Աուտիզմի բժշկական մոդել

Աուտիզմի բժշկական մոդելը խրախուսում է շարունակական հետազոտությունների իրականացումը, որոնք միտված են աուտիզմի պատճառների հայտնաբերմանը, ինչպես նաև հիմնական նպատակն է գտնել այնպիսի ուղիներ, որոնց միջոցով հնարավոր կլինի կանխել կամ բուժել աուտիզմը։ Սա, ընդհանուր առմամբ, հաշմանդամության բժշկական մոդելի ենթաբազմություն է: Մոդելը ներառում է մի քանի նպատակներ։ Դրանց թվում են աուտիզմի մասին իրազեկման մակարդակի բարձրացումը, վաղ և ավելի հասանելի ախտորոշումը, աուտիստական վարքագծի շտկումը այնպիսի բուժական եղանակներով, ինչպիսիք են վարքագծի վերլուծական հետազոտությունները, շրջակա միջավայրի՝ աուտիզմի առաջացմանը նպաստող գործոնների հայտնաբերումը մանկական հասակում, ինչպես նաև գենետիկական հատուկ մարկերների հայտնաբերումը, որի միջոցով հնարավոր կլինի ախտորոշել աուտիզմը դեռևս մոր արգանդում։