«Հերմայոնի Գրեյնջեր»–ի խմբագրումների տարբերություն
| Տող 26. | Տող 26. | ||
== Ընդհանուր նկարագրում == |
== Ընդհանուր նկարագրում == |
||
Հերմիոնան ունի շագանակագույն աչքեր և մազեր։ Տեսքը [[Հարրի Փոթերը և Փիլիսոփայական քարը|«Հարրի Փոթերը և |
Հերմիոնան ունի շագանակագույն աչքեր և մազեր։ Տեսքը [[Հարրի Փոթերը և Փիլիսոփայական քարը|«Հարրի Փոթերը և Փիլիսոփայական քարը»]] գրքում նկարագրված է այսպես. «աղջիկ հաստ շագանակագույն մազերով... նրա առջևի ատամները քիչ երկար էին»։ Ունի կատու, որին գնել է ծննդյան օրը ծնողներից ստացած գումարով։ |
||
Հերմիոնան շատ է սիրում սովորել և ուսմանը հատկացնում է շատ ժամանակ։ Երբեմն շատ բարձր կարծիքի է իր մասին և հպարտանում է ուսման մեջ հաջողություններով։ Դասերի ընթացքում միշտ փորձում է պատասխանել առաջինը և կիսվել գիտելիքներով։ Շատերը նրան համարում են ամենագետ։ |
Հերմիոնան շատ է սիրում սովորել և ուսմանը հատկացնում է շատ ժամանակ։ Երբեմն շատ բարձր կարծիքի է իր մասին և հպարտանում է ուսման մեջ հաջողություններով։ Դասերի ընթացքում միշտ փորձում է պատասխանել առաջինը և կիսվել գիտելիքներով։ Շատերը նրան համարում են ամենագետ։ |
||
16:40, 13 հունվարի 2020-ի տարբերակ
| Հարրի Փոթերի աշխարհի կերպար | |
|---|---|
| Պատկեր:2184.jpg | |
| Հերմիոնա Գրեյնջեր | |
| Սեռ | իգական |
| Մազերի գույն | շագանակագույն |
| Ֆակուլտետ | Գրիֆինդոր |
| Արյունի մաքրություն | Մագլածին |
| Կողմ | Փյունիկյան միաբանություն, Դամբլդորի ջոկատ |
| Պատրոնուս | ջրասամույր |
| Առաջին հայտնվելը | «Փիլիսոփայական քար» |
| Դեր ֆիլմերում | Էմմա Ուոթսոն |
Հերմիոնա Ջին Գրեյնջեր (անգլ.՝ Hermióne Jéan Gránger[1], ծն. 1979 սեպտեմբեր 19[2]), գրքում՝ Հերմայոնի Գրեյնջեր, Հարրի Փոթեր վիպաշարի գլխավոր հերոսուհիներից մեկն է, Հարրի Փոթերի ընկերուհին, Ռոն Ուիզլիի ապագա կինը։
Տասնմեկ տարեկանում աղջիկը պարզեց, որ կախարդուհի է ու գրանցված է Հոգվարթսում։ Դպրոցում Տեսակավորող գլխարկը ուղարկում է նրան Գրիֆֆինդոր ֆակուլտետ, որտեղ սովորում էին նաև Հարրի Փոթերը և Ռոն Ուիզլին՝ նրա ամենալավ ընկերները։
Կախարդական փայտիկ
Հերմիոնայի փայտիկը խաղողի վազից է, միջուկը՝ վիշապաջիլ, 12 դյույմ, 24 գրամ։ Այս փայտիկը ծառայել է Հերմիոնային մինչև 1998 թվականի մարտի վերջը։ Երբ Հերմիոնան, Հարրին և Ռոնը հայտնվում են Մալֆոյների տանը, Բելլատրիսա Լետրեյնջը նրանց իրերի նեջ նկատում է Գրիֆֆինդորի սուրը և սկսում է տանջել Հերմիոնային, փորձելով պարզել, թե ինչպես է սուրը նրանց մոտ հայտնվել։ Այդ ժամանակ նա տղաներին ուղարկում է նկուղ։ Նրանց հաջողվում է դուրս գալ այդտեղից և խլել Բելլատրիսա Լեստրեյնջի և Դրակո Մալֆոյի փայտիկները։ Հերմիոնան վերցնում է Բելլատրիսայի փայտիկը, քանի որ իր փայտիկը կոտրել էին։ Երկրորդ կախարդական պատերազմից հետո Հերմիոնան վերցնում է ուրիշ փայտիկ, որի մասին գրքում ոչինչ չի ասվում։
Ընդհանուր նկարագրում
Հերմիոնան ունի շագանակագույն աչքեր և մազեր։ Տեսքը «Հարրի Փոթերը և Փիլիսոփայական քարը» գրքում նկարագրված է այսպես. «աղջիկ հաստ շագանակագույն մազերով... նրա առջևի ատամները քիչ երկար էին»։ Ունի կատու, որին գնել է ծննդյան օրը ծնողներից ստացած գումարով։
Հերմիոնան շատ է սիրում սովորել և ուսմանը հատկացնում է շատ ժամանակ։ Երբեմն շատ բարձր կարծիքի է իր մասին և հպարտանում է ուսման մեջ հաջողություններով։ Դասերի ընթացքում միշտ փորձում է պատասխանել առաջինը և կիսվել գիտելիքներով։ Շատերը նրան համարում են ամենագետ։
Առաջին տպավորությունը նրա մասին սխալ է. ճիշտ է, ուսումը նրա համար շատ բան է նշանակում, բայց նա ունի ավելի կարևոր հատկություններ։
Հերմիոնան ուսման մեջ շատ է օգնում Հարրիին և Ռոնին և նույնիսկ թույլ է տալիս արտագրել տնային հանձնարարությունները։ Նրանք հաճախ են խոստովանում, որ առանց Հերմիոնայի շատ դժվար կլիներ սովորելը, և նրա օգնությունը շատ կարևոր է նրանց համար։
«Հարրի Փոթերը և փյունիկյան միաբանությունը» գրքում Հերմիոնան խոստովանում է, որ Տեսակավորող գլխարկը առաջարկել է նրան ընտրել Ռավենքլո ֆակուլտետը, որտեղ սովորում են ամենախելացիները։
Հերմիոնան խիզախ և խելացի աղջիկ է, ով միշտ պատրաստ է օգնության հասնել ընկերներին։ Հերմիոնայի ծմողները մագլեր են, և Հարմոնիան մագլածնունդ կախարդուհի է։
Կենսագրություն
Վաղ կյանք (1979-1991)
Հերմիոնան ծնվել է պարոն և տիկին Գրեյնջերների ընտանիքում 1979 թվականի սեպտեմբերի 19-ին: Նա ընտանիքի միակ զավակն էր և, չնայած աղջկա հաճախակի տարօրինակություններին, նրանք հպարտանում էին Հերմիոնայով: Տասնմեկ տարեկան դառնալուց հետո Հերմիոնան զարմանքով իմանում է, որ ինքը կախարդ է և հրավիրված է Հոգվարթս: Նա արագորեն ընդունում է հրավերը և սեպտեմբերին մեկնում Հոգվարթս, սովորում է մի շարք կախարդանքին վերաբերվող դասագրքեր և անգամ կարողանում է մի քանի հմայախոսքերով կախարդել: Բացի Հոգվարթս հրավերի մասին նամակում նշված գրքերից, Հերմիոնան գնում է նաև մի քանի այլ գրքեր, որպեսզի կարողանա ավելի լավ հասկանալ կախարդական աշխարհը:
Հոգվարթսյան տարիներ (1991-1997)
Հերմիոնան շատ խելացի և հետաքրքրասեր էր և հաճախ անվանվում էր «ամենախելացի կախարդը իր տարիքում»[3]: Նրա սիրած առարկան Հմայությունների դասն էր: Հաշվի առնելով նրա խելքը, շատ աշակերտներ՝ ինչպիսիք էին Թերի Բուտը, զարմացած էին, թե ինչու է Հերմիոնան ընտրվել որպես Գրիֆֆինդորի աշակերտ, այլ ոչ թո Ռևենքոլի: Հերմիոնան նշել էր, որ Տեսակովորող գլխարկը մտածում էր իրեն ուղարկել Ռևենքոլ, սակայն վերջիվերջո ընտրեց Գրիֆֆինդորը:
Հետագայում նա ապացուցեց իր ուրույն տեղը Գրիֆֆինդորի ֆակուլտետում՝ ցուցաբերելով հավատարմություն և խիզախություն Դամբլդորի ջոկատի և Հոգվարթսի հանդեպ: Նա սիրում էր նաև պահպանել դպրոցի կանոնները:
Առաջին տարի
Հերմիոնան 1991 թվականին Հոգվարթսի Ճեպընթացով Հոգվարթս մեկնելիս ծանոթանում է Հարրիի, Ռոնի և Նևիլի հետ, վերջինս կորցրել էր իր դոդոշին՝ Թրևորին: Տեսակավորող գլխարկը մտածում էր նրան ուղարկել Գրիֆֆինդոր, թե՞ Ռևենքլո: Վերջիվերջո նա ընտրում է Գրիֆֆինդորը, իսկ հետագայում Հերմիոնան ապացուցում է, որ արժանի էր գրիֆֆինդորցի դառնալու:
Շատ խելացի լինելով՝ Հերմիոնան հաճախ էր օգնում իր դասընկերներին՝ Ռոնին, Նևիլին, Հարրիին և մյուսներին: Հերմիոնան և՛ պահպանում էր դպրոցի օրենքները, և՛ հետևում, որ մյուսները չխախտեն այն: Մի անգամ Ռոնը և Հարրին գիշերը փորձում էին լքել Գրիֆֆինդորի ընդհանուր սենյակը, որպեսզի մենամարտեն Դրակոյի հետ, սակայն հայտնվում են երրորդ հարկի արգելված միջանցքում և դեմ-դիմաց հայտնվում երեքգլխանի շանը՝ Ֆլուֆֆիին:
Հերմիոնայի, Ռոնի և Հարրիի միջև ընկերությունը ավելի է ամրանում, երբ 1991 թվականի Հելոուինին տղաները փրկում են Հերմիոնային լեռնային տրոլից, ում դպրոցում բաց էր թողել պրոֆեսոր Քուիրելը: Տղաներին պատժից ազատելու համար Հերմիոնան ասում է, որ ինքը եկել էր տրոլին տեսնելու, քանի որ կարծում էր կարող է հաղթել նրան:
Հետագայում ոսկե եռյակը բացահայտում է Փիլիսոփայական քարի գաղտնիքը և հասկանում, որ երեքգլխանի շունը պահպանում է հենց այն: Իմանալով շանը անցնելու ձևը՝ նրանք որոշում են փրկել փիլիսոփայական քարը: Անցնելով շանը՝ նրանք ընկնում են «Սատանայի թակարդը» կոչվող բույսի մեջ, ինչը փաթաթվում էր մարդկանց: Հերմիոնան կարդացել էր այս բուսատեսակի մասին և կարողանում է լույսի միջոցով փրկել իրեն և ընկերներին: Ապա նրանք կարողանում են հաղթել շախմատը և ճանապարհ բացել Հարրիի համար դեպի առաջ: Ի վերջո Հարրին փրկում է Փիլիսոփայական քարը Վոլան դե Մորտի ձեռքը ընկնելուց:
Տարեվերջում Հարրին, Հերմիոնան. Ռոնը և Նևիլը ստանում են միավորներ քաջություն ցուցաբերելու համար և Գրիֆֆինդորը նվաճում է հոսքային գավաթը[4]։
Երկրորդ տարի
Ամռանը Հերմիոնան մի քանի նամակներ է գրում Հարրիին, սկայան բոլոր նամակները Դոբբի անունով էլֆը վերցնում է, որպեսզի Հարրին հիսաթափվի և այլևս չվերադառնա Հոգվարթս: Տարվա սկզբում Դրակո Մալֆոյը վիրավորում է Հերմիոնային՝ անվանելով նրան «պղտորարյուն»: Հետագայում դպրոցում սկսվում են տարօրինակ դեպքեր կատարվել: Միսիս Նորիսը՝ Ֆլիչի կատուն քարացվել էր և արյունով պատին գրվել էր, որ Գաղտնի սենյակը նորից բացվել է:
Ոսկե տրիոն կարծում էր, որ գաղտնի սենյակը կարող էր բացել միայն Սալազար Սլիզերինի ժառանգը և հնարավոր է, որ դա Դրակո Մալֆոյն է: Այդ պատճառով նրանք մեկ ամիս շարունակ պատրաստում են ձևափոխող դեղաթուրմ և ձևափոխվելով սլիզերինի երկու աշակերտի՝ Քրեբի և Գոյլի, Հարրին և Ռոնը կարողանում են իմանալ, որ Դրակոն Սալազար Սլիզերինի ժառանգը չէ և Գաղտնի սենյակը բացվել է ուրիշի կողմից: Իսկ Հերմիոնան պատահաբար կավի մազ էր գցել իր դեղթուրմի հետ և նրա մարմնի վրա սկսել էր բուրդ դուս գալ, նա մնում էր հիվանդասենյակում, որպեսզի բուժվի:
Բուժվելուց հետո Հերմիոնան կարողանում է բացահայտել Գաղտնի սենյաի գաղտնիքը սակայն չի կարողանում դա հայտնել Հարրիին և Ռոնին, քանի որ Բասիլիսկը՝ Գաղտնի սենյակի օձը, քարացնում է նրան: Բայց Հերմիոնայի ձեռքի մեջ մնացել էր գրքի մի էջ, որտեղ Գաղտնի սենյակի մասին ամեն ինչ բացատրվում էր: Հարրին և Ռոնը գտնելով թուղթը կարողանում են գտնել սենյակի մուտքը և, փրկելով Ջինիին, ոչնչացնում են նաև Վոլան դե Մորտի հորքրուքսներից մեկը:
Այդ ամառ Հերմիոնան արձակուրդները անցկացնում է ծնողների հետ՝ Ֆրանսիայում[5]։
Երրորդ տարի
Արձակուրդներին Հերմիոնան ծնողների հետ մեկնում է Ֆրանսիա և Հարրիին ծննդյան օրվա կապակցությամբ նվեր է ուղարկում։
Շեղաձիգ նրբանցքում դպրոցական իրերը գնելիս՝ Հերմիոնան գնում է իր կատվին՝ Քրուկշանկսին: Հերմիոնան տարվա սկզբում ՄաքԳոնագալից ստանում է ժամանակ-շրջող, որի միջոցով ներկայանում է իր բոլոր սիրած դասերին: Երբ Հարրի Փոթերը նվեր է ստանում իր Նիմբուս-2000-ը, Հերմիոնան Միներվա ՄաքԳոնագալին մտահոգություն է հայտնում, որ ցախավելը կարող է ուղարկված լինել Սիրիուս բլեքի կողմից, ով այդ ժամանակ համարվում էր ամենաչար կախարդներից մեկը: Ռոնը և Հերմիոնան հաճխ էին կռվում միմյանց հետ իրենց տնային կենդանիների պատճառով: Ոսկե Տրիոն փորձում էր Լուցիուս Մալֆոյի ձեռքից փրկել Հագրիդի հիպոգրիֆին՝ Բուքբիքին, ով սկզբում սպանվում է, սակայն ժամանակ-շրջողի միջոցով վերադառնալով անցյալ՝ կարողանում են փրկել նրան:
Հերմիոնան Ռեմուս Լյուփինին համարում էր լավագույն Սև ուժերից պաշտպանության ուսուցիչ, և խելացի կերպով հասկանում է նրա մարդագայլ լինելը, երբ տեսնում է Լյուփինի բոգարթը՝ լիալուսինը:
Հարրին և Հերմիոնան տեղափոխվելով անցյալ, հասկանալով, որ Սիրիուսին կշնորհեն դեմենտորի համբույր առանց լսելու և հավատալու իրենց՝ փրկում են նրան, սկայան չեն կարողանում արդարացնել, իսկ Փիթեր Փեթիգրյուն կարողանում է փախչել[6]։
Չորրորդ տարի
Միչև ուսումնական տարվա սկիզբը՝ Հերմիոնան իր արձակուրդներն է անցկացնում Ուզիլիների տանը Հարրիի և Ռոնի հետ միասին՝ քնելով Ջինիի սենյակում: 1994 թվականի Օգոստորին բոլոր Ուզիլիների հետ միասին գնում է նայելու Քվիդիչի Աշխարհի առաջնությունը, որի խաղից հետո մահաբերները հարձակում են գործում և ահաբեկում հանդիսատեսին:
Ուսումնական տարվա սկզբին Սև ուժերից պաշտպանության ուսուցիչ է դառնում Ալաստոր Խոժոռը՝ ով իրականում Բարթի Կռաուչ կրտսերն էր և օգտագործել էր փոխակերպող դեղաթուրմ: Առաջին դասին նա օգտագործում է բոլոր 3 աններելի նզովքները երեխաների աչքի առաջ:
Ռոնը և Հարրին կռվում են. Ռոնը կարծում էր, որ Հարրին է գցել իր անունը Հրե գավաթի մեջ, իսկ Հերմիոնան առան մի հարց տալու հավատում էր Հարրիին: Հերմիոնայով հետաքրքրվում էր Դուրմսթրանգ դպրոցի հայտնի աշակերտ, բուլղարիայի քվիդիչի հավաքականի որսորդ Վիկտոր Քռամը, ում հետ է գնում է Երեք հրաշագործների պարահանդեսին: Ռիտա Սկիտերը իմանալով Հերմիոնայի և Քռամի հարաբերությունների մասին, ապա տեսնելով Հարրիի հետ գրկախառնությունը՝ Դեյլի Փրոֆիթում հոդված է գրում նրա մասին: Նա չգրանցված անիմագուս էր, ինչը և իմանում է Հերմիոնան: Նա կարողանում էր ձևափոխվել կապույտ բզեզի: Հերմիոնան նրան գցում է բանկայի մեջ և լուծում իր վրեժը[7]։
Հինգերորդ տարի
Հարրին, Հերմիոնան և Ռոնը ցանականում էին դառնալ Փյունիկյան միաբանության անդամ, սակայն որոշ անդամներ դեմ էին պատանիներին միաբանության գործերի մեջ ներգրավելուն: Մոգության նախարաությունը չէր ընդունում Վոլան դե Մորտի վերադարձի մասին լուրը, այդ պատճառով դպրոցում տնօրեն է նշանակվում Դոլորես Ամբրիջը: Դպրոցում սև ուժերից պաշտպանություն չի դասավանդվում, այդ պատճառով ոսկե տրիոն ստեղծում է Դամբլդորի Ջոկատը: Դպրոցում ստեղծվում է Ինկվիզիցիոն ջոկատ, որը փորձում էր բացահայտել Դամբլդորի Ջոկատի գործունեությունը: Երբ Կարիքների սենյակում գտնում են Դամբլդորի ջոկատը, Ալբուս Դամբլդորի դեմ մեղադրանք են հարոցում, իսկ նա փախչում է:
Հարրին, փորձելով հեռահայտնվելու համար օգտվել Ամբրիջի վառարանից, բռնվում է հանցանքի վրա: Ամբրիջը ցանականում է Կռուցիատուսի նզովք գործադրել Հարրիի վրա, սակայն Հերմիոնան պնդում է, որ կասի Դամբլդորի գաղտնի զենքի մասին: Տանում է նրան Արգելված անտառ, որտեղ կենտավրոսների և Ամբրիջի միջև կոնֆլիկտ է ծագում և Ամբրիջին առևանգում են:
Դամբլդորի Ջոկատը նստելով թեստթրալների վրա թռչում է միչև Լոնդոն, որտեղ մտնում է Մոգության նախարարությւան Առեղծվածների բաժին և մենամարտում մահաբերների խմբի դեմ: Ժամանում է Փյունիկյան միաբանությունը և Դամբլդորը ովքեր պարտության են մատնում մահաբերներին, իսկ Վոլան դե Մորտը փախչում է[8]։
Վեցերորդ տարի
Հերմիոնան հիասքանչ է հանձնում իր OWL քննությունները, և ստանում 10 գերազանց՝ Համայություններ, Սև ուժերից պատպանություն, Կերպարանափոխություն, Կախարդական արարածների խնամք, Կախարդական թվեր, Մոգության պատմություն, Բուսաբանություն, Աստղագիտություն, Դեղաթուրմեր և Հնագույն Ռուներ առարկաներից: Միայն Սև ուժերից պատպանություն առարկան էր, որ գերազանց ստանալով հանդերձ, ստանում է նաև «գերազանցում է ակնկալիքները», որից հետո ինքը իրենից հիասթափվում է: Քննությունների արդյունքները նրան մեծ հեղինակություն են բերում մոգական համայնքում:
Դպրոց վերադառնալուց հետո Հերմիոնայի ռոմնտիկ զգացմունքները Ռոնի հանդեպ ավելի նկատելի դարձան: Ռոնը շփվում էր Լավանդայի հետ: Հերմիոնան դարձնում է ‹‹Սլաք›› ակումբի անդամ: Երբ Ռոնը ընկնում է հիվանդանոց, նրա մոտ էր և՛ Հերմիոնան, և՛ Լավանդերը: Ռոնը սկսում է զառանցել և տալիս է Հերմիոնայի անունը, որից Լավանդան նեղանում է և բաժանվում Ռոնից:
Ալբուս Դամբլդորի մահից հետո Հարրին Հերմիոնային և Ռոնին տեղեկացնում է, րո հաջորդ տարի չի վերադառնալու Հոգվարթս և սկսելու է փնտրել հորքրուքսները: Դամբլդորի թաղման ժամանակ ՀԵրմիոնանա լացելով իր գլուխը դնում է Ռոնի ուսին[9]։
Հորքրուքսների որսը
Հերմիոնան մեծ դեր է ունենում հորքրուքսների գտնման և ոչնչացման գործում: Նա նա սարեսկզբին մասնակցում է Փյունիկյան Միաբանության գաղտնի գործողությանը՝ Հարրիին անվտանգ տեղափոխությունը 4 Privet Drive-ից, որի ընթացքում բոլոր մասնակիցները ձևափոխող դեղաթուրմ են օգտագործում և նմանվում Փոթերին: Այստեղից է առաջացել է ընդհարման անվանումը՝ Յոթ Փոթերների ճակատամարտը, որի ժամանակ զոհվումէ Ալաստոր Խոժոռը և վիրավորվում է Ջորջ Ուիզլին:
Երբ ոսկե տրիոն մասնակցում էր Ուզլիների տանը տեղի ունեցող հարսանիքի ժամանակ, տեղեկանում են, որ Լորդ Վոլան դե Մորտը գրավել է Մոգության Նախարարությունը և որ գալիս է: Հերմիոնան ընկերների հետ հեռահայտնվում է Տոտենհեմյան փողոցում և մտնում սրճարաներից մեկը, որտեղ Անտոնի Դոլոհովը և Թորֆին Ռոուլը հարձակվում են նրանց վրա, սակայն պարտություն են կրում[10]։
Ոսկե եռյակը պարզում է, որ հորքրուքսներից մեկը գտնվում է Դոլորես Ամբրիջի մոտ: Այդ պատճառով, օգտագործելով ձևափոխող դեղաթուրմ, ներթափանցում են Մոգությոան Նախարարություն և բռնագրավում կախազարդը: Կախազարդը բռնագրավելուց հետո նրանք անցնում են մյուս հորքրուքսների որոնմանը, սակայն Ռոնը վիճում և հեռանում է Հարրիից և Հերմիոնայից, բայց շուտով վերադառնում է Գրիֆֆինդորի սուրը ձեռքին, որի միջոցով էլ ոչնչացնում են կախազարդը: Միչև Ռոնի գալը Հարրին և հերմիոնան այցելում են Գոդրիկի հովիտ, որտեղ ընդհարվում են Նագինի օձի հետ: Ռոնի վերադարձից հետո նրանք երեքով այցելում են Լավգուդների տուն և տեղեկություն ստանում Մահվան Պարգևների մասին:
1998 թվականի մարտին, երբ Հարրի Փոթերը, Ռոն Ուիզլին և Հերմիոնա Գրեյնջերը կալանավորվեցին Սնաթչերսների կողմից և Գրիֆինդորի սրի հետ միասին նրանց բերում են Մալֆոյների կալվածք, Բելլատրիսան խուճապի է մատնվում: Պատճառը Գրիֆինդորի սրի անհետանալն էր իր պահախցից և հայտնվելը Հարրի Փոթթերի մոտ: Սա հասկանալով Բելլատրիսան վախեցավ, որ նրանք կարող էին նաև իր պահախցից վերցրած լինել շատ կարևոր մի բան՝ Վոլան դե Մորտի հորքրուքսներից մեկը՝ Հելգա Հաֆլփաֆի գավաթը: Հետագայում Բելլատրիսան որոշում է սպանել Սնիտչերներին, քանի որ Դրակոն չի կարողանում անել դա: Նա փորձում է նաև օգտագործել Դրակոյին հասկանալու համար արդյոք դա Փոթերն է, թ՞ե ոչ: Հարրիի դեմքը անճանաչելի էր դարձել Հերմիոնայի Խայթող կախարդանքից հետո, որը իրենց անճանաչելի դարձնելու համար էր արված: Դրակոն տատանվում էր և չէր կարողանում ապացուցել, որ նրանք իր դասընկերներն են: Հետագայում Ռոնը և Հարրին բաժանվեցին Հերմիոնայից:
Բելլատրիսան մանրամասն հարցաքննեց Հերմիոնային և Կրուցիատուսի նզովքով խոշտանգեց: Հերմիոնան պնդում էր, որ սուրը միայն պատճենն է[11], բայց Բելլատրիսան կարծում էր, որ Հարրին և իր ընկերները մտել են իր պահախուց, այդ պատճառով Փիթեր Փեթիգրյուին հրամայեց նկուղից իր մոտ բերել Գրիփհուկ գոբլինի, պարզելու համար` արդյոք սուրը կեղծ է: Գրիփուկը հավատարիմ լինելով Հարրիի խնդրւանքին` նույնպես ստեց և պահպանեց եռյակի գաղտնիքը` ասելով, որ սուրը կեղծ է: Երբ Փեթիգրյուն իր իսկ արծաթյա ձեռքով խեղդվում է Ռոնի և Հարրիի կողմից, Հարրին և Ռոնը դուրս են գալիս նկուղից և սպասում աստիճանների վերևում` փորձելով օգնության հասնել Հերմիոնային:
Բելլատրիսան դանակը դնում է ուշաթափված Հերմիոնայի կոկորդին և պահաջում, որ գերիները վայր դնեն փայտիկները: Դանակը պահելով Հերմիոնայի կոկորդին` Բելլատրիսան արձակում է իր Սև Նշանը և կանչում Լորդ Վոլան դե Մորտին: Այդ պահին Դոբբին հայտնվում է նրանց գլխավերևում գտնվող ջահի վրա և սկսում թուլացնել ջահը, վերջիվերջո այն ընկնում է և Հերմիոնան կարողանում է փախչել: Բելլատրիսան Դոբբիին վիրավորում է և ասում, որ նա համարձակվում է ապստամբել իր տերերի դեմ: Դոբբին պատասխանում է, որ ինքը ազատ էլֆ է և փորձում է հեռահայտնվել ու փախչել իր ընկերների հետ միասին: Այդ ժամանակ Բելլատրիսան նետում է իր արծաթյա դանակը, որը նրանց հետ միասին հեռահայտնվում է: Դանակը դիպչում է Դոբբիին և նա մահանում է:
Բելլատրիսան և Մալֆոյի կալվածքում գտնվող մնացած մահաբերները` Հարրիին կալվածքում պահել չկարողանալու համար, խստորեն պատժվում են: Ընդհարման ժամանակ Բելլատրիսան կորցնում է նաև իր փայտիկը:
Միջադեպից հետո Հերմիոնան օգտագործում է Բելլատրիսայի մազը, որը իր վրա էր մնացել ընդհարմումից հետո, որպեսզի մուտք գործի Բելլատրիսայի Գրինգորթսի պահախուց, քանի որ այդ ժամանակ Շեղաձիգ Նրբանցքը լիքն էր մահաբերներով:
Հոգվարթսի ճակատամարտի ժամանակ Հերմիոնան մասնակցում և մենամարտում մի շարք մահաբերների հետ, մասնավորապես Բելլատրիսա Լեսթրեյնջի՝ կարևոր դեր խաղալով ճակատամարտի ելքի մեջ:
Հետագա կյանքը
Ներկայումս Հերմիոնան ամուսնացած է Ռոն Ուիզլիի հետ, ունի երկու երեխա՝ Հուգոն և Ռոզը և աշխատում է Մոգության Նախարար:
Անուն
Հերմիոնա անունը կապված է հունական աստված Հերմեսի անվան հետ։ Ռոուլինգը այս անունը վերցրել է հունական առասպելից, որտեղ Հերմիոնա անունը թագուհի էր։ Ռոուլինգը հատուկ է վերցրել այս քիչ հանդիպող անունը, որպեսզի դպրոցներում գրքի հերոսի անունը կրող մարդկանց չծաղրեն։
Ծանոթագրություններ
- ↑ «Harry Potter and the Deathly Hallows». Harry Potter Wiki (անգլերեն). Chapter 7 (The Will of Albus Dumbledore). Վերցված է 2018-09-11-ին.
{{cite news}}: CS1 սպաս․ այլ (link) - ↑ «Hermione Granger - Pottermore». Pottermore (անգլերեն). Hermione has to be born in August 1980 in order to attend Hogwarts at the age of 11 on 1 September 1991. Had she been born in September 1980, she would only be 10 on 1 September 1991. Վերցված է 2018-09-11-ին.
{{cite news}}: CS1 սպաս․ այլ (link) - ↑ «"J.K. Rowling's Books That Made a Difference." O, The Oprah Magazine January 2001 (Accio Quote!, the Largest Archive of J.K. Rowling quotes on the web)». www.accio-quote.org. Վերցված է 2018-09-11-ին.
- ↑ «Harry Potter and the Philosopher's Stone». Harry Potter Wiki (անգլերեն). Վերցված է 2018-09-11-ին.
- ↑ «Harry Potter and the Chamber of Secrets». Harry Potter Wiki (անգլերեն). Վերցված է 2018-09-11-ին.
- ↑ «Harry Potter and the Prisoner of Azkaban». Harry Potter Wiki (անգլերեն). Վերցված է 2018-09-11-ին.
- ↑ «Harry Potter and the Goblet of Fire». Harry Potter Wiki (անգլերեն). Վերցված է 2018-09-11-ին.
- ↑ «Harry Potter and the Order of the Phoenix». Harry Potter Wiki (անգլերեն). Վերցված է 2018-09-11-ին.
- ↑ «Harry Potter and the Half-Blood Prince». Harry Potter Wiki (անգլերեն). Վերցված է 2018-09-11-ին.
- ↑ «Harry Potter and the Deathly Hallows». Harry Potter Wiki (անգլերեն). Վերցված է 2018-09-11-ին.
- ↑ «Harry Potter and the Deathly Hallows». Harry Potter Wiki (անգլերեն). Վերցված է 2018-08-23-ին.
