Զավեն Կոշտոյան

Զավեն Կոշտոյան
Ծնվել է	հոկտեմբերի 7, 1940(1940-10-07)
Ծննդավայր	Լենինական, Հայկական ԽՍՀ, ԽՍՀՄ
Վախճանվել է	հուլիսի 1, 2016(2016-07-01) (75 տարեկան)
Մահվան վայր	Գյումրի, Հայաստան
Կրթություն	Փանոս Թերլեմեզյանի անվան գեղարվեստական ուսումնարան (1964) և Երևանի պետական գեղարվեստա-թատերական ինստիտուտ (1969)
Մասնագիտություն	նկարիչ և քանդակագործ
Ուշագրավ աշխատանքներ	Բարձրաքանդակ «Գուսան Շերամ»
Պարգևներ	Հայաստանի վաստակավոր նկարիչ
Zaven Koshtoyan Վիքիպահեստում

Զավեն Աղասու Կոշտոյան (հոկտեմբերի 7, 1940, Լենինական-հուլիսի 1, 2016), հայ նկարիչ, քանդակագործ, ՀՀ վաստակավոր նկարիչ (1992)։

Կենսագրություն

1950-1955թթ սովորել է Ս. Դ. Մերկուրովի անվան Գյումրու նկարչական դպրոցում : 1964 թվականին ավարտել է Երևանի գեղարվեստի ուսումնարանը, 1969 թվականին՝ Երևանի Պետական գեղարվեստա-թատերական ինստիտուտը։ 1995-1997 թթ. եղել է Շիրակի մարզպետարանի գլխավոր նկարիչ։ 1997 թվականից դասավանդել է ԵԳԱ Գյումրու մասնաճյուղում։ 

1977թ-ից եղել է Հայաստանի նկարիչների միության անդամ: 1990թ. արժանացել է Հայաստանի վաստակավոր նկարչի կոչման, 2006թ.՝ Գյումրու «Վարպետ» ոսկյա կրծքանշանի, 2008թ.՝ Համաշխարհային հայկական կոնգրեսի, Ռուսաստանի հայերի միության, Հայաստանի նկարիչների միության կողմից հայտարարված «Հայաստանը և հայաստանցիները նկարչի աչքերով» թեմայով մրցույթում երկրորդ մրցանակին, 2011թ.՝ «Թեքեյան» մշակութային միության «Բաբկեն և Անահիտ Մկրյան» առաջին մրցանակին:

Ստեղծագործական ուղի

Զավեն Կոշտոյանի գործերին բնորոշ է զուսպ մոնումենտալության և խոհաքնարականության նրբին զուգորդումը։

• «Ալեքսանդր Պուշկին», 1974, բարձրաքանդակ, բրոնզ, Գյումրի
• «Ավետիք Իսահակյան», 1975, բարձրաքանդակ, բրոնզ, Գյումրի
• «Երաժշտություն», 1978, տուֆ, Գյումրի
• «Ալեք Մանուկյան», 1995, բարձրաքանդակ, բրոնզ, Գյումրի
• «Շերամ» բարձրաքանդակ, 1983, Շերամի անվան երաժշտական դպրոցի ֆասադին, տուֆ, Գյումրի
• «Խաչքար», 1988, «Սումգաիթի զոհերի հիշատակին» Սայաթ Նովա փողոցի պուրակում տուֆ, Գյումրի
• «Լույս», ֆելզիտ, 2002, Գյումրի
• «Քըրք Քըրքորյան», կարմիր բազալտ, 2004, Գյումրի
• «Խաչքար», 1995, տուֆ, Լոս Անջելես
• «Ե. Չարենց», 2012, կիսանդրի, Գյումրու քաղաքային զբոսայգում, բազալտ:
• «Գյումրի», 2013, Քանդակագործության միջազգային Սիմպոզիում, Գյումրի

Ցուցահանդեսներ

Ունեցել է անհատական ցուցահանդեսներ՝ Գյումրիում (1973, 1988)։

Պատկերասրահ

• 
  Ա. Ս. Պուշկինի հարթաքանդակը Հաղթանակի պուրակում (բազալտ), 1974 թ.
• 
  «Երաժշտություն», տուֆ, Գյումրի, 1978,
• 
  «Խաչքար», «Սումգաիթի զոհերի հիշատակին», Գյումրի, 1988 թ.
• 
  «Երկրաշարժի զոհերի հիշատակին», հուշարձան Սուրբ Հակոբ Մծբինեցի եկեղեցու բակում (ֆելզիտ), 2002 թ․
• 
  «Գյումրի», Քանդակագործության միջազգային աիմպոզիում, Գյումրի, 2013 թ.
• 
  «Ե. Չարենց» կիսանդրին Գյումրու քաղաքային զբոսայգում, 2012 թ.