«Տե՛ր, ների՛ր մեզ` մեղավորներիս»–ի խմբագրումների տարբերություն
No edit summary |
չ Sigma'am տեղափոխեց էջը «Տեր, ներիր մեզ` մեղավորներիս»-ից «Տե՛ր, ների՛ր մեզ` մեղավորներիս»: Ավելի ճիշտ տարբերակ |
(Տարբերություն չկա)
| |
21:35, 22 Սեպտեմբերի 2019-ի տարբերակ
 | |
|---|---|
| Երկիր |  Ուկրաինա |
| Ժանր | դրամա և պատմական ֆիլմ |
| Հիմք | Ձորակում |
| Թվական | 1992 |
| Լեզու | ռուսերեն |
| Ռեժիսոր | Արթուր Վոյտեցկի |
| Սցենարի հեղինակ | Արթուր Վոյտեցկի |
| Դերակատարներ | Բոգդան Ստուպկա, Օլգա Գոբզևա, Վալենտին Տրոցյուկ և Օստապ Ստուպկա |
| Երաժշտություն | Վլադիմիր Գրոնսկի |
| Կինոընկերություն | Կիևի Ալեքսանդր Դովժենկոյի անվան կինոստուդիա |
| Տևողություն | 81 րոպե |
«Տեր, ներիր մեզ` մեղավորներիս» (ռուս.՝ «Господи, прости нас, грешных»[1]), Արթուր Վոյտեցկու ֆիլմը` հիմնված ռուս գրող Անտոն Չեխովի «Ձորակում» վիպակի վրա, որը նկարահանվել է 1992 թվականին Ուկրաինայում: Ստեղծագործության էկրանավորումը կատարվում է առակի տեսքով, որը պատմում է, որ անարդար ձեռք բերված բարիքը երջանկություն չի բերում:
Սյուժե
Ֆիլմի գործողությունները տեղի են ունենում 19-րդ դարի վերջում, ռուսական գյուղում: Սյուժեի կենտրոնում գտնվում է գյուղական ազնվական քաղքենի Գրիգորի Պետրովիչ Ցիբուկինը, որը հայտնի էր հարստությամբ և ժլատությամբ: Նրա ողջ կյանքը ուղղված է իր կապիտալի բազմապատկմանը, բայց հարստությունը նրա ընտանիքին երջանկություն չի բերում, այլ միայն խնդիրներ է առաջացնում:
Ֆիլմի առաջին տեսարանը` Գրիգորի Պետրովիչի որդու Անիսիմի և ռամիկ Լիպայի հարսանիքն է: Հարսանիքից կարճ ժամանակ անց երիտասարդ ամուսինը աշխատանքի է մեկնում քաղաք, որտեղ պարզվում է, որ հարսանիքից հետո նրան տրված դրամները կեղծ են: Ձերբակալությունից հետո, չնայած ընտանիքի բազմաթիվ խնդրանքներին, Անիսիմին ուղարկում են Սիբիր՝ տաժանակիր աշխատանքի: Զգալով իր մեղավորությունը որդու հանդեպ՝ Գրիգորին որոշում է իր ժառանգության մեծ մասը գրանցել Լիպայի և Անիսիմի նորածին որդու անվամբ: Տեղեկանալով այդ մասին՝ Ակսինան կատաղում է և եռացող ջուր լցնում երեխայի վրա, որից հետո նա մահանում է: Այդ վիշտը և տառապանքները կրելուց հետո Լիպան Ցիբուկինների տանից տեղափոխվում է իր մոր մոտ, իսկ Ակսինյան դառնում է այդ կիսավեր ընտանիքի գլխավորը: Նա սկսում է զբաղվել շահավետ աշխատանքով՝ տանից վռնդելով ծերունուն և նրա կնոջը: Այս ամենից հետո ծերունին ամբողջովին կորցնում է կյանքի իմաստը, նա օրեր շարունակ սոված նստում է եկեղեցու մոտակայքում: Մի անգամ փողոցում տեսնելով իր սկեսրոջը՝ Լիպան հասկանում է, որ նա սոված է և հաց է տալիս նրան:
Դերերում
- Բոգդան Ստուպկա - Գրիգորի Պետրովիչ Ցիբուկին
- Օլգա Գոբզևա - Վարվարա (Գրիգորիի կինը)
- Վալենտին Տրոցյուկ - Անիսիմ (Գրիգորիի ավագ որդին)
- Օստապ Ստուպկա -Ստեպան (Գրիգորիի կրտսեր որդին)
- Նատալյա Բոյկո -Լիպա (Անիսիմի կինը)
- Լյուբով Բոգդան - Ակսինյա (Ստեպանի կինը)
Նկարահանող խումբ
- Ռեժիսոր - Արթուր Վոյտեցկի
- Պրոդյուսեր - Ալեքսեյ Ժուկով
- Սցենարի հեղինակ - Արթուր Վոյտեցկի, Անտոն Չեխով
- Օպերատոր - Վյաչեսլավ Ռոդնիչենկո
- Կոմպոզիտոր - Վլադիմիր Գրոնսկի, Կոնստանտին Սկոպցով
- Կինոընկերություն - Ա. Դովժենկոյի անվան կինստուդիա
Հետաքրքիր փաստեր
- Դերասանուհի Օլգա Գոբզևան, ով խաղում էր Գրիգորի Ցիբուկինի կնոջ դերը, վերջին անգամ նկարահանվել է «Տե՛ր, ներիր մեզ մեղավորներին» ֆիլմում. 1993 թվականին կուսակրոնություն է ընդունել[2]:
- Ֆիլմը ռեժիսոր Արթուր Վոյտեցկու վերջին գործն է: Նա մահացավ 1993 թվականի մայիսին:
- Ֆիլմը նկարահանվել է Ուկրինայի Վիննիցայի մարզի գյուղերում:
Ծանոթագրություններ
- ↑ В титрах до и после фильма в названии упущена запятая — «Господи, прости нас грешных».
- ↑ Валерия Михайлова Скорый поезд… в монашество // Фома. — 2010. — № 1 (81).