Բրոնքսյան պատմություն

Բրոնքսյան պատմություն անգլ.՝ A Bronx Tale
Պատկեր:A bronx Tale.jpeg
Երկիր	ԱՄՆ
Ժանր	Դրամա Կրիմինալ
Հիմք	Բրոնքսյան պատմություն
Թվական	1993թ.
Լեզու	Անգլերեն
Ռեժիսոր	Ռոբերտ Դե Նիրո
Պրոդյուսեր	Ռոբերտ Դե Նիրո
Սցենարի հեղինակ	Չեզ Պալմինտերի
Դերակատարներ	Լիլո Բրանչատո կրտսեր Չեզ Պալմինտերի Ռոբերտ Դե Նիրո Ֆրենսիս Կապրա Տարալ Հիքս
Օպերատոր	Ռեյնալդո Ուիլյալոբոս
Մոնտաժ	Ռոբերտ Ք. Լովեթ և Դևիդ Ռեյ
Պատմվածքի վայր	Նյու Յորք
Նկարահանման վայր	Նյու Յորք և Նյու Ջերսի
Կինոընկերություն	Savoy Pictures
Տևողություն	120 րոպե

Բրոնքսյան պատմությունը (անգլ.` A Bronx Tale) 1993թ.-ին նկարահանված կրիմինալ, դրամա ժանրի գեղարվեստական ֆիլմ է, որտեղ գործողությունները տեղի են ունենում Նյու Յորքի Բրոնքս թաղամասում` 1960-ականներին: Ֆիլմը Ռոբերտ Դե Նիրոյի առաջին ռեժիսորական աշխատանքն է: Վերջինս հանդես է գալիս նաև ֆիլմում: Ֆիլմի սցենարի հեղինակն է Չեզ Պալմինտերին, ով նույնպես խաղում է ֆիլմում և մարմնավորում առանցքային կերպարներից մեկին` Սանիին:

Սյուժեն

Ֆիլմի գլխավոր հերոսն է Նյու Յորքի իտալական Բրոնքս թաղամասում ապրող դեռահաս Կալոջերոն, ում հայրը` Լոռենցոն (Դե Նիրո) աշխատում է որպես սովորական ավտոբուսի վարորդ և ստանում համեստ աշխատավարձ: Մանուկ հասակում Կալոջերոն մի անգամ բակում ընկերների հետ խաղալիս տեսնում է, թե ինչպես են աչքի առաջ բախվում երկու մեքենա, որոնց վարորդները սկսում են հարաբերությունները պարզել, սակայն նրանցից ավելի բռնկունը սկսում է բեյսբոլի մականով ջարդուփշուր անել երկրորդի մեքենան: Նույն պահին միջադեպին է խառնվում Բրոնքսի ամենամեծ հեղինակությունը` Սաննի Լոսպեչչիոն (Չեզ Պալմինտերի), ով ճարահատյալ սպանում է հանդուգն վարորդին, իսկ մյուսին օգնում հեռանալու դեպքի վայրից:

Դեպքից հետո ոստիկանները թակում են Լոռենցոյի բնակարանի դուռը և խնդրում, որ երեխան հոր հետ իջնի բակ` ոստիկաններին օգնելու` ճանաչելու մարդասպանին: Կալոջերոն հերթով զննում է շարքով կանգնած մարդկանց դեմքերը և երբ տեսնում է Սանիին, կրկին ասում է, որ նա չէր մարդասպանը: Այդ դեպքից հետո Սանիին երախտապարտորեն դառնում է Կալոջերոյի ամենամոտ ընկերը և գրեթե հայրը: Սանին Կալոջերոյի համար մտածում է մի կարճ մականուն` Սի, որը դառնում է նրա նրա նոր անունը թաղամասում և բոլոր նրան դիմում են այդ կերպ: Այդ գաղափարը դուր չի գալիս Լոռենցոյին, ով առհասարակ դեմ էր որդու մերձեցմանը հեղինակության հետ և ժամանակ առ ժամանակ նա խնդիրներ էր ունենում թե որդու հետ, ով գտնում էր, որ հայրը տքնաջան է աշխատում և էլի աղքատ է մնում, և թե Սանիի հետ, ով Սիին վերաբերվում էր հոր նման:

Մի առիթով Սիի ընկերները ցանկություն են հայտնում գնալ սևամորթների թաղամաս և վառել նրանց խանությները և Սիին տանում են հետները, ճանապարհին նրանց մեքենան կանգնեցնում է Սանին և Սիին դուրս հանում մեքենայի միջից: Երբ ավելի ուշ պարզվում է որ Սիի ընկերները սպանվել էին, Սին գնում է այդ թաղամաս և տեսնելով մանկության ընկերների դիակները` ասում է սևամորթ ընկերուհուն, որ Սանին նրան դուրս հանելով մեքենայի միջից` փրկել է կյանքը: Այդ մտքից ոգևորված Սի վազում է դեպի Սանիի բարը` Նրան համբուրելու և շնորհակալություն հայտնելու համար: Սակայ երբ մտնում է բարի մեջ, նա ամբոխի խաժամուժում նկատում է մի վտանգավոր տղայի, ով նույն պահին էլ ատրճանակով կրակում է Սանիի վրա և սպանում նրան: Հետագայում պարզվում է որ դա յան մարդու որդին է, ում Սանին էր սպանել մի քանի տարի առաջ կատարված տխրահռչակ միջադեպի ժամանակ:

Արտաքին հղումներ

• «Բրոնքսյան պատմություն»(անգլ.) ֆիլմը allmovie կայքում:
• Բրոնքսյան պատմություն(անգլ.) ֆիլմը Internet Movie Database կայքում
• Բրոնքսյան պատմություն(անգլ.) ֆիլմը Rotten Tomatoes կայքում
• Բրոնքսյան պատմության վայրը