Ֆելիքս Պետրոսյան

Ֆելիքս Պետրոսյան
Ծնվել է	սեպտեմբերի 18, 1933(1933-09-18)
Ծննդավայր	Բաշ Ապարան, Հայկական ԽՍՀ, ԱԽՖՍՀ, ԽՍՀՄ
Մահացել է	օգոստոսի 25, 1985(1985-08-25) (51 տարեկան)
Մահվան վայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ
Կրթություն	ՀԱՊՀ (1956)
Գիտական աստիճան	տեխնիկական գիտությունների թեկնածու
Պարգևներ և մրցանակներ

Պետրոսյան Ֆելիքս Գևորգի (սեպտեմբերի 18, 1933, Ապարան - օգոստոսի 25, 1985, Երևան), տեխնիկական գիտությունների թեկնածու, դոցենտ, կրթական, գիտական, պետական գործիչ, ՀԽՍՀ Գերագույն խորհրդի պատգամավոր (1980-1985 թթ-ին և 1985 թ-ին)։

Կրթությունը

1950 թ-ին ոսկե մեդալով ավարտել է Երևանի թիվ 10 միջնակարգ դպրոցը, 1956 թ-ին՝ Երևանի պոլիտեխնիկական ինստիտուտի մեխանիկական ֆակուլտետը, ապա՝ Կիևի ճարտարագիտական ինստիտուտի ասպիրանտուրան։

Գործունեությունը

Մասնագիտական աշխատանքի է գործուղվել ՌԴ Գորկի քաղաք։ 1958-1964 թթ-ին եղել է Երևանի էլեկտրաապարատների գործարանի ճարտարագետ, ավագ ճարտարագետ, գործիքաշինական արտադրամասի պետ, 1964-1973 թթ-ին՝ Երևանի պոլիտեխնիկական ինստիտուտի ավագ դասախոս, մետաղների տեխնոլոգիայի և մետաղաբանության ամբիոնի դոցենտ, ամբիոնի վարիչ, 1973-1975 թթ-ին՝ Երևանի էլեկտրամեխանիկական գործարանի գլխավոր տնօրեն, 1975-1977 թթ-ին՝ ՀԿԿ Կենտկոմի արդյունաբերության ու տրանսպորտի բաժնի վարիչի տեղակալի, 1977-1981 թթ-ին՝ նույն բաժնի վարիչ։ 1981 թ-ին նշանակվել է ՀԽՍՀ նախարարների խորհրդի նախագահի տեղակալ։ 1980 թ-ի փետրվարի 24-ին Երևանի թիվ 54 ընտրատարածքից ընտրվել է ՀԽՍՀ Գերագույն խորհրդի պատգամավոր։ Եղել է Գերագույն խորհրդի արդյունաբերության հանձնաժողովի անդամ։ 1985 թ-ին ընտրվել է ՀԽՍՀ 11-րդ գումարման Գերագույն խորհրդի պատգամավոր։ 1981 թ-ից եղել է ՀԿԿ Կենտկոմի անդամ։

Պարգևատրվել է

• Աշխատանքային կարմիր դրոշի շքանշանով։