«Ելք (կուսակցությունների դաշինք)»–ի խմբագրումների տարբերություն

Վիքիպեդիայից՝ ազատ հանրագիտարանից
չ Arsog1985 տեղափոխեց էջը ««ԵԼՔ» դաշինք»-ից ««Ելք» դաշինք»: Փոքրատառ
(Տարբերություն չկա)

11:41, 27 Մարտի 2017-ի տարբերակ

«ԵԼՔ» դաշինք, գործող ընդդիմադիր քաղաքական դաշինք Հայաստանում։ Դաշինքը ստեղծվել է 2016 թվականի դեկտեմբերի 12-ին[1]՝ «Քաղաքացիական պայմանագիր», «Լուսավոր Հայաստան» և «Հանրապետություն» կուսակցությունների ստորագրած համաձայնագրով։ Դաշինքի անվանումը հրապարակվել է նույն թվականի դեկտեմբերի 23-ին[2]։

Անվանում

Դաշինքի անվան հիմքում հայերեն «Ելք» բառն է, որը նշանակում է դժվար կացությունից՝ անհաջողությունից և այլն ազատվելու հնարավորություն՝ միջոց[3]։ Դաշինքի հիմնադիրներից Նիկոլ Փաշինյանն այն բացատրում է որպես Հայաստանը դժվար կացությունից, անհաջողությունից ազատելու հնարավորություն՝ միջոց, Հայաստանի վերելքի, դեպի վեր տանող վերընթաց ուղի[4]։

Մասնակցությունը ՀՀ խորհրդարանական ընտրություններին

2017

Դաշինքը ստեղծվել է 2016 թվականի դեկտեմբերի 12-ին՝ Հայաստանի 2017 թվականի խորհրդարանական ընտրություններին մասնակցելու նպատակով։ «ԵԼՔ»-ը գրանցվելու համար ԿԸՀ֊ին փաստաթղթերը հանձնել է 2017 թվականի փետրվարի 16-ին՝ միաժամանակ հրապարակելով համամասնական ցուցակի առաջին ինը անդամների անունները[5]։ Դաշինքի համամասնական ցուցակի առաջին եռյակը որոշվել է քվեարկությամբ[6][7]։ Այն գլխավորում է «Լուսավոր Հայաստան» կուսակցության նախագահ Էդմոն Մարուքյանը, երկրորդը «Հանրապետություն» կուսակցության նախագահ Արամ Զավենի Սարգսյանն է, երրորդը «Քաղաքացիական պայմանագիր» կուսակցության խորհրդի անդամ Նիկոլ Փաշինյանը։ Դաշինքի համամասնական ցուցակում ընդգրկված է հարյուր քսանմեկ անձ, որոնցից հարյուր տասներկուսը նաև տարածքային թեկնածուներ են։ Դաշինքը ընտրությունների նախընտրական ծրագիրը հրապարակել է մարտի 5-ին[8]։ Կարգախոսն է «Ընտրություն, փոփոխություն, հաղթանակ»[9]։

Հայտարարություններ

«ԵԼՔ» դաշինքը 2017 թվականի փետրվարի 8-ին հայտարարությամբ դատապարտեց Բելառուսի կողմից հրեա բլոգեր Ալեքսանդր Լապշինի արտահանձնումը[10] Ադրբեջանին և կոչ արեց Բելառուսից հետ կանչել ՀՀ դեսպանին[11]։

Արտաքին հղումներ

Ծանոթագրություններ

  1. Լուսավոր Հայաստանը, Քաղաքացիական պայմանագիրը և Հանրապետությունը համաձայնագիր ստորագրեցին
  2. «Ելք». Փաշինյանի, Մարուքյանի ու Արամ Սարգսյանի դաշինքի անունը հայտնի է
  3. http://www.nayiri.com/imagedDictionaryBrowser.jsp?dictionaryId=24&query=%D4%B5%D5%AC%D6%84 Արդի հայերենի բացատրական բառարան Էդուարդ Բագրատի Աղայան։ «Հայաստան» Հրատարակչություն, Երեւան, 1976
  4. Ինչու ԵԼՔ դաշինք. Նիկոլ Փաշինյանի պարզաբանումը
  5. «Ելք» դաշինքը ԿԸՀ ներկայացրեց նախընտրական ցուցակը՝ նշելով ինը տեղերը զբաղեցրած անձանց անունները
  6. «Ելք» դաշինքի համամասնական ցուցակը կգլխավորի Էդմոն Մարուքյանը
  7. «Ելք» դաշինքի ցուցակը կգլխավորի էդմոն Մարուքյանը
  8. ԵԼՔ դաշինքի նախընտրական ծրագիրը «Լուսավոր Հայաստան» կուսակցության պաշտոնական կայքում
  9. «Ելք»-ն ԱԺ ընտրություններին հանդես կգա «Ընտրություն, Փոփոխություն, Հաղթանակ» կարգախոսով
  10. Բելառուսը Ադրբեջանին արտահանձնեց բլոգեր Ալեքսանդր Լապշինին
  11. «Ելք» դաշինք. ՀՀ-ն պետք է հետ կանչի Բելառուսում իր դեսպանին