Վահանագեղձի բորբոքում

Վահանագեղձի բորբոքում
Տեսակ	հիվանդության կարգ
Վնասում է	Վահանագեղձ
Բժշկական մասնագիտություն	էնդոկրինոլոգիա
Thyroiditis Վիքիպահեստում

Վահանագեղձի բորբոքում, թիրևոիդիտ, վահանագեղձի բորբոքային հիվանդություն։ Պատճառներն են ոչ առանձնահատուկ (վիրուսային, ստրեպտոստաֆիլակոկային) կամ առանձնահատուկ (տուբերկուլոզ, սիֆիլիս և այլն) վարակիչ հիվանդությունները, թունավորումները (կապարով, ածխածնի օքսիդով)և աուտոիմուն հիվանդությունները։ Ըստ ընթացքի վահանագեղձի․ բորբոքում լինում է սուր, ենթասուր և քրոնիկական։ Հիմնական ախտանշաններն են ցավերը՝ կուլ տալիս և գլուխը ետ շարժելիս, մարմնի ջերմաստիճանի բարձրացումը, պարանոցի չափերի մեծացումը, տեղային (ռեգիոնար) ավշային հանգույցների ցավոտությունը։ Բուժումը․ հակաբորբոքային և ցավազրկող դեղամիջոցներ, անտիբիոտիկներ, կորտիկոստերոիդներ, թիրեոիդին, վիտամիններ։ Թարախային բորբոքման դեպքում՝ վիրաբուժական մեթոդների կիրառում։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 244)։