ՀՀ արտաքին գործերի նախարարություն

Հայաստանի Հանրապետության արտաքին գործերի նախարարություն
ՀՀ ԱԳՆ-ի շենքի մուտքը
Տեսակ	արտաքին գործերի նախարարություն
Երկիր	Հայաստան
Հապավում	ՀՀ ԱԳՆ
Ստեղծման թվական	1918
Ենթարկում	Հայաստանի նախագահ
Շտաբակայան	Երևան
Կայք	mfa.am/hy/

Հայաստանի Հանրապետության արտաքին գործերի նախարարություն (ՀՀ ԱԳՆ), գործադիր իշխանության հանրապետական մարմին, որը Հայաստանի Հանրապետության նախագահի ընդհանուր ղեկավարությամբ մշակում և իրականացնում է արտաքին գործերի բնագավառում Հայաստանի Հանրապետության կառավարության քաղաքականությունը, կազմակերպում և ղեկավարում է դիվանագիտական ծառայությունը՝ իրեն վերապահված լիազորությունների շրջանակներում։ ՀՀ ԱԳՆ-ն գործում է ՀՀ սահմանադրության, օրենսդրության, Նախագահի հրամանագրերի, կարգադրությունների և նրա կողմից կանխանշված արտաքին քաղաքական ուղեգծի հիման վրա։ Արտգործնախարարությունը համակարգում է Հանրապետության գործադիր իշխանության մարմինների գործունեությունը միջազգային ասպարեզում։

Ընդհանուր տեղեկատվություն

Նախարար

• Էդվարդ Նալբանդյան

Տեղակալներ

• Աշոտ Հովակիմյան
• Շավարշ Քոչարյան
• Կարեն Նազարյան

Առաքելություն

Արտաքին գործերի նախարարության աշխատանքներն ուղղված են Հայաստանի Հանրապետության.

• արտաքին անվտանգության ամրապնդմանը,
• զարգացման արտաքին բարենպաստ պայմանների ապահովմանը,
• միջազգային ասպարեզում դիրքորոշումների ներկայացմանը,
• արտերկրում Հանրապետության և նրա քաղաքացիների շահերի պաշտպանությանը,
• միջազգային կազմակերպություններում և միջազգային գործընթացներում ներգրավվածության խորացմանը,
• բարեկամ և գործընկեր երկրների հետ համագործակցության առավել ամրապնդմանը,
• հարաբերությունների կարգավորմանն այն երկրների հետ, որոնց հետ գոյություն ունեն խնդիրներ,
• արտերկրի հայկական համայնքների կապերի առավել զարգացմանն ու խորացմանը

Տարածաշրջանում կայունության, համագործակցության, անվտանգության ու խաղաղության հաստատումը հանդիսանում է արտաքին քաղաքականության առանցքային խնդիրներից մեկը։ Հայաստանն իր նպաստն է բերում կայուն և անվտանգ Հարավային Կովկասի կայացման գործում։

Արտաքին հղումներ

• Նախարարության պաշտոնական կայքէջը