Հենրի Ռեբոռն

Հենրի Ռեբոռն (Raeburn) (1756-1823), շոտլանդացի նկարիչ։ 1812 թվականից Էդինբուրգի նկարիչների ընկերության պրեզիդենտ, 1822 թվականից՝ պալատական նկարիչ։ Ստեղծել է շոտլանդացի ազնվականների, մշակույթի գործիչների և հասարակ մարդկանց դիմանկարներ, ձգտել է բացահայտել ազգային բնավորության առնականությունը, իր ժողովրդի ինքնատիպ կյանքը։ Աշխատանքներին բնորոշ են ձևերի ընդհանրացվածությունը, ազատ և հյութեղ նկարելակերպը, կոմպոզիցիայի և լուսավորության էֆեկտները «Ջոն և ՌոզմերիՔլարկ ամուսինները զբոսնելիս» (մոտ 1790, Ա․ Բեյթի հավաքածու, Լոնդոն), գնդապետ Ա․ Մակդոննելլ օֆ Գլենգերիի (մոտ 1800-1812) Մարգարիտ Ակոտ-Մոնկրիֆի (մոտ 1814) դիմանկարները, երկուսն էլ՝ Շոտլանդիայի ազգային պատկերասրահ, էդինբուրգ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։