Յունիկոդ

Յունիկոդի լոգոն

Յունիկոդ (անգլ.՝ Unicode), տեղեկատվության փոխանակման նպատակով նիշերի այլագրման (կոդավորման) բազմաբայթ (multioctet) ստանդարտ, որը ներառում է աշխարհի գրեթե բոլոր գիր ունեցող լեզուների սեպագրերը, հիերոգլիֆները, տառերն ու կետադրական նշանները, ազգային խորհրդանիշերը, բազմաթիվ այլ համընդահանուր և մասնավոր օգտագործման նշաններ։

Այն ստեղծվեց փոխարինելու նախկինում օգտագործվող 8-բիթով (մեկ բայթ՝ 256 նիշ) այլագրվող համակարգերին, որոնց միջոցով արդեն հնարավոր չէր, նույնիսկ մի լեզվի շրջանակում, ապահովել տեղեկատվության լիարժեք փոխանակումը։ Այսօր իրականացվել և համատարած կիրառվում են Յունիկոդի UTF-8 ստանդարտով գործող գրանշանների մինչև 21-բիթով (2097152 նիշ) այլագրման համակարգերը։

Յունիկոդ ստանդարտը առաջարկել է 1991 թվականին «Յունիկոդի Կոնսորցիում» (անգլ.՝ Unicode Consortium, Unicode Inc.) կազմակերպությունը։ Այդ ստանդարտի օգտագործումը թույլ է տալիս կոդավորել տարբեր գրերի բազմաթիվ նշաններ։ Յունիկոդ ստանդարտով գրված փաստաթղթերում կարող են լինել չինական հիերոգլիֆները, մաթեմատիկական նշանները, հայկական, հունական, վրացական, լատինական և կիրիլական այբուբենի տառերը, ընդ որում լրացուցիչ կոդային էջերը այլևս անհրաժեշտ չեն։

Արտաքին հղումներ

• Յունիկոդ Կոնսորցիումի
• Յունիկոդ ստանդարտը Հայերենի այբուբենի և կետադրական նշանների համար
• Հայերեն գրանշանների լրացված աղյուսակն ըստ ISO/IEC 10646:2012/Amd.1: 2013 (E), p. 11-12
• Յունիկոդի աղյուսակը հայերենի գրանշանների համար (միջակետը գտնվում է այլ աղյուսակում՝ U+2024)
• Հայենա (hyaena) ազատ ծրագիր նիշքերը ArmSCII-ից Յունիկոդ ստանդարտի փոխելու համար։