Ճռաքաղ

«Ճռաքաղ», բանասիրական, կրոնական երկշաբաթաթերթ, ապա 4 ամսագիր (1860)։

Լուսաբանում

Լույս է տեսել 1853-1962 թվականներին, Մոսկվայում։

Խմբագիրներ

Խմբագիր-հրատարակիչներ՝ Մ․ Մսերյան և Զ․ Մսերյան։ Հեռու 1860-ական թվականին հայ հասարակական կյանքի առաջադիմական իրադարձություններից, «ճռաքաղ», լինելով կղերա՜ֆեոդալական հոսանքի խոսափող, թշնամաբար է վերաբերվել «Հյուսիսավլայլ»-ին և լեզվի, կրոնի ու եկեղեցու, լուսավորության հարցերում հակադրվել է նրան։

Զետեղելով կրոնական ճառեր ու քարոզներ, ծանոթացնելով հայ եկեղեցու ծեսերին ու ավանդություններին՝ ամսագիրը նպատակ ուներ հոգևոր դաստիարակություն տալ ընթերցողներին, «օժանդակել» ազգի լուսավորության գործին։ Տպագրել է հատվածներ հայ մատենագիրների ու պատմիչների գործերից, պատմական ակնարկներ, զրույցներ, տեղեկություններ գիտական հայտնագործությունների մասին, նյութեր Ռուսաստանի պատմության վերաբերյալ։

Գրական բաժինը ներկայացրել է Մսերյանների, Սեյադի (Պ․ Մադաթյան), Ե․ Սահակյանի, Լազարյան ճեմարանի սաների բանաստեղծությունները։ Ամսագրի լեզուն հիմնականում գրաբար էր։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 106)։