Հայաստանի արդարադատության նախարարություն

Հայաստանի արդարադատության նախարարություն
Տեսակ	արդարադատության նախարարություն
Երկիր	Հայաստան
Ստեղծման թվական	1920
Ենթարկում	Հայաստանի կառավարություն
Շտաբակայան	Երևան, Հայաստան
Պատասխանատու նախարար	Արտակ Զեյնալյան-Հանրապետություն կուսակցություն
Կայք	moj.am

Հայաստանի Հանրապետության արդարադատության նախարարություն, ՀՀ ԱՆ, Հայաստանի Հանրապետության գործադիր իշխանության պետական մարմին։

Պատմություն

1920 թվականին ՀՍՍՀ Հեղկոմի կողմից կազմակերպվում է Արդարադատության ժողովրդական կոմիսարիատը։ Գործել է 1923 թվականի դեկտեմբերի 29-ին ՀՍՍՀ ԿԳԿ նախագահության կողմից ընդունվում է գործունեության կանոնադրությունը։ Կից գործել է դատախազությունը, և արդարադատության ժողկոմը միաժամանակ հանրապետության դատախազն էր։ 1930 թվականի հունվարի 31-ին ժողկոմատը վերացվում է և վերստին ստեղծվում 1933 թվականի հունվարի 5-ին։ Այդ ժամանակամիջոցում արդարադատության ժողկոմատի խնդիրները կատարել են ՀՍՍՀ դատախազությունը և Գերագույն դատարանը։ 1936 թվականին արդարադատության ժողկոմատից անջատվում են դատախազական և քննչական մարմինները, և ժողկոմատը վերակազմվում է որպես Արդարադատության մինիստրություն։ Գործում մինչև 1959 թվականը։ Մինչև 1970 թվականը նրա գործառույթներն իրականացնում են ՀՍՍՀ գերագույն դատարանը և ՀՍՍՀ Մինիստրների սովետին առընթեր իրավաբանական հանձնաժողովը։ ՀՍՍՀ Գերագույն սովետի Նախագահության 1970 թվականի նոյեմբերի 2-ի հրամանագրով ՀՍՍՀ արդարադատության մինիստրությունը, որի խնդիրներն էին՝ դատական, նոտարական, զագսի մարմինների, փաստաբանների կոլեգիայի, իրավախորհրդատուների, գործունեության ղեկավարումը, իրավունքի պրոպագանդման և քաղաքացիների իրավական դաստիարակության գործի մեթոդական ղեկավարությունը, դատական մարմինների գործունեության ընդհանրացումը, մասնակցություն գործող օրենսդրության համակարգմանը։

Կառուցվածք

Հայայաստանի արդարարադատության նախարարության կազմի մեջ է մտնում 14 կառուցվածքային ստորաբաժանում, 7 առանձնացված ստորաբաժանում, ինչպես նաև ՀՀ ԱՆ ունի տարբեր ոլորտներում գործունեություն իրականացնող 7 իրավաբանական անձ:

Կառուցվածքային ստորաբաժանումներ

• Մարդու իրավունքների եվրոպական դատարանի հետ կապերի վարչություն
• Պրոբացիայի պետական ծառայություն
• Հակակոռուպցիոն և քրեակատարողական քաղաքականության մշակման վարչություն
• Ֆինանսատնտեսագիտական վարչություն
• Իրավական փոխօգնության վարչություն
• Միջազգային իրավական համագործակցության վարչություն
• Քարտուղարություն
• Անձնակազմի կառավարման վարչություն
• Իրավական ապահովման վարչություն
• Գործերի կառավարչություն
• Տեղեկատվության և հասարակայնության հետ կապերի վարչություն
• Առաջին բաժին
• Ներքին աուդիտի բաժին
• Արխիվային բաժին
• Զորահավաքային և քաղաքացիական պաշտպանության բաժին

Առանձնացված ստորաբաժանումներ

• Վերահսկողական ծառայություն
• Քրեակատարողական ծառայություն
• Դատական ակտերի հարկադիր կատարման ծառայություն
• Իրավական ակտերի փորձաքննության գործակալություն
• Քաղաքացիական կացության ակտերի գրանցման գործակալություն
• Իրավաբանական անձանց պետական ռեգիստրի գործակալություն
• Անձնական տվյալների պաշտպանության գործակալություն

Իրավաբանական անձինք

• Փորձագիտական կենտրոն ՊՈԱԿ
• «Աջակցություն դատապարտյալին» հիմնադրամ
• Պաշտոնական տեղեկագիր ՓԲԸ
• Արդարադատության ակադեմիա
• «Օրենսդրության զարգացման և իրավական հետազոտությունների կենտրոն» հիմնադրամ
• «Իրավական կրթության և վերականգնողական ծրագրերի իրականացման կենտրոն» ՊՈԱԿ
• «ՀՀ ԱՆ թարգմանությունների կենտրոն» ՊՈԱԿ

Ընդհանուր տեղեկատվություն

Նախարար

• Արտակ Զեյնալյան

Առաջին տեղակալ

• Արթուր Հովհաննիսյան

Տեղակալներ

• Վիգեն Քոչարյան
• Սուրեն Քրմոյան
• Արտակ Ասատրյան

Արտաքին հղումներ

• Հայաստանի արդարադատության նախարարության պաշտոնական կայք

Գրականություն

• Հայկական սովետական հանրագիտարան, Երևան-1976