ փչակներում, ծառերի կեղևի տակ, ժայռաճեղքերում, տանիքների տակ, նկուղներում և այլն։

Բազմացում և զարգացում

Բազմանում է հունիսի կեսերին, ծնում է 2 (հազվադեպ՝ 1) ձագ, որը 10-12 օր կառչում է մոր կրծքին և չի լքում ծնողին թռիչքի (որսի) ժամանակ։

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։