Հարություն Ճանկուլյան

Հարություն Ճանկուլյան արմտ. հայ.՝ Յարութիւն Ճանկիւլեան
Ծնվել է	1856
Ծննդավայր	Վան
Մահացել է	1915, հունիսի 15
Մահվան վայր	Դիարբեքիր, Դիարբեքիրի վիլայեթ, Օսմանյան կայսրություն
Քաղաքացիություն	Օսմանյան կայսրություն
Մասնագիտություն	պատմաբան և քաղաքական գործիչ
Աշխատանք	Հնչակյան կուսակցության անդամ
Կուսակցություն	Սոցիալ դեմոկրատ Հնչակյան կուսակցություն
Harutiun Djangulian Վիքիպահեստում

Հարություն Ճունկլյան (1856, Վան - 1915, հունիսի 15, Մեծ եղեռնի զոհ), քաղաքական գործիչ։ Հնչակյան կուսակցության անդամ։

Կենսագրություն

Սկզբնական կրթությունը ստացել է ծննդավայրում։ 1890 թվականի Գում Գափուի ցույցի կազմակերպիչներից և առաջնորդներից։ Ձերբակալվել է. դատապարտվել մահապատժի, սակայն վճիռը փոխվել է ցմահ բանտարկությամբ (մինչև 1896 թվականը՝ Աքյայի բանտում)։ 1897 թվականին անցել է Կիպրոս։ Աշխատել է հաշտեցնել պառակտված հնչակյան կուսակցության երկու թևերը (1698 թվականին Կահիրեում հրապարակել է «Դիմակավորներ» գրքույկը, ուր սուր քննադատության է ենթարկել հնչակյան վերակազմյալ թևին)։

Եվրոպայում գտնված ժամանակ փորձել է համագործակցություն ստեղծել հնչակյանների և դաշնակցականների միջև, սակայն՝ ապարդյուն։ 1908 թվականի երիտթուրքական հեղաշրջումից հետո հաստատվել է Կ. Պոլսում, պաշտոններ վարել հնչակյան կուսակցության պատասխանատու մարմիններում, ընտրվել ազգային երեսփոխան։

Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։