Շանել

Շանել
Տեսակ	մասնավոր ընկերություն, անշարժ գույքով ընկերություն, նորաձևության տուն և բրենդ
Ընկերության տեսակ	առևտրային կազմակերպություն
Հիմնադրված է	1910
Հիմնադիր	Կոկո Շանել
Վայր	Նյոյի սյուր Սեն, Ֆրանսիա
Երկիր	Ֆրանսիա
Արդյունաբերություն	կարի արդյունաբերություն, Wholesale? և ակնագործություն
Հասույթ	մոտ 1,089 միլիարդ դոլար
Դուստր ընկերություններ	Fondation d'entreprise Chanel?
Կայք	www.chanel.com
Մասնակից է	Բարձր նորաձևության միության տուն
Chanel Վիքիպահեստում

Շանել, ֆրանսիական հագուստ և շքեղության իրեր արտադրող ընկերություն, որը հիմնադրվել է մոդելագործ Կոկո Շանելի կողմից, 20-րդ դարասկզբին, Փարիզում։

Պատմություն

Շանել նորաձևության տան առաջին բուտիկը բացվել է 1910 թվականին։ 1924 թվականին Կոկո Շանելը, ձեռներեց Պիեր Վերտեյմերի հետ մեկտեղ, բացեց՝ «Parfums Chanel» օծանելիքի արտադրության ստորաբաժանումը։

Սեփականատերեր և տնօրինություն

Շանելy համարվում է սեփական ընկերություն, որը գտնվում է ղեկավարության նախագահ Ալեն Վերտեյմերի (Alain Wertheimer) ընտանիքի վերահսկողության տակ։ Ընկերության գլխավոր տնօրենը՝ Մորին Շիկեն է։
«Շանելի» տան գեղարվեստական ղեկավարը՝ մոդելագործ Կարլ Լագերֆելդն է։

Գործունեություն

Ընկերությունը մասնագիտանում է հագուստի, կոսմետիկայի, օծանելիքի, ժամացույցների, արևապաշտպան ակնոցների և լյուքս դասի ոսկերչական իրերի արտադրության և վաճառքի վրա։ Այն ողջ աշխարհում 147 բուտիկ ունի։
Ընկերության ֆինանսական ցուցանիշները չեն հրապարակվում։ Hoovers.com ինտերնետային ռեսուրսի տվյալներով՝ Շանելի ամենամյա շրջանառությունը կազմում է մոտ 1,089 միլիարդ դոլար։ Վերջին արտադրված օծանելիքը Chanel-ի կողմից դա կանանց համար նախատեսված N°5 L'EAU –ն է, իսկ տղամարդկանց համար՝ Bleu De Chanel-ը: Ներկայումս Chanel բրենդը ունի սպառողնեի մեծ շրջանակ աշխարհի տարբեր անկյուններում: Ուշագրավ է, որ Chanel №5 –ը աշխարհում վաճառվում է յուրաքանչյուր 30 վայրկյանը մեկ: Սպառողները կարող են ծանոթանալ բրենդի նոր տեսականուն կատալոգների, խանութների, գովազդների կամ համացանցի միջոցով:

SWOT վերլուծություն

Առավելություններ

• Արտադրանքի և՛ որակը, և՛ ծավալը գրեթե համապատասխանում է իրական գնին
• Շուկայում պահանջված է
• Ունի ճանաչված ապրանքանիշ
• Ունի հավատարիմ հաճախորդների մեծ բանակ և աշխատակազմ
• Տպավորիչ fashion show-ներ
• Ձեռքի պայուսակների և օծանելիքների եզակի ոճ և դիզայն
• Լավ գովազդներ, այդ թվում նաև ցուցահանդեսներ
• Բրենդի հայտնի հիմնադիր

Թերություններ

• Կայքի հասարակ դիզայն
• Ապրանքները հասանելի են հիմնականում մեծ քաղաքներում
• Նյութերը մատակարարներից ստանում են բարձր գներով
• Ինքնարժեքը բարձր է
• Խնամքի պարագաները բարելավման կարիք ունեն
• Արտադրությունը սահմանափակ է

Սպառնալիքներ

• Շուկայում առկա են ապրանքների նույնական օրինակները, որոնք վաճառվում են ավելի քիչ վճարել ցանկացող հաճախորդներին
• Peta-ն հրապարակել է, որ Շանելի կոսմետիկան փորձարկվել է կենդանիների վրա, որից հետո Շանելը կարող է վատ համբավ ձեռք բերել
• Հաճախորդները չեն կարող օնլայն հագուստ գնել, ինչը օգնում է ուրիշ բրենդերի, ովքեր ունեն այդ հնարավորությունը
• EU-ն սպառնալով արգելել է No 5–ի արտադրությունը, քանի որ այն պարունակում է բաղադրաաս, որը մեծացնում է ալերգիայի ռիսկը

Հնարավորություններ

• Հայտնի բլոգերների հետ աշխատելը հնարավորություն կտա մեծացնել վաճառքը երիտասարդների շրջանում
• Ընդլայնելով արտադրանքը շուկայում նա կբարելավի իր դիրքերը
• Ստեղծվում է նոր և նորարարական արտադրանք
• Զարգանում է տղամարդկանց խնամքի պարագաների արտադրությունը
• Տեխնոլոգիաները անընդհատ թարմացվում են
• Կատարվում է օնլայն գնումներ տարբեր՝ կայքերի միջոցով

Արտաքին հղումներ

• Շանելի պաշտոնական կայքը