Սիդերիկ պարբերություն

Սիդերիկ պտույտի պարբերություն (լատին․՝ sidus, աստղ բառից), ժամանակահատված, որի ընթացքում որևէ երկնային մարմին-արբանյակ կատարում է մեկ ամբողջական պտույտ հիմնական մարմնի շուրջ աստղերի հարաբերությամբ: «Սիդերիկ պտույտի պարբերություն» հասկացությունը օգտագործվում է Երկրի շուրջ պտտվող մարմինների համար՝ Լուսին (սիդերիկ ամիս) և արհեստական արբանյակներ, ինչպես նաև Արեգակի շուրջ պտտվող մարմինների համար՝ մոլորակներ, գիսաստղեր, և այլն:

Սիդերիկ պարբերությունը անվանում են նաև տարի: Օրինակ՝ Հրատային տարի, Նեպտունյան տարի և այլն: Այս պարագայում պետք չե մոռանալ, որ «տարի» անվան տակ կարող են լինել մի քանի հասկացություններ: Այսպես, պետք չէ շփոթլ սիդերիկ տարին (Երկրի մեկ պտույտի ժամանակահատվածը Արեգակի շուրջ) և արևադարձային տարին (այն ժամանակահատվածը, երբ տեղի է ունենում տարվա եղանակների ամբողջական փոփոխություն), որոնք իրարից տարբերվում են մոտ 20 րոպեով (այս տարբերությունը պայմանավորված է Երկրի առանցքի պերցեսիայով):

Արեգակնային համակարգի մոլորակների սիդերիկ պարբերությունները

Աղուսյակում ներառվել են նաև Լուսնի, աստերոիդների գոտու մարմինների, գաճաճ մոլորակների և Սեդնայի տվյալները:

Մոլորակ	Սիդերիկ պարբերությունը
Փայլածու	87,97 օր
Արուսյակ	224,7 օր
Երկիր	1 տարի կամ 365,2564 օր
Լուսին (Երկրի շուրջ)	27,322 օր
Հրատ	1,88 տարի
Աստերոիդներ (միջինում)	4,6 տարի
Լուսնթագ	11,86 տարի
Երևակ	29,46 տարի
Ուրան	84,02 տարի
Նեպտուն	164,78 տարի
Պլուտոն	248,09 տարի
Հոմեա	285 տարի
Մակեմակե	309,88 տարի
Էրիս	557 տարի
Սեդնա	12.059 տարի

Տես նաև

• Պտույտի պարբերություն
• Սինոդիկ պարբերություն