Հոն

Հոն
Ծաղկած հոն. Ամբողջական տեսք ծաղկած ժամանակ.
Գիտական դասակարգում
Թագավորություն Բույսեր Ընտանիք Հոնազգիներ Ցեղ Հոն
Լատիներեն անվանում
Cornus
Հոմանիշներ
Afrocrania (Harms) Hutch. Arctocrania Nakai Bothrocaryum (Koehne) Pojark. Macrocarpium (Spach) Nakai Thelycrania (Endl.) Fourr. Yinquania Z.Y.Zhu
Դասակարգումը Վիքիցեղերում Պատկերներ Վիքիպահեստում ITIS 27798 NCBI 4281

Հոն (լատին․՝ Cornus), հոնազգիների ընտանիքի ծառերի և թփերի ցեղ։

Հայտնի է 4, ՀՀ-ում՝ 1 տեսակ՝ Հոն սովորական (լատին․՝ Cornusmas)՝ տարածված Իջևանի, Նոյեմբերյանի, Թումանյանի, Տավուշի, Զանգեզուրի անտառներում և Սյունիքի մարզի ցածրադիր մասերում։ Մշակովի հոնի լավագույն փոփոխակներ տարածված են նաև Երևանի շրջակա այգիներում (Նորք), Կոտայքի և Արագածոտնի մարզերում։

Կենսաբանական նկարագիր

Բարձրութունը 4-8 մ է, պսակի տրամագիծը՝3-6 մ։ Երկարակյաց է։ Տերևները պարզ են, ամբողջական, հակադիր, ծաղիկները՝ երկսեռ, մանր՝ հավաքված հովանոցանման ծաղկաբույլերում։ Պտուղը կորիզապտուղ է, կարմիր, մսալի։

Նշանակություն

Օգտագործվում է թարմ և վերամշակված (մուրաբա, կոմպոտ, հյութ, օղի)։ Մեղրատու է։ Փայտանյութն ամուր է, օգտագործվում է ատաղձագործության մեջ։ Ծառի կեղևը, ճյուղերը և տերևները պարունակում են աղաղանյութեր։։