«Հակոբ Կոջոյան»–ի խմբագրումների տարբերություն

Հակոբ Կոջոյան
Ի ծնե	Հակոբ Կարապետի Կոջոյան
Ծնվել է	Դեկտեմբեր 13 1883
Ծննդավայր	Ախալցխա
Վախճանվել է	Ապրիլ 24 1959
Մահվան վայր	Երևան, ՀԽՍՀ
Ազգություն	հայ
Քաղաքացիություն	Ռուսական կայսրություն և ԽՍՀՄ
Կրթություն	Մյունխենի գեղարվեստի ակադեմիա (1907)
Մասնագիտություն	նկարիչ
Ուշագրավ աշխատանքներ	Սասունցի Դավիթ
Աշակերտներ	Աշոտ Մամաջանյան և Կարապետ Տիրատուրյան
Պարգևներ	; և
	Հակոբ Կոջոյան Վիքիդարանում
	Hakob Kojoyan Վիքիպահեստում

Դիտել պատմությունը

← Նախորդ տարբ Հաջորդ տարբ →

Content deleted Content added

ՎիզուալԵլատեքստ

Գծային

07:39, 25 Հունիսի 2017-ի տարբերակ

Հակոբ Կարապետի Կոջոյան (1883, դեկտեմբեր 13, Ախալցխա - 1959, ապրիլ 24, Երևան), հայ նկարիչ, մանկավարժ, ՀԽՍՀ ժողովրդական նկարիչ, գեղարվեստի և գրաֆիկայի վարպետ^[2]։

Կենսագրություն

1900 թվականին ավարտել է Վլադիկավկազի քաղաքային վարժարանը, 1900-1901 թթ. աշակերտել է ոսկերիչ-փորագրիչ Պրուսովին
1905-1907 թթ. սովորել է Մյունխենի գեղարվեստի ակադեմիայում
1909 թվականին զորակոչվել է բանակ
1912-1914 թթ. աշխատել է Մոսկվայում։ Առաջին համաշխարհային պատերազմի տարիներին կրկին զորակոչվել է բանակ
1918 թվականին հաստատվել է Հայաստանում և նույն թվականին Նիկողայոս Մառի հնագիտական արշավախմբի հետ մասնակցել Անիի պեղումներին։ Հայոց մայրաքաղաքում անցկացրած օրերի տպավորությունները հետագայում արտահայտվել են նրա «Անիի ավերակները» (1919) նկարում
1921 թվականին փետրվարյան ապստամբության պարտությունից հետո հեռացել է Պարսկաստան, հաստատվել Թավրիզում
1922 թվականին Խորհրդային Հայաստանի կառավարության հրավերով Կոջոյանը վերադարձել է Երևան
1945-1954 թթ. դասավանդել է Երևանի գեղարվեստա-թատերական ինստիտուտում

Ստեղծագործական գործունեություն

Ճարտարապետ Կարո Հալաբյանի և նկարիչ Սեդրակ Առաքելյանի հետ Կոջոյանն աշխատել է ռուսաստանյան հեռագրական գործակալության հայկական բաժանմունքի (ԱրմԿավՌՕՍՏԱ) արվեստանոցում, թողարկել ագիտացիոն պլակատներ և ծաղրանկարներ։ 1923 թվականին նկարչի աշխատանքը Մոսկվայում արժանացել է առաջին կարգի դիպլոմի։ 1924-1930 թթ. Կոջոյանը ԵՊՀ տեխնիկական ֆակուլտետում դասավանդել է նկարչություն, իսկ 1930-ից շարունակել է աշխատանքը նորաստեղծ ԵՐՊԻ-ում։

Հայտնի է «Սասնա Ծռեր» ժողովրդական վիպերգության նկարազարդմամբ, 1920-ական թթ արևելյան մոտիվներով գրված մի շարք աշխատանքներով («Ճաշարան Թավրիզում», «Փողոց Թավրիզում» և այլն)։ Հակոբ Կոջոյանը ժամանակակից հայկական գրքային գրաֆիկայի հիմնադիրն է։ Բազմազան են նկարչի հաստոցային գրաֆիկայի ոչ միայն թեմաներն ու ոճը, այլև արտահայտչամիջոցները։^[3]

1925 թվականին նկարազարդել է Ստեփան Զորյանի «Հազարան բլբուլ» հեքիաթը, առաջին մանկական պատկերազարդ հրատարակությունները՝ Հովհաննես Թումանյանի «Գիքորը» և «Տերն ու ծառան», 1933 թ.՝ Եղիշե Չարենցի «Գիրք ճանապարհին» ու Ակսել Բակունցի «Սև ցելերի սերմնացանը», 1934 թ.՝ Մաքսիմ Գորկու «Բանաստեղծություններ և լեգենդներ» ժողովածուն և այլն։ 1941 թ. նա ստեղծել է Հ. Ստեփանյանի «Սասունցի Դավիթ» օպերայի դեկորացիաների էսքիզները, 1945 թվականին նկարազարդել՝ Սայաթ Նովայի խաղերի ժողովածուն։

Հակոբ Կոջոյանը, ճարտարապետ Ալեքսանդր Թամանյանի հետ միասին, հեղինակն է^[4] Հայաստանի Հանրապետության զինանշանի (հաստատված 1920 թ. հուլիսին ՀՀ կառավարության կողմից)։

Կոջոյանի վերջին տարիների լավագույն ստեղծագործություններից են Հովհաննես Թումանյանի «Փարվանա» լեգենդի նկարազարդումները։

Անհատական ցուցահանդեսներ

Երևան, 1954, 1958
Թբիլիսի, 1959
Բաքու, 1959
Մոսկվա, 1959
Լենինգրադ, 1959
Սոֆիա, 1982
Պլովդիվ, 1982

Պատկերասրահ

Հայաստանի Առաջին Հանրապետության զինանշանը
Սասունցի Դավիթ (կտավ)

Հղումներ

Հակոբ Կոջոյանի մասին ակադեմիկոս Վ. Հարությունյանի կայքում

Ծանոթագրություն

↑ Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
↑ Կազմող և առաջաբանի հեղինակ` Մարտին Միքայելյան (2009). Հակոբ Կոջոյան: Ալբոմ. Երևան: «Գրաբեր» հրատարակչություն. էջ 112. ISBN 978-9939-819-00-6.
↑ Հակոբ Կոջոյանի մասին ՀՀ մշակույթի նախարարության պաշտոնական կայքում
↑ «Հայաստանի Հանրապետություն. Ընդհանուր տեղեկություններ».

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Հակոբ Կոջոյան կատեգորիայում։

Վիքիդարանն ունի նյութեր, որոնք վերաբերում են «Հակոբ Կոջոյան» հոդվածին։

Վիքիպահեստն ունի նյութեր, որոնք վերաբերում են «Հակոբ Կոջոյան» հոդվածին։

[_5e5775e65518eefb-1] Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[2] Կազմող և առաջաբանի հեղինակ` Մարտին Միքայելյան (2009). Հակոբ Կոջոյան: Ալբոմ. Երևան: «Գրաբեր» հրատարակչություն. էջ 112. ISBN 978-9939-819-00-6.

[3] Հակոբ Կոջոյանի մասին ՀՀ մշակույթի նախարարության պաշտոնական կայքում

[4] «Հայաստանի Հանրապետություն. Ընդհանուր տեղեկություններ».

[1]

[2]

[3]

[4]

@@ Տող 17. / Տող 17. @@
 }}
-'''Հակոբ Կարապետի Կոջոյան''' ([[1883]], [[դեկտեմբեր 13]], [[Ախալցխա]] - [[1959]], [[ապրիլ 24]], [[Երևան]]), հայ նկարիչ, մանկավարժ, ՀԽՍՀ ժողովրդական նկարիչ, գեղարվեստի և գրաֆիկայի վարպետ<ref>{{cite book | title=Հակոբ Կոջոյան: Ալբոմ | publisher=«Գրաբեր» հրատարակչություն | author=Կազմող և առաջաբանի հեղինակ` Մարտին Միքայելյան | year=2009 | location=Երևան | pages=112 | isbn=978-9939-819-00-6}}</ref>։
+'''Հակոբ Կարապետի Կոջոյան'''  ([[1883]], [[դեկտեմբեր 13]], [[Ախալցխա]] - [[1959]], [[ապրիլ 24]], [[Երևան]]), հայ նկարիչ, մանկավարժ, ՀԽՍՀ ժողովրդական նկարիչ, գեղարվեստի և գրաֆիկայի վարպետ<ref>{{cite book | title=Հակոբ Կոջոյան: Ալբոմ | publisher=«Գրաբեր» հրատարակչություն | author=Կազմող և առաջաբանի հեղինակ` Մարտին Միքայելյան | year=2009 | location=Երևան | pages=112 | isbn=978-9939-819-00-6}}</ref>։
 == Կենսագրություն ==
 *1900 թվականին ավարտել է [[Վլադիկավկազ]]ի քաղաքային վարժարանը, 1900-1901 թթ. աշակերտել է ոսկերիչ-փորագրիչ Պրուսովին