Հովհաննես Այվազյան

Հովհաննես Մնացականի Այվազյան (ծ. 1947, նոյեմբերի 7) — հայ քիմիկոս, հրատարակիչ, խմբագիր, քիմիական գիտությունների դոկտոր (1998), Ֆրիտյոֆ Նանսեն միջազգային հիմնադրամի ոսկե մեդալակիր (2002)։

Ծնվել է Փոքր Խանչալի (այժմ` Վրաստանի Նինոծմինդայի մունիցիպալիտետում)։ Ավարտել է Երևանի պոլիտեխնիկական ինստիտուտի քիմիա-տեխնոլոգիական ֆակուլտետը (1971)։ 1972-74-ին աշխատել է ՀԽՍՀ ԳԱ Գորիսի ֆիզ-տեխնիկական կենտրոնում, 1974-79-ին` Փորձարարական կենսաբանության ինստիտուտում, 1979-99-ին` Հայկական հանրագիտարանի գլխավոր խմբագրի տեղակալ, 1999-ից` «հայկական հանրագիտարան. հրատարակչության» գլխավոր խմբագիր-տնօրեն։

Աշխատանքները վերաբերում են հայկական քիմիական անվանակարգության խնդիրներին, հայ ազգային-ազատագրական պայքարին` Առաջին համաշխարհային և Արցախյան պատերազմի տարիներին։

«Ջավախք» հայրենակցական բարեգործական միության (1994-ից), այդ միության «Ասպնջակ» պաշտոնական թերթի խմբագրական խորհրդի (2001-ից) նախագահ։

Երկեր

• Հայկական քիմիական անվանակարգության բարեփոխման հիմնախնդիրները, Երևան, 1998 (համահեղինակ)։
• Հաղթանակած բանակի գեներալը, Երևան, 2001։
• Զորավար Անդրանիկ և Հովհաննես Թումանյան, Երևան, 2004։
• Աշխարհի յոթ հրաշալիքներ և... Հայաստան, Երևան, 2005։

== Աղբյուրներ ==