Չինաստան

中华人民共和国 中華人民共和國 Zhōnghuá Rénmín Gònghéguó Չինաստանի Ժողովրդական Հանրապետություն
Դրոշ Զինանշան
Ազգային օրհներգ՝ Կամավորների Արշավանքը
Չինաստան դիրքը
Մայրաքաղաք		Պեկին
Ամենամեծ քաղաք		Շանհայ
Պետական լեզուներ		Չինարեն
Կառավարում		Սոցիալիստական Հանրապետություն
Անկախություն
Տարածք
-	Ընդհանուր	9,596,960 կմ²
-	Ջրային (%)	2.8%
Բնակչություն
-	2005 նախահաշիվը	1,315,844,000
-	2000 մարդահամարը	1,242,612,226
-	Խտություն	140 /կմ²  363 /մղոն²
Արժույթ		Յուան (CNY)
Ժամային գոտի		(ՀԿԺ+8)
-	Ամռանը (DST)	(ՀԿԺ+8)
Ազգային դոմեն		.cn
Հեռախոսային կոդ		+86

Չինաստանի Ժողովրդական Հանրապետությունը (ՉԺՀՉինարենի մանդարինյան բարբառով` |v=中华人民共和国|t=中華人民共和國 - Չուգուո Րենմին Գուխըակո Արտասանություն ) հաստատված Է 1949 թվականից, և ղեկավարվում է կոմունիստական կուսակցությամբ։ Այսօր աշխարհի ամենաշատ բնակիչ ունեցող երկիրն է ավէլի քան 1.3 միլիարդ բնակչությամբ։ Տարածքով ամենամեծ երկիրն է արևելյան Ասիայում և չորորդը աշխարհում` Ռուսաստանից, Կանադայից և ԱՄՆից հետո։ ՉԺՀ-ն ցամաքով սահմանակից է 14 պետությունների, որով և Ռուսաստանի հետ միասին Աշխարհում առաջինն է հարևան պետությունների թվաքանակով։ Դրանք են` Վիետնամը, Լաոսը, Մյանմարը, Բութանը, Նեպալը, Հնդկաստանը, Պակիստանը, Աֆղանստանը, Տաջիկստանը, Ղրղզստանը, Ղազախստանը, Ռուսաստանը, Մոնղոլիան և Հյուսիսային Կորեան։

Պատմություն

Հիմնական հոդված՝ Չինաստանի պատմություն

ՔԱ 6-րդ հազարամյակում ներկայիս Չինաստանի տարածք են գաղթում նեոլիթական մշակույթի առաջին զարգացած ցեղերն ու ժողովուրդները և բնակություն են հաստատում խոշոր գետերի գետաբերաններում։ Սկիզբ են առնում Յանգշաո, Ցզինլի և Միջաբանգ- քաղաքակրթությունները։ Մոտ ՔԱ 3-րդ հազարամյակում, բրոնզե դարի սկզբում բոլոր այս հնագույն ժողովուրդներն ու էթնոսները վերանում են, կազմավորվում են նորերը, որոնցից են Սանցզինգդուին (ՔԱ 12-11 դարեր), որոնք ապրում են ժամանակակից Չինաստանի Սիչուան նահանգում, կամ Էրլիտուները` արևմուտքում։ Բրոնզե դարի ծաղկման շրջանում Չինաստանում սկսվում է դինաստիաների դարաշրջանը։ Պատմության մեջ առաջին հայտնի դինաստիան Շանգ-դինաստիան է։ Ժողովուրդը գոյություն է ունեցել ՔԱ 16-11րդ դարերում։ Այս ժամանակներից են ծագում ոսկորների վրա գրված հնագույն արձանագրությունները, որոնք գտնվել են Չինաստանում։

Միջնադար. մոնղոլները Չինաստանում (1279-1368)

Սկսած 1211թ.-ից ժամանակակից Մոնղոլիայի տարածքից` հյուսիսային տափաստաններից մոնղոլները սպառնում են չինական թագավորությանը։ 1215 թ.-ից Պեկինը ընկնում է Մոնղոլների տիրապետության տակ, և հենց այդ ժամանակ էլ քաղաքը ստանում է իր այժմյան անվանումը և դառնում է քաղաքամայր։