Ուժի մոմենտ

Ուժի մոմենտ, մեխանիկական մեծություն, որը բնութագրում է պինդ մարմնի վրա ներգործող ուժի պտտական ազդեցությունը։ Տարբերում են ուժի մոմենտ բևեռի (կետի) և առանցքի նկատմամբ։

Սահմանում

O բևեռի նկատմամբ ուժի մոմենտը վեկտորական մեծություն է, որը հավասար է Օ բևեռից ուժի կիրառման կետը տարած ${\vec {r}}$ շառավիղ-վեկտորի և ${\vec {F}}$ ուժի վեկտորի վեկտորական արտադրյալին.

${\vec {M}}=[{\vec {r}},{\vec {F}}]$։

Ուժի մոմենտը հաշվում են

$M=Fsin\alpha$

բանաձևով, որտեղ $\alpha$-ն ${\vec {r}}$ և ${\vec {F}}$ վեկտորների կազմած անկյունն է, իսկ $l=rsin\alpha$-ն՝ ուժի բազուկը, որը հավասար է ուժի ազդման գծի և Օ կետի միջև եղած հեռավորությանը։

Ուժի մոմենտը $a$ առանցքի նկատմամբ ($M_{a}$) սկալյար մեծություն է, որը հավասար է ուժի մոմենտի վեկտորի պրոյեկցիային а առանցքի վրա՝ այդ առանցքի ցանկացած O կետի նկատմամբ ($M_{a}$-ի արժեքը կախված չէ O բևեռի ընտրությունից а առանցքի վրա)։ Ուժի մոմենտները բևեռի նկատմամբ գումարվում են երկրաչափորեն, իսկ առանցքի նկատմամբ՝ հանրահաշվորեն։

Չափման միավորներ

Միավորների միջազգային համակարգում ուժի մոմենտը չափվում է Ն·մ-ով։

Ոլորող մոմենտ

Ոլորող մոմենտը նյութերի դիմադրությունում ուժային գործոն է, որն առաջ է բերում ողորման դեֆորմացիա։ Արտահայտվում է ուժի և երկարության արտադրյալով։ Ոլորող մոմենտի ագդման հետևանքով կոնստրուկցիայի տարրերի լայնական կտրվածքներում առաջանում են շոշափող լարումներ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանի «Ուժի մոմենտ» հոդվածից (հ․ 12, էջ 204 )։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանի «Ոլորող մոմենտ» հոդվածից (հ․ 8, էջ 609 )։