Հենրի IV (Ֆրանսիա)

Հենրի IV ֆր.՝ Henri IV (III) օքս.՝ Enric IV (III) բասկ.՝ Henrike IV (III)
Դրոշ Ֆրանսիայի թագավոր Դրոշ
օգոստոսի 2, 1589 - մայիսի 14, 1610
Թագադրություն	փետրվարի 27, 1594, Շարտր
Նախորդող	Հենրի III Վալուա
Հաջորդող	Լյուդովիկոս XIII
Դրոշ Նավարայի թագավոր Դրոշ
հունիսի 9, 1572 - մայիսի 14, 1610
Նախորդող	Ժաննա III
Հաջորդող	Լյուդովիկոս XIII
Մասնագիտություն՝	քաղաքական գործիչ, միապետ և ռազմական հրամանատար
Ազգություն	ֆրանսիացի
Դավանանք	կաթոլիկ
Ծննդյան օր	դեկտեմբերի 13, 1553
Ծննդավայր	Պո, Բեառն
Վախճանի օր	մայիսի 14, 1610 (56 տարեկան)
Վախճանի վայր	Փարիզ, Ֆրանսիա
Թաղված	Սեն Դենի աբբայություն
Դինաստիա	Բուրբոններ
Քաղաքացիություն	Ֆրանսիայի թագավորություն
Հայր	Անտուան դե Բուրբոն
Մայր	Ժաննա III
Ամուսին	1-ինը՝ Մարգարիտա Վալուա 2-րդը՝ Մարիա Մեդիչի
Զավակներ	Լուի Արդար, Իզաբելլա Ֆրանսիացի, Christine of France?, Gaston, Duke of Orléans?, Հենրիետա Մարիա Ֆրանսիացի, César, Duke of Vendôme?, Catherine Henriette de Bourbon?, Nicolas Henri, Duke of Orléans?, Alexandre de Vendôme?, Henri de Bourbon, Duke of Verneuil?, Antoine de Bourbon?, Jeanne-Baptiste de Bourbon?, Gabriela Angélica de Bourbon?, stillborn son d'Estrées? և Marie Henriette de Bourbon?
Ինքնագիր
Պարգևներ	և Ոսկե վարդ

Հենրի IV (Ֆրանսիա), (1553—1610), թագավոր 1589-ից։ Բուրբոնների դինաստիայի առաջին ներկայացուցիչը։ 1562-ից Նավարրայի թագավոր (Հենրի Նավարրացի)։

Կրոնական պատերազմների ժամանակ հուգենոտների ղեկավար։ 1593-ին ընդունել է կաթոլիկություն և մտել Փարիզ։ 1598-ի Նանտի էդիկտով հուգենոտներին շնորհել է դավանանքի ազատություն և այլ արտոնություններ։ Հենրի IV-ի քաղաքականությունը նպաստել է բացարձակ միապետության ամրապնդմանը. դադարեցվել է Գլխավոր շտատների հրավիրումը, սահմանափակվել են նահանգային ժողովների իրավունքները, աճել է բյուրոկրատական ապարատի դերը են։ Տնտեսության ասպարեզում վարել է պրոտեկցիոնիզմի (հովանավորություն) քաղաքականություն, խթանել Ֆրանսիայի մանուֆակտուրաների զարգացումը, բարեկարգել ճանապարհները, բացել նոր ջրանցքներ ևն։ 1604-ին սկսվել է Կանադայի գաղութացումը ֆրանսիացիների կողմից։ Հենրի IV-ի կառավարությունը վերացրել է գյուղացիների ժամկետանց պարտքերը, սակայն բարձրացրել անուղղակի հարկերը։ Հենրի IV-ը ղեկավար դեր է խաղացել հակահաբսբուրգյան ընդդիմություն կազմակերպելու գործում, նախապատրաստել Տաբսբուրգների դեմ պատերազմը։ Հենրի IV-ին սպանել է մոլեռանդ կաթոլիկ Ռավալյակը։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։