Ժակ Իխմալյան

Ժակ Իխմալյան
Ծնվել է	1922, հունիսի 30
Ծննդավայր	Կ. Պոլիս
Վախճանվել է	1978, ապրիլի 1
Մահվան վայր	Մոսկվա, ԽՍՀՄ
Ազգություն	հայ
Քաղաքացիություն	Հայկական ԽՍՀ և  Թուրքիա
Մասնագիտություն	նկարիչ և լրագրող

Ժակ Իխմալյան (1922, հունիսի 30 - 1978, ապրիլի 1), հայ նկարիչ, լրագրող։

Կենսագրություն

Ծնվել է Կ. Պոլսում, որտեղ ստացել է մասնագիտական կրթություն։ Որպես լրագրող աշխատել է Լեհաստանում, Չինաստանում, Թուրքիայում, Սիրիայում և այլուր։ 1961 թվականին եկել է Խորհրդային Միություն, բնակություն հաստատել Մոսկվայում, զբաղվել նկարչությամբ։ Անհատական ցուցահանդեսներ է ունեցել 1968, 1969, 1973, 1974 թվականներին, վերջինս՝ Վիլնյուսում։

Նկարել է գերազանցապես արևելյան տիպեր և բնական տեսարաններ՝ Լիբանանից, Թուրքիայից, Սիրիայից։

Նկարազարդել է Միխայիլ Բուլգակովի «Վարպետը և Մարգարիտան» վեպը։ Լավագույն գործերից են Նիկոլայ Գոգոլի, Վիկտոր Հյուգոյի, Պետեֆիի և այլ դիմանակարներ։