Հոլիվուդյան փառքի ծառուղի

Հոլիվուդյան պողոտան

Հոլիվուդյան փառքի ծառուղին (անգլ.`Hollywood Walk of Fame) Հոլիվուդյան պողոտայի և Վայն սթրիթ փողոցի երկու կողմերում գտնվող մայթերի շարան է: Մայթերի վրա գտնվում են աստղեր, որոնք նվիրվում են այն հայտնի անձնավորություններին, ովքեր մեծ ձեռքբերումներ են ունեցել կինոյի, հեռուստատեսության, երաժշտության, ռադիոյի և թատրոնի ասպարեզներում: Աստղեր են շնորհվում ոչ միայն իրական մարդկանց այլ նաև գեղարվեստական կերպարների:

Ըստ NPO Plog Research կոչվող շուկայական հետազոտություն կատարող ֆիրմայի 2003թ.-ի զեկույցի` փառքի ծառուղին տարեկան իր մոտ է գրավում 10 միլիոն զբոսաշրջիկների

Նկարագրում

Փառքի ծառուղին ընդհանուր առմամբ ձգվում մոտ 3 կիլոմետր:

1.8 մետր ընդմիջումներով մայթերի վրա շարված են մոտ 2400 աստղ: Բուն մայթը պատրաստված է իտալական տեռացո կոչվող կերամիկական շինանյութի մուգ ածխագույն տեսակից, իսկ աստղերը` վարդագույն տեռացոյից: Աստղերի մեջ գտնվում են հատուկ տարբերանշանները, որոնք ցույց են տալիս տվյալ անձի գործունեության բնագավառը: Դրանք էլ պատրաստված են բրասս կոչվող մետաղից (չշփոթել բրոնզի հետ): Տարբերանշաններն ունեն հետևյալ տեսքը.

Դասական կինոտեսախցիկ - ներկայացնում է կինոյի բնագավառը

Ալեհավաքով հեռուստացույց-ներկայացնում է հեռուստատեսության բնագավառը

Ձայնապնակ-ներկայացնում է երաժշտության բնագավառը

Ռադիո միկրոֆոն-ներկայացնում է ռադիոյի բնագավառը

Կատակերգության և ողբերգության դիմակներ -ներկայացնում է թատրոնի բնագավառը (ավելացվում է1984թ.ին)

Արտաքին հղումներ

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Հոլիվուդյան փառքի ծառուղի կատեգորիայում։

• Պաշտոնական կայք