Բոլշայա ռոսիյսկայա էնցիկլոպեդիա (հրատարակչություն)

Սովետսկայա էնցիկլոպեդիա («Советская энциклопедия», «Խորհրդային հանրագիտարան»), գիտա-տեղեկատու գրականության խոշորագույն հրատարակչություն Խորհրդաին Սոցիալիստական Հանրապետությունների Միություն Մինիստրների խորհըրդի Հրատպետկոմի համակարգում։ Հիմնադրվել է 1925 թվականին, Մոսկվայում՝ Խորհրդաին մեծ հանրագիտարան հրատարակելու համար, 1930 թվականին վերակառուցվել է Պետական՝ բառարանա-հանրագիտական հրատարակչության, 1935 – 1949 թվականին՝ «Խորհրդային հանրագիտարան» պետական ինստիտուտի, 1949 – 1959 թվականին՝ «Խորհրդաին մեծ հանրագիտարանի» պետական գիտական հրատարակչության, 1959 – 1963 թվականին՝ «Խորհրդային հանրագիտարան» պետական գիտական հրատարակչության, 1963 թվականից՝ «Խորհրդային հանրագիտարան» հրատարակչության։ «Խորհրդային հանրագիտարան»–ն լույս է ընծայում բազմահատոր համապարփակ և ճյուղային միահատոր հանրագիտարաններ, հանրագիտական բառարաններ, գիտության, տեխնիկայի և մշակույթի տարբեր բնագավառների գծով տեղեկատուներ։ Համապարփակ հանրագիտական հրատարակություններն են՝ Սովետական մեծ հանրագիտարանը (3 հրատարակություն), Խորհրդային փոքր հանրագիտարանը (3 հրատարակություն), Հանրագիտական բառարանը (3 հրատարակություն) Խորհրդային մեծ հանրագիտարանի տարեգիրքը (1957 թվականից)։ ճյուղային հանրագիտական հրատարակություններից են՝ Սովետական պատմական, Փիլիսոփայական, Մանկավարժական, Տնտեսագիտական, Բժշկական մեծ (3 հրատարակություն), Բժշկական փոքր, Գյուղատնտեսական, Անասնաբուժական, Գրականության համառոտ, Թատերական, Երաժշտական և այլ հանրագիտարաններ։ Պարգևատրվել է Աշխատանքային կարմիր դրոշի շքանշանով (1975 թվականին)։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 14)։